درب البزنازة

part 11 💕

اصبحنا و أصبح الملك لله
عند لبنات لي كانت كل وحدة ناعسه فبيتها حتى بدا تيلي ديال نور كيصوني هي لي فلول ما سمعاتوش ولكن من بعد حيداتو وحطاتو على ودمها وقال: الو
نزار: باقا ناعسه ازين في را غتعطلي
نور: امم لا يلاه 5 ديال صباح باقي بكري خليني نعس
نزار كيضحك عليها: وا نوضي الله يجيبك على خير هادي راها 8 ديال صباح احبيبتي نوضي لبسي هانا كنتسناك برا باش نوصلك
هي لي غير سمعات 8 ناضت قافزه لبسات عليها واحد سروال ديال جين ناصح و لبسات طوب شوي مزير فالبيض و سبرديلة بيضه، جمعات شعرها كوتوشوفال و هزات صاكها ديال لقرايا مع بغات تخرج و هي تفكر ديك خيتي لي ناعسه وحتا هي معطلة مشات عندها كتجري حلات باب ديال لبيت حتى كتلقاها طايحة فالارض وفغرق نوم
نطاق وهي كتنغصها فرجليها: ريم واخا نوضي را تعطلتي
ريم وهي ملوثه بنعاس القحبه مك بنتلك بقره باش تنغزيني خرجي تقودي خليني نعس
نور: و نوضي نعل زامل بوك راك قاريا ليوما و شحال ممشيتي (وتمات خارجه كتجري حتى بانليها حبيب قلب واقف كيتسناها وقال): مشينا
حركات غير راسها وركبات حداه وهي ناشطه تقول غير ماشي هي لي معطلة

في مكان اخر
عند رانيا و مراد هي لي كانت جالسه لابسه قبيله شورت قصير
وهو مقابل معاها وقال: يلاه نرجعو بحالنا لندن معندكش ماديري هنا وحتا ادا حالتي ديري شي حاجة مغتملكش حيت غندمك
رانيا: دخل سوق راسك و ماشي شغلك
مراد وهو خارج: دابا نشوفو شكون غيربح

