درب البزنازة

part 23 💕

نزار: ن..نتا فوقاش ج..جيتي
هو لي بقا كيشوف فيه
نزار: رانا هضرت اش جابك لهنا وعلاش جاي
فهد: تا كيفاش علاش جاي
نزار: احم فهد سير دابا را تاخد ما حامل يشوفك سر ومن بعد نهضرو
فهد: ليكارد قالولي بلي ريم هنا
نزار: اه را لداخل ولكن...
فهد لي دفعة وتم داخل حتى كيشوفعم كاملين جالسين كيضحكو وحتى هي معاهم
نزار لي غوت وقال: فهد ماشي دابا
هوما لي كانو كيضحكو. حتى سمعو نزار غوت وهوما يضورو حتى تصدمو من هاداك لي واقف تماك
الياس لي كان جالس وغير شافو ناض كيجري لعندو عطاه كروشي حتى وجهو دار، كلشي شهق
نور لي دارت عند ريحاب وقالت: ريحاب طلعي بيان و طه للفوق
ريحاب حركات ليها راسها وهزاتهم طالعة بيهم، اما ريم فكانت واقفة كتشوف فهاداك لي عماين وهو غابر حتى لدابا عاد جاي
الياس لي كان كيضربو وكيغايرو وهو غير واقف مبلوكي حتى شوية وعا وعطاه طرشة وفديك الحضة دخل نزار بيناتهم
نزار: صافي بركة
الياس لي كيغوت: كيفاش بركة واش مشفتيش هادا لي دابا عاد جاي
نزار: الياس صافي تهدن
فهد لي كان كيشوف فريم قال: ريم (وتحرك غادي لعندها)
ريم لي مسحات دموعها وقالت: متقربش بقا بعيد متقربليش
فهد لي تم كيقرب وهي كتبعد حتى سمعو غوتة من الفوق، طلعو كاملين كيجريو وحتى فهد تبعهم
غير فتح لباب ديال لبيت كيشوفو طه كيبكي وبيان واقفة ومرعبة يديها وريحاب بقالة شوية تبكي
نزار: مالكم
ريحاب لي بدات كتبكي وقالت: اخويا تسليم مع هادو انا منزيدش معاهم دقيقة
نور لي قربات عند طه وقالت: حبيبي علاش كتبكي
طه بدا كيشير على بيان و كيحاول يهضر
ريحاب: بيان كانو كيلعبو اوا بداو كيدابزو ناضت طرشاتو بإيديها بجوج و دفعاتو حتى مكردع فالارض
ريم لي قربات لبيان وهي كتحاول تمسح دموعها قالت: بياااان علاش درتي عاما طلبي من خوك سماحة
بيان: لا مبغيتش هو ديما كيضربني وكتقولولو والو
الياس لي قرب وقال: بيان شحال من مرة قتلك متبقايش ضربي ها طلبي من طه سماحة يلاه
بيان لي بدات كتبكي وقالت: نتوما ديما كتغوتو عليا غير انا كون كان عندي بابا ماكانش غيخليكم تغوتو عليا (خرجات كتجري)
ريم لي بدات كتبكي وخرجات تابعاعا اما فهد فبقى غير مصدوم مشا شنق عفنزتر وقال: بنت من هادي
نزار: فهد طلق خلينا نهضرو بالعقل
فهد: فتقول بنت من هاديك ولا ليوم تخلي دار بوك
الياس: فهد طلق منو هاديك بنت ريم
فهد لي باقي شاد فنزار قال: بنتها مني ياك ادا قلتي لا غنقول مك هنا حيت لبنت كتشبهلي بزاف
ريم لي دخلات كتجري وقالت: فففففهددددد طلق منو هاديك ماشي بنتك بنتي باها مات
فهد لي طلق من. وضحك قال: ماشي بنتي ياك واخا الآلة غنمشي نظير DNA وادا لقيتها مني منوليش تحبني بيها (وهبط فدروج وهي تابعاه كتغوت)
وصل حتى كتبان ليه بيان جالسة وكتفرج فرسوم المتحركة مشا قرب ليها وهي دور تشوف فيه
بيان: شكون نتا
فهد: شنو سميتك
بيان لي خنزرات فيه وقالت: ونتا مالك
ريم: بيان يلاه احبيبة خاصنا نمشيو (ومشات هزاتها)
فهد لي خنزر فريم وقال: غنمشيو نديرو DNA باش نتأكد
ريم لي قربات وقالت: فهد ماشي عماين ونتا غابر ودابا تجي تقولي هادي بنتي انا نسيتك وكملت حياتي سمعتي نساني والله يسهل عليك لولد ناس(ودارت خارجة من دار)
فهد بقا غير واقف اما الياس و ريحاب فخرجو حتغهوما مع ريم، فهد دار عند نزار لي كان كيشوف فيه وقال: فتعاودلي كلشي ودابا
نزار: تبعني لبيرو ديالي
مشا وهو تبعو دخلو جلسو
فهد: كنسمع
نزار: لي قرر يقول الحقيقة حيت عارف خوه كي داير وحسن يقوليه حيت خوه ماشي ساهل وغيعرف من دقيقة لولا: احم، بيان بنتك اه
فهد: عاودلي كلشي
نزار: من مور ما مشيتي ريم كانت ديك الايام فحالة خيبة ما كانتش كتبغي تاكل ما كانتش كتخرج كاع من مور داكشي ريم عرفات راسها حاملة، شحال من مرة حاولات طيح ولا تنتاحر ولا تهرب ولكن كنا ديما كنشدوها، حملها داز صعيب بزاف ولكن من بعد ما ولدات كلشي تبدل واليديها لي كانو مخاصمين معاها تصالحو وحتى قرايتها كملاتها ورجع كلشي هو هاداك (بتاسم وقال) ريم لي كانت ديما كتبكي من بعد ما ولدات بيان ولات هي حياتها ولات ديما ناشطة وكضحك وهادشي لي وقع
فهد: هادشي كامل وانا معارف والو
نزار لي خبط على لبيرو وقال: فهد واش منيتك نتا راك بني ما صبحتي فين كنتي
فهد لي تنهد وقال: من مور ديك ليلة.....

