درب البزنازة

Part 19 💕

نمشيو عند ريم لي كانت خارجة من الجامعة جماعة مع واحد لبنت، حتى شافتو واقف حدا طوموبيلتو، هي لي ماعرفت واش تفرح ولا تعصب ولا تبكي، لبنت لي مشات بحالها وهي بقات كتمشى وصلات حداه ودارت راسها ماشفتوش
فهد: ريييم
ريم لي ضارت عندو وقالت: شنو بغيتي ها مشيتي غبرتي حتى شبعتي وعاد جاي
فهد: ريم سمحيلي ولكن را كانت عندي الخدمة بزاف حتى راسي مكنحكوش بقوت الخدمة لي عندي 
ريم لي بقات كتبكي: انا عارفة ولكن شهراين ونتا حتى تيليفون مكتجاوبش فيه
فهد لي جارها عندو عنقها وهي كتبكي: صافي متبكيش غنعوصك على هادشي كامل هادا وعد
ريم لي بادلاتو لعيناق، اما فهد تنهد وقال: وصافي يلاه نديك تاكلي سوشي عارفو كيعجبنك
ريم لي بتاسمات ليه وركبات معاه
ريم: فهد وطوموبيلتي واش غتبقا هنا
فهد: ديك ساعة نقول لكارد يجيبهالك

عند ريحاب و الياس لي هاهوما خارجين معانقين من لافاك
الياس: نمشيو نضربو ضويرة
ريحاب: اه يله، عرفتي شنو شبانلك نمشيو نلعبو
الياس: مالك برهوش مالك
ريحاب لي بعدات عليه وقالت: شوف ليرحم باك ما بغيتيش سير تحاوا
الياس لي جارها عندو وقال: شي نهار غنهرسلك هاد الفم على اختصار دالهضرة، وزيدون ندي حبيبتي تلعب علاش لا
ريحاب لي خنزرات فيه وبقات غادا هي وياه، حتى داز واحد من حداها وقال: وطلق دجاجة لماليها
الياس لي صار بشوية عليه وهو يلقا دراري كيضحك. دار شاف فيها وقال: شوفي تحركي من بلاصتك نگرضك سمعتي، انا داروري خصني نعطب شي حد عاد يتعها
مشا كيجري عن داك خونا شدو عطاه كروشي للوجه حتى فراسو فالارض جا واحد لولد حتى هو بغا يضربو ويعطيك ركلا حتى طاح جا لولد تالت لي كان هاز واحد زرواطا يلاه غيضربو حتى دار ليه الياس ونار ليها ديك زرواطا وعطاه بيها دقة لراس
هي لي كانت واقفة كتفرج وكيقول: عطيه زيدو عطي لمو هاكاك
هو لي رنا ديك زرواطا للأرض ومشا عندها وقال: زيدي زيدي نديك تلعبي، ولهلا براهش
ريحاب: ايه عند لحق اباطمان ديالي (كيحمقني باطمان) بقاو غاديين وكيضحكو

اما عند واحد نزار كان غيحماق خمقاتو مدينه لهنا وتجيب لهنا و والو واش عجباتها شي حاجة سيد غيحماق
نزار: شوفي هادو راه زوينين
نور: صافي غا ناخد، بانتيلي بحال عييتي لا
نزار: الله يا ودي على معيا شكون كدب عليك
نور لي حبسات ضحكة وبقات غادا كتمختر قدامو حتى شوية صارت عندو وقالت: صافي احياتي غا من وجهك كتبان عيان يلاه نرجعو لدرب
نزار لي جارها عنقها وقال: الحمدالله جاني العفو
اوا خرجو من تماك وهي غادي وهي جاراع من يديه دارت شافت فيه بواحد نضرة لي كطيحو وقالت بدلع: نيييزااارر
نزار لي صور وجهو وقال: مغنعطيكش تصوگي في تهناي
نور: وا عافاك داك نهار را غا كنت عيانا عليها كنت كنصوگ هاكاك
نزار: لا هي لا
نور لي بتاسمات ليه وقربات لعندو وقالت: وا عافففاك احياتي خليني نصوگ عافاك
نزار: لاااا

كانو راكبين فطوموبيل هي لي صايگة وحابسة ضحكة (مصيطرة ها مشيك مضطرة 😂😂😂😂) وهو حداها كيدعي الله يوصلو على خير
نور: شوي هانا كنصوگ مزيان
نزار: اويلي على مزيان ونتي غتگلبينا
نور: وا صافييييي
نزار: يا ربي توصلنا على خير