اتصل بفهد وهو خارج
مراد📞: الو فهد
فهد📞: مالنا على صبح
مراد 📞: بغيت نهضر معاك فواحد لحاجه
فهد📞: هضر كنسمع
مراد📞: لا ماشي فتيلي من هنا بجوج سوايع نتلاقاو فالقهوة ديالي جديده
فهد لي قطع عليه وناض جمع لوقفه، مشا دخل عند الياس لي كان ناعس على كرشو وقال: هيييه الياس نوض تقعد
الياس لي مجاوبوش، وهو يشدو قرفادتو و وقفو وقال: براكه من نعاس 8 ديال صباح هادي و زيدون واش ما قاريس
الياس لي حيد ليه يديه وقال: خرج تقود عليا خليني نعس ليوما ما قاريش
هو لي خرج لبس قبيتو وخرج غادي عندها لدار، فتح لباب بيروت لي لقال عند الياس ودخل مشا نيسان لبيتها حتى كتبان ليه سيده مجبده في الارض وناعسه مشا قرب و هو يشحطها واحد شحطا لطرمتها حتا ناضت قافزه
هو لي شاف فيها كيفاش ناضت وقال: صباح لخير
هي لي كتحك فبلاصت شخطه وهي مخنزره وقالت: صبحتو لله واش مريض فراسك علاش ضربتيني
فهد لي تجاهل سؤالها وقال: علاش ما مشيتيش نقرتين
ريم لي كتفوه وقالت: ما صوناتش ساعه
فهد: بدلي حوايجك باش نديك
ريم: ما بقاش لوقت صافي حتا لغده
هو لي تم كيقرب وهي كتبعد حتا لصقات مع لحيط وقال: مكنبغيش نعاود هضرتي جوج مرات ا غزالتي
بعد وخرج خلاها كتحمار و تصفار غي بوحدها
لبسات طوب كحل مع صبايا ديال ساتا فلكحل و سبرديلة سامبا فالبيض وهزات ساكها وخرجات لقاتو واقف كيتسناها
فهد: تحركي ونتي تقولي لمدرسة دباك
خنزرات فيه وخرجات قدامو و هو من وراها حاضيها
ركبات حداه فطوموبيل وقالت: فهد واخا نسولك
فهد: شنو
ريم: منين نتا ملعق علاش ساكن هنا
فهد: ماشي شغلك
ريم: تفو على حگار و دابا قول زاويتي ونتا معفر عليا
فهد لي صدعاتو وهو يقول: حيت كيعجبنا صافي يلاه سكتينا
ريم: امم قنعتيني، نسولك حاجة خرا
فهد بالغوات حي صدعاتو دايرا بحال شي دبانه كتزنز و لكن فنفس لوقت كيحس براحه حيت صوتها رطب وحنين: لا حول الله ماااالكي
ريم لي حركات يديها على صدرها وقالت: علاش وشمتيلي هنا زعيم
فهد: هاداك طابع ملكتي ليك
ريم: نتا باينة هارب من شي صبيطار ديال لحماق حيت بنتيلي مزنزن مع راسك، اجي بعدا فيناهو الياس
فهد: خليتو ناعس قالك ما قاريش
ريم وهي مخرجه عينيها: ونتا كي لحمار تيقتيه راه باينه غير كيكدب
هو لي دار خنزر فيها وقال: كيفاش حمار
ريم: وا غير كنضحك معاك وزيدون لحمار راه حيوان زوين
فهد: نزلي سيري تقراي
ريم لي باستو فحنكو وقالت: شكرا حيت وصلتيني يلاه بسلامه
هو لي بقا مصدوم حرك غير راسو وزاد
مشا الاقل مع ومرادسلمو على بعضياتهم وجلسو
فهد: اش كاين
مراد: رانيا راه متحفر
فهد لي خنزر وقال: كيفاش كتحفر
مراد: فهد رانيا باقا كتبغيك ومنين عرفات بوجود ريم بغات تنتاقمو وبعدها عليك
فهد: شكتخور منيتها انا راه ساليت معاها شحال هادي وكرهتها من نور داكشي لي دارت وانا كنحدرك المراد ادا مشا قالت شعرا منها راه غنقتلها
مراد: اه عارف وانا مغنخليها دير والو وغنرجعها للندن
فهد حرك راسو وقال: كنتمناو
مراد: كي غادا لعمليه
فهد: مزيان كلشي هو هداك وتينين و رجال بداو كيطيح فلفخ
مراد: مزيان مزيان ولكن رضي بالك حيت المافيا لأطاليه بدات كتعيق و البوس ديالهم لبارح حضرني
فهد: لي ضحك وقال خليه فلخر كلهم غيطيحو متخافش
اوا لبنات لي دوزو سوايعهم وخرجو
ريم لي قالت: فيا جوع
نور: حتى انا يلاه نمشيو نغداو فداك سناك لي حدا درب
ريم: يلاه
لبنات لي مشاو يتغداو حتى سمعو صداع وجا واحد لولد كيجري وقال: ويلي ويلي زعيم ولبسيكوباط ليوما يقتلوه
ريم لي بغات عينيها فلولد وقالت: اويلي شكون هادا
لولد: معرفتش
ريم لي خافت يكون خوها و هودات كتجري هي نور لدرب
حتا كيبان ليها واحد خونا مفرش فالارض و زعيم نازل عليه بلعصه
ريم لي شهقات وشافني نور: اويلي شكون هادا
نور: معرفتش
جات واحد لمرا وقفت حاهم وقال: ايييه زغبي منعرف شنو دار فخبارك دازو عليه بتلاته
نور: كييفااش
لمرأه: اوا داك لولد لي سميتو الياس جابو وبقا كيضربو حتى يخف و هو ينزل عليه نزار بركيل ومنبعد جا فهد جلس كيضربو وانا كيبالي راجل ودع
ريم لي غير سمعات هضرتها مشات كتجري دخلات يلاه بغات تجر فهد و هو يشهدها الياس من معظمها وهو كينهج: خليه يقتلون راه هادا هو لي كان حاول يتعدا على ريحاب داك نهار
ريم: اويلي واش حماقيتي بغيتو تقتلوه (ومشات جرات فهد من ضهرة فلول ما حركات فيه والو حتى غوتات بجهد و جراتو كتر عاد صار عندها وقال): اش كاين
ريم: واش باغي تقتلو
فهد: غدخلي لدارك وتنعسي
ريم: لا حتا نتا غدخل (وجراتو وتمات غادا بيه لدارها هو كان يقضر وبعدها ويكمل فضريب ولكن ما بغاتش بغاها دير ما بغات)
دخلو لدار ونزار لي كان باغي يضربو حتى وقفات عليه نور وقالت: ادا حطيت يدك فهاد لموسخ مغنهضرش معاك و مشات كتمشا وخلاتو
هو لي صار شاف فهاداك لي سخف وقال: عندك زهر اولد لقح*به
الياس لي قال وهو كيضحك: اممم مكنصنش عندو زهر
نزار: ديه لشي ديبو وكمل عليه ولكن عنداك تقتلو
الياس: لا متخافش مغيموتش
نزار لي مشا تبع نور لي كانت معصبه شويه حيت مكيعجبهاش تشوف نزار كيضرب شي حد
هو لي تبعها وهي كي عيطلها، ضارت عندو وقالت: شنو بغيتي
نزار لي شدها من خصرها: دابا مالك تقلقتي ازين
نور: بعد مني
نزار: علاش انا نقضر وعاد هاداك راه حاول يتعدا على ختي
نور لي شافت فيه وقالت: نزار راه كاين المخزن بلا متوصخ فيه يديك
نزار: سمحيلي مغنبقاش نضرب
نور لي بتاسمت وقالت: صافي ماشي مشكيل ودابا يلاه نتغداو حيت قبايله كنت يلاه جلست وانا نوض كنجري