تعشات العشية
عند فهد لي كان داخل لدارهم وهو عيان وريحت الكارو كتعطعط منو، شاف مو لي كانت خارجة من الكوزينة وغير شافتو مشات عندو عنقاتو وهي كتبكي حيت توخشات ولدها وهو بادلها لعناق
لالة فخيتة: الله على وليدي فوقاش رجعتي
هو لي مشا جلس هو ومو وقال: لبارح الوليدة
لالة فخيتة: اوا الحمد الله على سلامتك اوليدي
فهد لي طول شوفا فمو وقال: كنتي عارفة بلي عند بنت من ريم
لالة فخيتة لي تنهدات وقالت: كنت عارفة اوليدي وداكشي لي درتي مافيه ما يتشاف علاش مشيتي وخليت البنت حاملة ببنتك
فهد: الواليدة نتي عارفة بلي خدمتي فاضحة وكان خاصني داروري نمشي ولكن دابا انا رجعت وغنصاوب كلشي
لالة فخيتة: ايه وشنو غا دير
فهد: غنتزوجو لريم باش لبنت اكبر بيناتنا
لالة فخيتة: ايه كلامك هو لكبير غدا هي كانت باغا منزيدوكم غير الخير
فهد: ماما بغيت ندوز الوقت مع بنتي تقدري تقولي لها تجيبها حيت ادا هضرت انا مغتبغيش
لالة فخيتة: ايه واخا اصلا لبنت غدا غاتجي عندي تونسني حيت ريم خدامة
فهد: واخا الواليدة مهم نخليك غنمشي نرتاح
لالة فخيتة: سير اوليدي
عند نور ونزار
كانو جالسين فجردة و ولدهم كيلعب خدامه
نور لي تنهدات وقالت: علاش رجع، غيريد غير بعدي ريم
نزار: نور خليهم بيناتهم هوما راه كبار وعارفين اش كيديرو
نور: ولكن را دوزات عماين غير بوحدها كتعدب
نزار: معرفتش معرفتش، اجي بعدا شبانلك نجيبو لطه شي اخت باش تونسو شوفي مسكين كيلعب غير بوحدو
نور لي بتاسمات وشافت فطه لي تابع واحد القطة وهي هاربة: خليه حتى يزيد يكبر (نغزات بجهد وقالت بالغوات باش يعتقد القطة) نوض جرب عاق ديك القطة دابا يقتلها
ناض كيجري عند ولدو وهي كضحك عليهم
عند ريم لي كانت جالسة مع بنتها كتلعب معاها وعطياها وقتها كامل حتى سمعات تيلي كيصوني وهي تجاوب
ريم:خالتي لباس عليك
لالة فخيتة:لباس ابنتي ونتي كيدايرة وديك البخيخيشة لباس عليها
ريم: كلشي بيخير اخالتي اوا
لالة فخيتة: اوا بنيتي غدا غتجيبي بيان ياك
ريم: اه اخالتي علاش
لالة فخيتة: لا والو ابنتي غا كنت غنقتلك را فهد لي غيجي هراها صافي باش تولفو ويتفاهمو
ريم: اه واخا اخالتي ماشي مشكيل
قطعات معاها ومشات عند بنتها تنعسها
عند ريحاب لي كانت مع الياس جالسين فواحد الكافي
الياس: ما بقا والو لعرسنا
ريحاب: اه ما بقا والو
الياس: يا ربي فوقاش غنديرو داك العرس رانا عييت من صبر
ريحاب لي ضحكات وقالت: هبيل
الياس: اه هبيل وكنصطا عليك العمر
ريحاب: حتى انا كنحماق عليك
الياس: اوا نووووضي نديك لدار
ريحاب: هي دابا الحب
اصبحنا واصبح الملك لله
كانت واقفة مع بنتها كتبان عليها وهو واقف كيشوف فيهم
ريم: حبيبة تهلاي فراسك ومتكليش شكلاط بزاف واخا ابنتي الغزالة غدا غانجي ناخدك
بيان: واخا امامي وقبل متنعسي متبكيش صافي
ريم لي شافت فهد وقالت: احم تهلا فيها وعنداك طيح
فهد لي حرك ليها راسو وهو بنتو ركبها فطوموبيل ومشا نيشان لدارهم
فهد: احم بنتي علاش ماماك كتبكي فليل
بيان لي كانت كتلعب بواحد نونوس قالت: ماما ديما كتبكي بليل حيت بابا مشا وخلاها
فهد: اه مزيان، بيان فخبارك انا هو باباك
بيان لي زفات عليه لداك نونوس وقالت بالغوات: وعلاش كتبكي ماما
فهد: سمحيلي مغنبقاش نبكيها
بيان لي خنزرات فيه ورجعات كتلعب
هو لي بتاسم كيشوف فينا لي مدير بحال ماماها وكتشبعليه فالوجه، وصلو لدار وغير نزولها من طومو بيل مشات كتجري وبدات كتصوني حتى فتحات ليها لالة فخيتة
لالة فخيتة: الله على بنيتي توحشتك احبيبتي
بيان لي معنقاها: حتى انا توحشتك أميمة وبزااااااف
