درب البزنازة

Part 19 💕

عند ريم و فهد
هي لي كتاكل وهو غير حاضيها
ريم: كول مالك كتشوف فيا عجبتك ياك
فهد لي ضحك وقال: اه عجبتيني
ريم: عرفتي شنو انا لي عارضة عليك ليوم يله
فهد لي دايرلها خاطرها قال: واخا واخا
ريم: فهد
فهد: اممم
ريم: واش غتولي تغبر عاوتاني
فهد لي بقا شحال كيشوف فيها وساكت حتى حركات يديها قدام وجهو: ل لا مغنمشيش
ريم لي بتاسمات ليه وقالت: احسن حاجة هي تبقا هنا وحدايا
ا
فهد لي بتاسملها وقال: ادا ياليت بالماكلة نوضي نمشيو  ريم: اهاه هي لولا اموسيو فهد
فهد لي ضحك وجهها لعندو، هي لي يلاه جات نجبد لامارك باش تخلص حتى دفعلها يديها وهلص هو، تمو خارجين وهي مخنزر
ريم: ياك قلتلك بلي انا لي غنخلص
فهد: زيدي زيدي منين تخرجي معايا متحاوليش تخلصي حتى تكوني بوحدك و ديك ساعة خلصي على راسك
ريم لي بتاسمات ليه وركبات فطوموبيل

عند الياس و ريحاب لي مشاو لواحد لبارك كبير ديال الألعاب بقاو كيلعبو هنا وهنا ويركبو فطوموبيلات ويضاربو.
وصلو لديك لعبة ديال دراري صغار عرفتوها هديك لي فيها لحمار كيطلع ويهبط و يضور اوا موهيم، هي لي لصقاتليه عليها
الياس: واش منيتك االعبي فهادي
ريحاب: اوا مالك مالك زيد خلص وتسناني متركبش معايا
الياس: لا حولي الله
ريحاب: وا صافي دابا مالك هاء
الياس لي خلص وهي ركبات كضور وهو كيصور فيها وكيضحك عليها وهي ناشطة
من بعد نزلات وقال غاديين كيتمشاو
ريحاب: جاني العطش
الياس: يلاه نشري لحبيبتي دابا شي حاجة
بقاو كيتمشاو حتى وقفو قدام ديك تلاجة ديال كوكا، خلص وجبد ليها واحد كاميرا دكوكا، هي لي دارت جغمة لولا حتى سمعات
الياس: البناااااات متشربوش كوكا كولا كتكبر...
ريحاب لي قاطعاتو: حمار بزاف عليك وزيدون شد هاد كوكا شربها نتا باش تكبرولك (ناري قمعاتو ههه)
الياس: وا اجي نديك تشوفي واش كبير ولا لا
ريحاب لي خرجات فيه عينيها وتمشات وهي كتقول: الله يقلل حياك يلاه ديني لدارنا
الياس لي خليها لباب دياك طوموبيل وهو كيضحك عليها وفتح لباب ورك حتى هو وتحرك 

فواحد لفيلا لي متوسطة جالسا ودايرا يديها فراسها وهي كتبكي، مصدومة فراسها
دخل وهو ناشط وهاز فإيديه تقدية، دور وجهو حتى كتبان ليه جالسة هاكاك، حط داكشي لي كان هاز ومشا عندها لقاها كتبكي، جلس على ركابيه قدامها وقال: مالك كتبكي شواقع
رانيا: مراد، انا حاملة
مراد لي تصدم معرفه واش يفرح حيت حاملة منو ولا يبكي ولا اش يدير قال: هاااا كيفاش
رانيا: اه انا حاملة منك، ونا غير من ردت فعلك باينة بلي ما باغيهش
مراد لي خرج فيها عينيه وقال: شكتقولي منيتك لا انا باغيك وباغي حتى ولدنا
رانيا لي هزات فيه راسها وقالت: متأكد
مراد: ايه متأكد وزيدون كاين شي حد مكيبغيش يكونو عندو اولاد من لمرة لي كايبغي
رانيا: و دابا اش غنديرو
مراد: كيفاش اش غنديرو دابا نحضر بوراق ديال زواج ونتتزوجو
رانيا لي بتاسمات ليه وقال: واش بصح
مراد لي جارها لعندو عنقها و حرك ليها راسو بأه
هي لي بعدات عليه وقالت: مراااااد
مراد: نعام
رانيا: تشاهيت لفاخر مع شكلاط
مراد: واش تصطيتي
رانيا: وا ماشي شغلي بغيتو
مراد: واخا الآلة دابا نعسي ومنين تفيقي انجيبولك
رانيا: وا عنداك ضحك عليا عنداك (مشات كتمشا غاديا لبستها ودارت عندو وقالت): وعنداك
(تحية الفنات نشرحلكم، اوا من مور داكشي لي كان وقع مراد هو رانيا ورجع للندن بقاو شحال وهوما ساكنين بجوج و رانيا ولات كتحس بشي حاجة من حيت مراد بقاو شحال هكاك حتى لواحد نهار هو عارف ليها بلي كيبغيها من شحال هادي وحتى هي قالت ليه بداكشي لي كتحس بيه وصافي غلطو ولكن ناويين يتزوجو وصافي)