درب البزنازة

Part 20 💕

وصلو لبنات لسبا و دارو تحميمة ديال القلب و من بعد كل وحدة و شنو دارت ريم عدلات ضفيراتها هي و ريحاب و البنات عدل شعرهم مهم مخرجو من داك الحمام حتى ضربات سبعة ديال العشية، رجعو لدار بقاو دار مطرقة بالعائلة
لالة كوتر: على سلامتكم
نور: ناري خصني نسلم على هادو كاملين
ريحاب: انا فيا جوع
لالة فخيتة: سيرو تاكلو ومن بعد طلعو بداو عليكم و بطو جلسو مع ناس
نور: واخا اخالتي
اوا داكشي لي كان لبنات مشاو كلاو و طلعو يبدلو
نور لي لبسات قميص خفيف فالبنفسجي، اما لبنات را كل وحدة لبسات مخور جاو كيحمقو
علكة لبنات سلمو على لعيالات لي كانو جالسين و بقاو كينقشو و حدة مور وحدة انا لالة لعروسة فراه حتى لنهار لحنة عاد غتنقش
عند ريم لي دارت غير حنينة خفية وجالسة كتنفه عليها باش تنشف حتى كيوصلعا ميساج من عندو
فهد: خرجي اغني هانا حدا لباب
ريم: اك
خرجات عندو وهي كتمختر لقاتو واقف حدا لباب وشاد تيليفون فإيديه كيخيربق فيه و منين حس بيها وقفات علا فيها عينيه بالعرض البطيئ، سيد تصعق و تصدم منين شافها لداك المخور الاماراتي وكي جاها على فرمتها وليديها لي فيهم براسليات و عنقها لي فيه سنيسلة ديال دهب و عينيها لي مكحلين بقا غير كيشوف بعويناتو
فهد لي صغر وقال: تبارك الله ماشاء الله شفتك بعيني رحمة، جيتي كتفتني اغزالتي
ريم لي ضحكات وقالت: شكرا احبيبي، بعدا علاش عيطيلي
فهد: توحشتك، توحشتك رزقي من صباح ماشفتك ونتي مشيتي لحمام تقول غير غسلتي للعيالات كاملين لي تماك
ريم لي ماتت بضحك وقالت: هاداك سميتو سبا وزيدون راني بنت وعادي ادا تعطلت (علات يديداتها و ورات. حنينتها وضفيراتها لي داير  دايرا الفرينش بالبيض وقالت) شوف جاو زوينين ياك
فهد لي باس ليها يديها بجوج وقال: جاو كيحمقو ناقصهم غير شي خويتم
ريم لي مدير راسها مكلخة: ممم ما كفاوش هادو لي لابسة
فهد لي جبد من جيبو واحد لبواطا صغيرة و جبد منها خاتم ديال دهب غزاااااااال و لبسولها وقال: هادا هو لي يجي مع غزالتي
ريم لي شافت فالخاتم و شافت فيه: كيحمق
فهد لي تنهد و قربها لعندو معنقها و قال: بصحتك احبيبتي
ريم: الله يعطيك صحة، وا خليني ندخل دابا تخرج كوتر تحيح علينا
فهد لي بعد عليها وقال: سيري دخلي و ردي لبال راسك (هي لي حركات ليه راسها وبغات تمشي حتى سمعاتو قال: ريم كنبغيك
ريم لي دارت شافت فيه وقالت: حتى انا كنبغيك
ومشات دخلات

فمكان اخر لي مبعيدش بزاف و بضبط فجردة ديال دار كانت واقفة كادير اسم توك و كتغني مع واحد الاغنية (انت لا مين انت الي) حتى كيبان لها فتيليفون واقف وراها، هي لي خرجات عينيها حتى كيبان لها واقف داير إيدو فجيبو كيتفرج فيها
ريحاب: بسم الله الرحمن الرحيم منين خرجتيلي
الياس: جيتي قوقا برقوقة و التويشية ديالي
ريحاب لي حشمات وهبطات راسها: شكرا
الياس: هاي هاي على الحشمة على نتي كتحشمي
ريحاب لي خنزرات فيه وقالت: ههه حامض كيداير تفو
الياس: وا مالك ازين غا ضاحك معاك
ريحاب: اخويا ضحك مع مك
الياس: وا شتي البسالة
ريحاب: وا صافر انا غندخل نجلس لداخل
الياس: وا اجي اري شي بيسة وسيري
ريحاب لي تمات غادا كضحك وقالت: سير سير يالماسخ
دخلات هي و ريم قد قد مشا. جلسو حدا نور لي دايرة الخاطر العيالات وجماعة معاهم
ريم: مسكينة بقات فيا نور
ريحاب: اويلي انا ادا كنت غنبقى جماعة مع العيالات كاملين بحال هك ونشدلهم لخاطر غا بلاش من شي زواج
ريم: اممم زيدي
ريحاب: هاي هاي على لخاتم غزال يا ختي
ريم: بسم الله الرحمن الرحيم وا باز ياختي دغيا شفتيه
ريحاب: زيدي زيدي يلاه نجلسو و عاودلي
اوا داكشي لي دارو مشاو لبنات جلسو جماعين و كيتعاودو و منبعد تفرق المجمع و كل واحد مشا لدارو و كاين لي بات و دراري جرات عليهم لالة فخيتة قالك دار لي فيها العروسة ميضورش فيها العريس حتى للعرس