عند ريم لي كانت سادة عليها الباب وكتبكي، برا البيت كانت ريحاب والياس وبيان واقفين
بيان: أميتو واس مامي مأتخرس (عميتو واش ماما مغتخجش)
ريحاب لي هواتها معناها وقالت: غتخرج غير دابا مريضة شوية وصافي ودابا البخيخيشة يلاه نعسو وغدا نشوفو ماما واخا
بيان لي تكات على كتف ريحاب وخرجات راسها بواخا
ريحاب لي شافت فإلياس وقالت: الياس سير بحالك خليها ترتاح
الياس لي تنهد وقال: الله يدير شي تزيل ديال الخير موهيم انا غنمشي تهلاو فؤاسكم والى وقعات شي حاجة صونيلي
ريحاب لي باستو فحنكو وهو مشا بحالو

جا صباح من بعد ليلة طويلة، ليلة لي دازت بما وعصب. وتخميمة فالمستقبل
عند ريم لي فاقت بكري لبسات سروال ديال توب فالباج مع تيشرت مشرط بالبيض والكحل خلات شعرها مطلوق و مشات فيقت بنتها لبسات ليها سالوبيط ديال جين وتمو خارجين كيضحكو حتى لقاتو واقف
عندو هو لي منعسش اصلا بايت كيفكر وكيخمم وغير ضربات سبعة ناض دوش ولبس عليه وخرج مشا نيشان لدرب بقا واقف كيتسناها حتى قشعها خارجة وشادا للبنت فيديها مشا وقف قدامها
فهد: اري البنت
ريم لي خنزرات فيه وقالت: واش مريض سير بعد مني راه ماشي بنتك
فهد لي دوز يدو على وجهو وقال: ريم متعصبينيش على صباح ركبي فطوموبيل نتي والبنت راه نزار عاودلي كلشي
ريم لي جرات بيان عندها وقالت: فهد داكشي غير كدور را ماشي بنتك
فهد لي خنزر فيها وجر بيان عازها وقال: ياك الآلة اوا دابا نمشيو نتأكدو (ومشا ركب بيان لور وطلع لقدام)
هي لي تبعات ركبات حداه وهو تحرك
فهد: بركة ما تقصحي فراسك را عارف البنت بنتي
بيان: مامي فين انمسيو زاني زوع (مامي فين غنمشيو جاني جوع)
فهد لي شافيها من المراية وبتاسم ليها
ريم لي خنزرات فيه وقالت: حبيبة حنا غنمشيو نديرو واحد الحاجة مع عمو ومن بعد انديك تاكلي
بيان: مامي مغنسيس لحضانة ياك حيت كنسمع ديما ديك المربية كتهضل مع صحبتها وكتقول هاديك ريم باينة ضحك عليها شي واحد و مسا (مامي مغنشيش لحضانة ياك حيت كنسمع ديما ديك المربية كتهضر مع صحبتها وكتقول هاديك ريم باينة ضحك عليها شي حد ومشا)
ريم لي تغرغرو دموع بعينيها ولكن دغيا مسحاتهم وقالت: لا ابنتي باباك غير مسافر وغيرجع
فهد لي خنزر فيها وقال: بيان انا هو باباك ابنتي
بيان لي خنزرات فيه وقالت: سير تكرا نتا ماشي بابا، بابا مسافل (سير تخرا نتا ماشي بابا، بابا مسافر)
فهد لي ضار خنزر فريم وقال: كيفاش هاد الهضرة قولي للبنت بلي انا باها
ريم: ومالك نتا باها ولا سير سير
فهد لي مجوبهاش وغير وصلو لكلينيك مشاو دارو تحليلة وهبط يفطرو وينسماوها حيت فهد أكد عليهم باش يخرجوها ليوم
ريم: صافي سير بحالك منين غتخرج تحليلة اجي خودها
فهد لي مداهاش فيها ومشا عند بيان هزها وقال: بنتي الحبيبة شنو بغيتي تاكلي
بيان لي شيرات على واحد كرواصة وهي تقرب ريم وقالت: يا شويطينة بغيتي ديريها بيا مغتخديش هاديك دشكلاط خودي شي حاجة اخرا
بيان لي خنزرات فريم ودارت عند فهد: عمو شريلي هااادي بغيتها
فهد لي دار نفس تخنزيرة فريم وقال: واخا ابنتي، ونتي ماشي شغلك
ريم: واش حمق را لبنت فيها الحنوشة
فهد: وا صافي غير هاد المرة (ودار خلالها داكشي لي بغات ومشاو جلسة وريم غير كتشوف شبه لي بيناتهم)
فهد: نتي ما بغيتي والو
ريم لي حركات ليه راسها بلا وقلبات عينيها

بقاو كياكلو وغير سالو مشا حدا تحاليل لي كان متأكد انه بيان بنتو وداكشي لي كان رجعو وطريق كاملة وهوما كيخنزر فبعضياتهم حتى وصلو هي لي هزات البنت ودخلات لدار وهو قلب روايض نيشان احدا البحر حيت هي اكتر بلاصة كتريحو

متنساوش نجيمة 🌷🌷🌷🌷🌷🌷🌷🌷🌷🌷🌷💗💗💗💗💗💗💗💗💗🫶🏻🫶🏻🫶🏻🫶🏻🫶🏻🫶🏻🫶🏻