درب البزنازة

part 22 💕

اصبحنا واصبح الملك لله
عندها هي لي كانت خارجة من الحمام وكتعرج حيت ما قادراش تمشة مزيان
نور: اححح فرعني ولد الحرام
مشات لدريسينك هزات واحد لكسيوة لي كاتجي سميطات طويلة فالغوز خلات شعرها مطلوق وتمات هابطة فدروج غير بشوية حتى وصلات الكوزينة لقاتو واقف كيصيب كريب
نزار لي حي بيها وهو يدور حتى بانتليه باقا كتعرج ضحك وقال: بدلتلك المشيا
نور: سكت عليا
نزار لي مشا هزها وحطها فوق لبوطاجي ودخل معاها فقبلة

فمكان اخر
كانت ناعسة و شوية بدات كتحل عويناتها شوية بشوية وهي مبتاسمة دورات عينيها مبانش ليها، ناضت دخلات دوشات وهي ناشطة وخا ندمات شوية، خرجات ولبسات غير واحد تيشرت لقاتو فدريسينك وخرجات لقات الفطور فوق طابلة مشات جلسات وهزات تليفونها حتى كيطلع ليها ميساج من عندو سردو منين كانت باقا ناعسة دخلات تقراه ومن حدها كتقرا داك الميساج كتزيد تخرج عينيها لي ولاو حمر وعمرو بدموع

الميساج:
صباح الخير ريم عارف بلي منين غتقراي هاد لميساج غنكون مشيت، ريم انا كنبغيك بزاف متنسايش هادي ولكن منقدرش نعرض حياتك للخطر عليها مشيت وخليتك سمحي ليا بزاف انا اخر ليلة ليا كنت باغا ندوزها معاك ومتنسايش بلي انا كنبغيك بزاف.

ريم لي بقات مصدومة ولكن بدات كتحاول تصوني عليه ولكن كان كيطلع بلي تيليفون طافي، طاح ليها تيلي من إيديها و دموعها شلال على خدودها لي كانو حمرين بزاف
هزات تيلي عاوتاني وبدات كتصوني على الياس
الياس: الو
ريم: الياس فينك
الياس: فدار في غنكون ونتوما فين مشيتو
ريم لي بدات كتبكي من جديد وقالت: الياس غنصردلك فين انا واجي مورايا
الياس: واخا ولكن علاش ياك لبارح كنتي مع فهد فين مشا
ريم: صافي حتى تجي

غير قطعات معاه ناضت لبسات عليها واحد سروال ديالو مع قبية وخرجات للتحت كتسنى خوها وغير جا ركبات وتحركو
الياس: اش واقع ومالك بهاد الحوايج
ريم كتبكي: الياس غنشرحلك كلشي اخويا ولكن فهمني واخا
الياس: واخا غير متبكيش وشرحيلي
ريم لي بدات كتعاودلو كلشي وهو غير مصدوم من هادشي لي كيسمع اه هو فايت قاليه فهد بلي يقدر يمشي ولكن فالأخر تراجع
ريم مسجات دموعها وقالت: وهادشي لي وقع واخا تصوني ليه غير نفهم علاش دار هاكا علاش
الياس لي بقات فيه ختو قال: واخا انا نشوف واش غيجاوب
بقا كيصوني و والو، شاف فيها وقال: ماكيجاوبش شوفي انا غنديك دابا لدارك ياك رتاحي ومن بعد نهضرو
ريم لي حركات ليه غير راسها وهي باقا كتبكي

بعد مرور شهر
فهاد شهر ريم تبدلات بزاف ولات غير سادة عليها ومكتهضر مع حد وحتى من مضراستها مكتمشيلاش و ولات غير كترد وفيها دوخا اما فهد فراه من ديك ليلة ما بقا شافو حد، نزار لي شك فشي حاجة هو ماشي مكلخ باش ميشكش فخوه لي منين رجع وهو غير ساهي وكيتنهد عليها شك بلي بغا يمشي و ميرجعش.

