درب البزنازة

Part 20 💕

فهد: صافي غير هادي
ريم: اوا بركة
فهد لي دار شاف فراجل وقال: جبدلي داكشي جديد ولي خارج دابا
راجل لي حرك ليه راسو و جبد سنسلة و لگورميط ديال الراكدو
فهد: عجباتك هادي
ريم: اه رادكو زوين
فهد لي شاف فمول لمحل وقال جمعهالي هي وهادشي لي ختارت
راجل لي حرك ليه راسو بواخا، اوا خلص وتمو خارجين كيتمشاو
فهد: باقي ناقصاك شي حاجة
ريم: لا لا 

طاح ضلام و العائلة وصلو مشاو لدار ديال عائلة نزار حيت غيبات كاملين تماك، كانو جالسين كيتعشاو
ريم: وا صحيبتي غتمشي وتخليني
لالة فخيتة: يهديك الله ابنتي وزيدون ها هي دارها قرية ليكم حداك
ريم: واخا هكاك
لالة خولة: الله يهديك اويلي لبنت غتزوج ونتي كتبكي عليها
لالة كوتر: اوا راهم خواتات كبرو مع بعضياتهم وراهم موالف بجوج
نزار: اوا شحال غيبقاو بجوج را انا خاص ندي مرتي
نور: ايه عندكم كاملين الحق
الياس: مالك اريم شكون بحالك عتهناي من هاد خيتي انا بعدا غنرتاح
نور: ياك دابا خاصكم غير تهناو مني ياك ياك
مايا: لا اختي بالعكس انا غتوحشك بزاف
أمينة: حتى انا اختي غتوحشك
نور: ويلي على لكتيكيتات ديالي حتى انا غتوحشك احبيباتي
نزار: صافي أنبقا نجيبهلكم مرة مرة
الياس: غا بلاش اخويا
ريم: سكت نتا
اوا بقاو كيتعشاو فجو عائلي وكيضحكو مع بعضهم و منين سالاو كل واحد مشا لبيت ينعس حيت غدا تابعهم نهار طويل

اصبحنا واصبح الملك لله
في الفيلا جالسين كيفطرو كاملين وسكات كيتسمع غير صوت لماعن و واحد مافيه يهضر مع لاخر
لالة فخيتة: بناتي الى ساليتو طلعو توجد داكشي لي غتختاجو للحمام راه لبنت لي غتجيبلكم لحوايج دابا غتجي وحتى دقايقية راه قربو يجيو
نور لي بتاسمات ليها وقالت: اه واخا اخالتي
اوا لبنات لي ناضو يوجدو داكشي ديالهم كل وحدة كتعز داكشي لي خاصها وعاد جاو جوج بنات اخرين لي هوما بنات خالت نور حتى هوما غيمشيو معاهم.

(موهيم كنسرع الأحداث حيت موقع والو)
لبنات لي لبسو عليهم واحد لعيبة فالبيض بحال الملحفة ودارو نقاب و هازين فإيديهم دوك لقفيفات، اما لالة لعروسة فا كانت لابسه قميص فدهبي ومن الفوق سلهام فالبيض ومطرز بدهبي و دايرة نقاب و القب ديال سلهام فوق راسها و هازة واحد صطل صغير فدهبي.
تمو هابطين فدروج بصلاة و سلام و لبنات كيزغرتو، كانو ريحاب و ريم واقفين جنب العروسة و أمينة و مايا وراها وعاد بنات خالت العروسة وراهم بقاو هابطين و دراري واقفين بعيد و كيشوفو بعويناتهم اما لبنات لي هبطو للنحت و قفز مستقيم و لالة لعروسة وصطهم و المصورة كتصورهم و دقايقية خدامين
لبنات لي بداو كيشطحوا غير بشوية عليهم حتى دخلو دراري وبداو حتى هوما كيشطحوا معاهم على دقايقية
ريم مشادات هي و ريحاب و فهد و الياس كيشطحوا و نزار و نور لوصط كيشطحوا
بقاو ناشطين و كيشطحوا و من بعد نور ركبات مع نزار و ريم مع فهد و ريحاب مع الياس و حتى ركبو فطوموبيل ديال بنت خالت نور لي كانت سميتها فاتي و ختها اكرام