اصبحنا واصبح الملك لله
هي لي فاقت ناشطه واخا بقا فيها لحال من داكشي ديال لبارح، لبسات كسيوه فالبيض لي نص كم وكتجي لاصقه مع صندالة فالقهوي وساك نفس لون
دخلات لعند ريم لي كانت فسابع نومه وقالت: رييييييم نوضي را غتعطلي
ريم وهي مبوقه بنعاس: بعدي مني راه ساليت ليوم عندي سطاج
نور: اه اوا صافي بعدا معاش غتمشي
ريم: مع لعشره
نور لي شافت فساعتها ليدويه وقالت: اوا نوضي راه تسعد
ريم: وا خرجي تقودي هانا نايضه
نور لي خرجات كضحك مشات فطرات، وغير خرجات بان ليها واقف قدام طوموبيلتو كيتسناها
هي لي شافت فيه دورات وجهها ويلاه بغات تمشي وهو يجرها وقال: نور اجي نوصلك
تنترات منو وقالت: اخويا متوصلني منوصلك سير عند عشيقتك وصلها وبعد مني
نور: انا ماشي خوك و راه كنت غير مدوز لوقت وصافي دابا كاينه نتي بوحدك
نور: مممم تيقتك
هي لي يلاه بغات تمشي و هو يهزها وخشاها فطوموبيل وهي كتركل
نزار: سكتينا را غير هزيتك ماشي حويتك
نور: لا لا بدعد منيييي
نزار: نور هاديك را ما بيني وبينها والو
نور: اوا عودها لمك
نزار: يا ربي تعطيني صبر معاك يا ربي
نور: مالك بنتلك كنقطع حوايجي فزنقه ولا
نزار لي وقف طوموبيل فجنب وجرها لعندوا وقال: وا صافي احبيبه سمحيلي و زيدون راه نتي بوحدك لي كاينه وحتا وحده متقدرش تاخد بلاصتك
نور لي خشات وجهها فصدروا وبتاسمات: صافي ماشي مشكيل ولكن ها (شافت فيه وخنزرات): والله و تولي شي وحده توقف عليك يا تا نقتلك بهاد ليدين نتا و ياها
نزار: كتغيري
نور: لي خرجات فيه عينيها وقالت: اه
نزار لي حرك طوموبيل وقال: وجدي راسك فلعشيه غنخرجو نتعشاو انا وياك
نور: بصح صافي واخا
عند ريم لي صونات ليها ساعه مع تسعد ونص ناضت قافزه، لبسات سروال فالبيض مع ديباغدوغ فالبيض و من لفوق دارت قميجه مشرطه بزرق والبيض، فرجليها صنيديله صيفيه فالبيض وهزات صاك فالباج كبير شويه حيت كانت دايره فيه لبسه ديالها و داكشي لي كتحتاج، خرجات زربانه وهي تقشع خوها حدا طوموبيلتو و كيهضر فتيليفون مشات عندوا وقالت: خويا حبيبي انا كنبغيك
الياس لي شاف فيها وقال: والله لا ديتيها
ريم: عااااااافاااااااك رانا معطلة
الياس: اختي حتى انا غنمشي نقرا شكون غيديني؟؟؟ نتي
ريم: يلاه وصلن...
فهد لي وقف عليهم وهو كيخنزر فإلياس: يلاه انا غنوصلك
ريم لي شافت فيه هو لي كان لابس سروال فالكحل وشوميز فاتح صضايف لولين و تاني لكمام سيده بقات غير حاله فمها حتى حسات بشي حد كينغزها كان الياس شافت فيه وقالت: اه والله من ردالك يلاه وصلني حيت هادا نكار لخير
الياس: تقول غير لقيتيني كنسعا فزنقه وهزيتيني
فهد لي شاف فيه: سير تقرا
ركبت حداه وطلقات الموسيقه وكتدندن معاها وكتصور و تسيلفه وهو حاضيها بنص عين
نطق وهو متبع مع طريق: بركه من دوك تصاور
ريم: خليني نتصور ياك مشديتكش فتصويرا اوا صافي
فهد: عنداك نلقى شي حاجه محطوطه فصطوري
ريم لي خنزرات فيه وقالت: ياكما ضارب عليا الكاغيط وانا مافراسيش
فهد: قريب انشاء الله نضرب عليك الكاغط ونضربهالك حتى هي
ريم لي غرقات فحويجها بالحشمه وضورات وجهها لشرجم ما رجعتش شافت فيه حتى وصلو
هي لي يلاه بغات تنزل وهو يشهدها من يدها وقال: معاش خارجه
ريم: مع تمنيه ونص
فهد: غدا عندك صطاج
ريم وهي مبتاسمه: لا خديت نهار حيت غدا عيد ميلادي
فهد: صافي سيري
هي لي نزلات وخبطاتلو لباب حيت معجبهاش لحال يقولها سيري بلا بسلامه بلا والو
هو لي قلب روايض كان كيهضر فتيليفون وهو مبتاسم من بعد مشا نيشان لواحد ديبو لي كان فيه حتى نزار كيتسناه
نزار: على سلامتك فين تعطلتي
فهد: ماشي شغلك
نزار: ثنين بدا كيطيح فلفخ ويدا كيتيق بلي كنخدمو لصاليحو
فهد: مزياااااان، كلشي واجد
نزار: اه كلشي واجد موهيم انا غنمشي لشاركه حيت شحال مامشيت
فهد: اه سير، واش فخبارك بلي شي حد بغا يدخل معانا شريك
نزار: اه فخباري ولكن معرفتش شكون
فهد: غدا نتعرفوا عليه
نزار: فهد ما لحضتيش بلي الياس تبدل هاد اليامات وديما كيهضر فتيليفون
فهد: اه حتى انا لاحضت ولكن ما ديال ماجبت
نزار: لعجب
YOU ARE READING
درب البزنازة
Romanceهوما جوج بنات لي كبروا مع بعضياتهم و لي من ديما كانو كيتمناو يسكنو في حي شعبي. و هوما جوج خوت لي حاكمين داك درب و مشهورين ف دروبه لخرين. يا ترى شنو غيوقع إدى تجمعوا؟؟؟
