درب البزنازة

Part 14 💕

لبنات لي فاقو بكري جمعو حوايجهم ومشاو تحممو بقاو 2 سوايع وهوما فالحمام و منبعد تمو خارجين
نور: اوووف جاني لعطش مكرهتش شي عصير بارد نبرد بيه
ريحاب: زيديني عليك
ريم: ولاهيله، يلاه نمشيو و نعصرولكم بيدي
نور: اوا فوقاش غيبرد
ريحاب: انشريوه و صافي
ريم: متستاهلوهش زيدو زيدو
وهوما غاديين كان درب خاوي كانو غير هوما لي كيتمشاو حتى كيحسو بشي حد وقف عليهم، لبنات لي شافو فيه وهو يقول
.: غتحطو داكشي لي عندكم ولا غنوليو فشي حاجة خرا
ريم: ويلي ويلي خلعتيني
شفار لي جبد موس وقال: و دابا
ريم لي غير شافت لموس رجعات ريحاب من ورا ضهرها ونور رجعات بلور وقالت: سير اخويا ضبر على شي بياسا اخرا هاد صباح سير غيرها حسن ليك
شفار: دابا مغتجبدوش ياك
نور: غنجبدلك لماشاكيل ادا ما مشيتيش بحالك
شفار لي قرب ليها لموس وحطولها على كرشها وقال: متأكده
نور لي شداتها رعده ديال بصح ولكن ما بغاتش تبين: سير بحالك حسن لك
شفار لي مشا ليها لموس فكرشها وجر ليها ياك لي كانت هازه وهرب ولكن...

لفوق ديال درب كانو نازلين نزار و فهد كيهضرو حتى نطق نزار: فهد واش كنشوف داكشي لي كانشوف
فهد: قودها ليوم
عودة كيجريو وما جاو فين يوصلو حتى بان ليهوم داك لمنضر نور غارقه فدمياتها وريم واقفه مصدومه مكتحركش اما ريحاب كانت حانية كتبكي وكتحرك فنور
نزار لي مشا كيجري كيشوف فنور هزها وهو كيترعد بلخعه ماقدرش يستوعب هادشي لي وقع
عند الياس لي كان خارج من دار حتا قشع شفار هاري ودور وجهو وبان ليه داك المنضر مشا كيجري وشد شفار ونزل عليه بالعصا
اما نزار لي هو نور كيجري و خشاها فطوموبيل ومشا مكسيري.
ريم لي بقات واقفه مبلوكيه مكتحركش غير واقفه وكنشوف فهد لي عيا ميحرك فيها و والو حتى شويه كيحس بيها ترخات و سخفات عليه هزها حتى هو ومشا لكلينيك، تبعوهم اخرين من بعد ما سردو داك شفار لديبو
وصلو وبقاو نزار غير جالس وساده راسو بين يديه اما فهد راه مع ريم

عند ريم لي كانت ناعسه فواحد الغرفه وحدتها فهد جالس، حتى خلات عينيها وقالت: نووور
ريم شافت فهد: نووووووور فينيا نور، عافاك قولي بلي موقعها والو وكنت غير كنحلم
فهد: ريم تهدني را غتكون بيخير
ريم: كيفاش غنكون بيخير ونا ختي تضربات بموس وحدايا، بغيت نشوفها
فهد: ريم حتى يسالي سيرو و نوضي
ريم: فهد واش كضحك عليا
فهد: راها باقا فغرفه العمليات
ريم لي نترات سيرو من يدها و ناضت، ترمات خارجة و فهد تابعها، بقات كتقلب حتى لقاتهم كاملين مجموعين
ريم لي بدات كتبكي وتشهق واضرب فراسها وكتقول: انا شباب انا كان خاصو داك بموس يجي فيا ماشي فيها علاش هي وماشي انا علاش هي لي تضربات انا لي خاصني نتضرب انا لي ما خبعتهاش ورا ضهري وخليتها كتجاوي معاه علاش
فهد لي شافها فديك لحالة وجا عنقها كيحاول يعدأها حتى سكتات وبقات كنسمع غير تنخصيص ديالها، بعدات عليه وقالت: فهد ادا وقعاتلها شي حاجة انا معمرني غنسامح راسي
فهد لي ررضها لحضنوا وقال: متقوليش هاكا هي غتفيق وغيكون كلشي مزيان
نزار لي كان باقي على نفس لحالة جالس وداير يدو على راسو ومكيهضرش انا ريحاب حتى هي كانت غير ساكتة وكنبغي والياس معنقها.