فهد لي قرب عند مول وقال: الواليدة هانا غنمشي عندي شي شغل نقديه ونرجع تهلاي فيها
لالة فخيتة: الله يا ودي هادي راه كبدتي
فهد لي بتاسم لمو ومشا اما بيان دخلات مع فخيتة
بيان: ميمة واس هادا هو بابا ديالي
لالة فخيتة: ايه ابنتي هادا هو باباك
بيان: وعلاش مكانش منين خلقت
لالة فخيتة: بالفارة هضورك كبر منك يا بنتي، وباباك راه كان خدام ودابا رجع
بيان: ميمة فيا زوع
لالة فخيتة: باز هضرتك كتعدل غير فديك الهضرة، اجي اجي معايا نطيب لك شي حاجة
مشات معاها لكوزينة وبقاو شحال فهد لي كان داخل لدار حتى كتبان ليه بنتو خارجة من الكوزينة وهوا فإيديها خبز فيه شكلاط وفيها كلو مجلخ مشا قرب العندها وهي غير كتشوف فيه
فهد لي هزها وقال: بنتي مالك كليتي راسك بشكلاط
بيان لي بتاسمات وقربات ليه الخبز لوجهو وقالت: حيت كناكل شوف
فهد لي بتاسم من برائتها وقال: اجي نمسحلك وجهك ابنتي
بيان: واخا ابابا
هو لي كان باقي عازها وكيجبد فكلينيكس باش يمسحلها حتى سمع ديك بابا: نعام
بيان لي بتاسمات ليه وقالت: بابا
هو لي بتاسم ليها باش ليها راسها ومسح ليها: دابا شنو بغيتي ديري
بيان لي حركات صبعها على خدها كتفكر وقالت: بغيت نعوم فبيسين
فهد لي بدا كيشم شي ريحة ماشي تا لهيه: اه نعومو ولكن ديال اش هاد ريحة
بيان لي شافت فيه وقالت: بابا ديرت كاكا
فهد لي خصر سيلتو وقال: علاش ابنتي ماماك محيداتش لك ليكوش
بيان لي حركات ليها راسها بلا وهي تم خارجة لالة فخيتة كضحك وقالت: را البنت باقا صغيره اجي عندي احبيبة باش نبدلك باش تعومي مع باباك
هزات ها كتبدل ليها وقالت: علمنا اجي جلس حداها بيما جبت ليها ما تلبس باش تعوم
بيان لي شافت فيه وقالت: بابا بغيت العاب
فهد: نشري ابنتي لي بغات
بقاو جالسين حتى جات فخيتة لبسات لها ومشاو كيعومو وهما داز نهار طاح ضلام وكانو دايرين غيتعشاو عند لالة فخيتة وسي عمر كانو كاملين جالسين من غير ريم لي باقي ما وصلات
نور: ممم ريم تعطلات
ريحاب لي سمعات صونيت وقالت: ها غتكون هي لي جات انا غنمشي نفتحلها
فهد ناض وهو هاز بيان فإيدو لي كتلعب: انا غنمشي غير جلسي
مشا فتح لباب حتى لقاها واقفة وكنشوف فتيليفونها حتى هزات عينيها، انا بيان غير شافت معا بدات كتنتر باش تمشي عندها
بيان: مامي مامي توحستك
ريم لي هزات ها قالت: الحبيبة ديالي حتى توحشتك
فهد: احم نقدرو نهضرو
ريم لي خنزرات فيه وقالت: معندنا فاش نهضرو حيد من قدامي
فهد: ريم بلا ما تقصحي راسك زيدي قدامي
ريم لي خنزرات فيه ومشا غادا لجردة ديال دار لي كانت غير قريبة الباب
ريم لي وقفات وشافت فيه: شنو بغيتي
فهد لي شاف فبيان وقال: بنتي سيري لعبي مع طه بينما حيت أنا ومالك واخا
بيان: واخا ولكن من بعد غنمسيو نسريو العاب
فهد لي بتاسم ليها وقال: واخا ابنتي
بيان لي مشات دخلات وهوما بقاو واقفين
ريم: شكاين
فهد: خاصنا نتزوجو
ريم لي شافت فيه ومقدراتش تحبس ضحكة بقات كضحك وهو مخنزر فيها، قالت: ضحكتيني والله
فهد: رييييييييم مكنضحكش معاك
ريم لي جمعات ضحكة وقالت: فهد نساني انا نسيتك وسالينة البنت هاهي فقاش ما تبغي تشوفها جي
فهد: غنتزوجو غير على قبل بيان باش متكبرش و واليديها مفارقين
ريم: ياك اوا فين كنتي قبل عماين، فهد بعد مني
وخلاتو واقف وتمات داخلة
كنتمنى تكون عجبتكم لبارت 🫶🏻🫶🏻🫶🏻🫶🏻🫶🏻💕💕💕💕💕💕💕💕💕🌷🌷🌷🌷🌷🌷🌷🌷🌷
VOCÊ ESTÁ LENDO
درب البزنازة
Romanceهوما جوج بنات لي كبروا مع بعضياتهم و لي من ديما كانو كيتمناو يسكنو في حي شعبي. و هوما جوج خوت لي حاكمين داك درب و مشهورين ف دروبه لخرين. يا ترى شنو غيوقع إدى تجمعوا؟؟؟