كانو مجموعين كاملين فدار ديال ريم لي ولات ساكنة فيها حتى ريحاب، كانو كيتناقشو ويهضرو وهي غير ساكتة وساهية
نور لي شافت فيها وكتحاوا تهضر معاها باش متلقاش غير ساكتة وساهية قالت: ريم توحشت اتاي ديالك واخا تصاوبيهلنا
ريم لي بتاسمات غير بزز وقالت: توحشتي غير اتاي ديالي انا والو
نور لي جرات ليها حنيكاتها وقالت: نتي راك العمر ودابا عدلي لينا اتاي راه كيحمقنا كاملين ياك ا إلياس (وغمزاتو)
الياس لي ضحك وقال: اه اه اريم نوضي عدلي لينا اتاي اه بعدا فوقاش ناوية ترجعي لقرايتك
ريم لي تنهدات وقالت: هانا نايضة وقرايتي دوز غير هاد سيمانا ونمشي نديلهم تقرير طبي ونقولهم بلي كنت عيانا ونرجع نقرا
نور: اه احسن حاجة واسيري
ريم لي ناضت الكوزينة وهوما غير كيشوفو فيها وكيتنهدو على حالها، بقاو هكاك حتى سمعو شي حاجة تهرسات نور لي قلبها تقبط عليها وناضت كتجري حتى كتبان ليها طايحة فالارض مغيبة غوتات حتى تجمعوا عليها كاملين اما الياس لي غير شاف ختو فديك الحالة مشا كيجري هزها وخرج ركبها فطوموبيلتو ومشا منير لوبيطال
وصلو وحطوها فالباياص ودخلو بيها لقاعة المستعجلات بقاو كاملين جالسين على اغتصابهم شي نص ساعة حتى خرج طبيب ناضو كاملين وقفو
طبيب: مبروك عليكم وعلى راجلها لبنت حاملة ودابا عندها شهر
طبيب لي مشا بحالو انا هوما لي شهقو
نور: كيفاش اويلي على حاملة اويلي
نزار لي شدها مزير عليها وقال: نور تعدني
دخلو عندها وهوما مصدومين ، هي لي كانت مكتية كتبكي كانت شاكة حيت هي طبيبة وكتفهم هادشي مزيان ولكن دائما كانت كتحاول تقنع راسها بلي غير حيت مكتاكلش بزاف ولا لمعيدة لي دايرالها هادشي ولكن دابا تأكدات، بقات كتبكي وتشهق وغير شافتهم داخلين زادت فوتيرة ديال البكا حتى دخلات فخالة هستيرية بدات كاندب وتنتف راسها وضرب وكرشها وهوما كيحاولو يعدنوها حتى دخلات الفرملية وضربات ليها شوكة باش تكالما
خرجو من عندها ومشاو جلسو فواحد اكافي
نور لي كتبكي قالت: الله ياخد فيه الحق ولد الحرام ضحك على لبنت ومشا
ريحاب لي تنهدات وقالت: ودابا اش غدير واش غطيح لبيبي
نزار لي خنزر فيها وقال: منيتك، لبيبي غتولدو وغنقيدوه على سميتنا ونربيوه ولي بغا يطرا يطرا ريم را ختي وهداك لي فكرشها راه ولد ولا بنت خويا فهمتي
ريحاب لي تنهدات و دورات وجهها اما واحد الياس فكان غير ساهي وكيفكر

بعد مرور سنتين
عمين لي دازت، عماين لي كان فيها فهد غابر، عمين لي وقع فيها بزاف دالحجات كاين لي تخطب وكاين لي حمل وكاين لي ولد وكاين لي كان ولي حيا، عمين لي دازت صعيبة على ريم، من مور ما عرفات راسها حاملة شحال من مرة حاولات تهرب ولكن كانو كيشدوها وشحال من مرة حاولات تقتل راسها ولكن كانو كينقدوها فأخر لحضة

فدرب وضبط فدار ديال لبنات لي تبدلات بزاف كانت واقفة قدام واحد لمراية لي طويلة، لابسة سروال جين مع طوب كحل ومن لفوق كيمونو بلدي وصنضالة طالون فرجيلاتها كانت كدوز عكر على شفايفها حتى سمعات صوتها طوفولي...
.: مامي
هي لي صارت تشوفها حتى كتبان واحد لبنيتة صغير شعرها كحل بحال ديال ماماها وبيضة بحال لحليب و عويناتها غير ديال باها وكتدي الفهد فبزاف ديال الحاجات، لابس كسيوة حمرة ودايرة تفسيرات بويض لي فيهم ديك زوايا وصبيبيط حتى هو فالبيض وشعرها دايرا جوج قرينات ولاصو
ريم: نعام امامي لغزالة
لبنيتة لي يلاه بدات كتهضر قالت: ساليت ولا باكي حيت خالو الياس كيتسنا برة
ريم لي مشات هزاتها وقالت: يلاه احبيبة نمشيو عند خالو
خرجو من دار حتى كيبان الياس لي غير ما زاد كبر وزيان متكي على طوموبيلتو و كيخيربق فتيليفون وغير شافهم خارجين خشا تيليفون فجيبو
الياس: على سلامتك عام غير باش توجدو
ريم لي قلبات عينيها ومشات حطات لبنيتة لي سميتها بيان (bayan) وركبات حدا خوها ومشاو متوجهين لدار نور و نزار حيت عارضين عليهم للغدا، وصلو ونزلو انا واحد بيان غير فتح لها لباب مشات كتجري حتى فتحلها نزار وترماو فحضنو كضحك معاه
دخلو كاملين وجلسو فصالة جماعين كانت نور لي لابسة فراشة ديال دار فالحمر وشعرها زاد طوال وزادت كبرت انا نزار فكان لابس قندورة فالكحل وحتى هو زاد كبر شوية اما لالة ريحاب فكانت بجلالة افازي فالقهوي
ريم لي قالت: ناري توحشتكم البنات والله
ريحاب لي عنقاتعا وقالت: حتى انا توحشتك نتي وعاد لفنيكيشة
نور: امم وتعانقو بلا بيا (ومشات عندهم عنقاتهم كضحك)
نزار لي حرك راسو وقال: كيهضرو بحال مشافوش بعضياتهم عام وهوما غير لبارح كانو مع بعضياتهم
الياس: ولهيلة العشير
نور: اوا متزيدوش فيه لموهيم انا غنمشي نكمل لغدا ونتوما اهدوم جوج جلسو دراري صغار فبلاصتهم وجلسو، البنات تبعوني
ناضو البنات ومشاو لكوزينة ودراري دارو داكشي لي قالولهم وجلسو كيهضرو
نزار لي تنهد وقال: ما لقيت حتى شي خبار على فهد
الياس لي خنزر فيه وقال: متجبدليش سميتو را كرهتو بسبابو ختي لي كانت ديما ضاحكة ولات كل ليلة كتبكي حتى كتنعس، كل ليلة (شاف فبيان وقال) وهاد لبنت لي تخلى عليها قبل ماتجي حتى لهاد دنيا شنو دنبها ها
نزار لي زير على فكو وضور وجهو حيت الياس عندو لحق فكل كلمة قالها، جاو لبنات وحطو لغدا وتجمع على لبصطيلة دالحوت فجو زوين كيضحكو مع بعضياتهم ومكيجبدوش فهد حيت عارفين ريم هاد الموضوع كيحزنها بزاف 
سلاو ومشاو جلسو فصالة مجموعين على براد داتاي و بيان و ولد نور و نزار لي ولدو، سميتو طه ها عام باقي صغير كان شعرو كرلي وكيشبه لنزار بزاف اما نور غير مصخرة وصافي، كانو مرة يلعبو مرة يدابزو و ها هوما غاديين
اما لكبار فراه كيتعاودو وكيضحكو حتى سمعو صوت دقان فالباب
ناض نزار يحل الباب حتى كيصضم من هاداك لي قدامو
نزار: ن..نتا فوقاش ج...جيت...ي

🌷🌷🌷🌷