នារសៀលថ្ងៃសៅរ៍ដែលជាថ្ងៃយមុនាបានណាត់សុំទៅមើលកុនជាមួយនឹងលិប្សាបានមកដល់។ មែនហើយព្រោះគេបានសរសេរសំបុត្រដាក់ក្នុងបាច់ផ្កាបញ្ជាក់ប្រាប់ស្រាប់ថានឹងមកទទួលនាងនៅម៉ោង៤រសៀល ដំបូងនាងរារែកដែរប៉ុន្តែជ្រុលប្រាប់គេពីម្សិលមិញទៅហើយថាចាំនិយាយគ្នាថ្ងៃនេះ ដូច្នេះពេលនេះនាងក៏រៀបចំខ្លួនចាំគេឱ្យហើយតែម្ដង។ អាវសដៃវៀលក្លៀកដែលមានសាច់ក្រណាត់បែបប៉ាក់កាត់រឹបរាងដោយមានឡេវច្រើនរដឹកលម្អពីក្រោយខ្នង គូនឹងសំពត់បត់វែងសែនសមជាមួយរាងតូចច្រឡឹងរបស់ស្រស់ស្រី។ នាងធ្វើសក់ក្ដោបរមូចេញក្រៅ និងឡើងរាងខ្ពស់បន្តិចបង្ហាញឱ្យឃើញខ្សែកគជ់ខ្យងនិងឆ្អឹងដងកាំបិតដ៏ទាក់ទាញនៃកាយនារី ព្រមជាមួយកន្លាស់អាវរូបផ្កាកឹបជាប់នៅខាងឆ្វេង។ នាងកាន់កូនកាបូបតូចនៅនឹងដៃដែលមានពាក់ស្រោមដៃពណ៌ស នេះក្រឡេកឆាច់គឺច្បាស់ថាល្ងង់សម្រស់ដ៏បវរនេះដកចិត្តមិនរួចមិនខាន។
Oops! This image does not follow our content guidelines. To continue publishing, please remove it or upload a different image.
នាងតុបតែងខ្លួនរួចក៏មានឡានមកដល់ខាងមុខផ្ទះល្មម លិប្សាចេញមកខាងក្រៅ រួចដើរសំដៅមកឡាន ដោយមាននាយសង្ហាក្នុងឈុតគ្រ័រហ្ស៊េពណ៌ខ្មៅឈរចាំបើកទ្វារឱ្យរួចជាស្រេច។ គេភ្លឹកនឹងសម្រស់នាងមួយសំទុះ ទើបនិយាយទាំងញញឹមជាប់៖
«ថ្ងៃនេះលិប្សាស្រស់ស្អាតណាស់!»
លិប្សាញញឹមតបទទួលការសរសើរ រួចដើរចូលក្នុងឡានដែលចំហទ្វារស្រាប់ កំលោះក្រមុំទាំងពីរក៏ឡើងឡានជាមួយគ្នាតម្រង់ទៅគោលដៅតាមការកំណត់ទុក។
រោងភាពយន្ត
តាមបណ្ដោយមហាវិថីព្រះនរោត្តមមានរោងភាពយន្តដែលមានវត្តមានបម្រើដល់អ្នកស្នេហាវិស័យរឿងកុនដើម្បីកម្សាន្តទស្សនា។ ហើយរោងភាពយន្តនេះនិយមបញ្ចាំងរឿងកុនរបស់ពួកបច្ចឹមប្រទេសមួយចំនួនមានដូចជា ភាពយន្តរបស់បារាំង អាមេរិកកាំង អាល្លឺម៉ង់។ល។ យមុនាបានទិញសំបុត្រដែលជារឿងប្រភេទរន្ធត់សម្រាប់ការមកទស្សនាជាមួយស្រស់ស្រីលិប្សា ចូលដល់ក្នុងសាលនៃរោងកុន អ្នកទាំងពីរក៏រកកៅអីដែលត្រូវអង្គុយ។
YOU ARE READING
Ghost writer - អ្នកនិពន្ធខ្មោច
Fanfictionពិដោរ ប្រាថ្នា គឺជាអ្នកនិពន្ធវ័យ២៥ឆ្នាំម្នាក់ដែលទទួលបានភាពជោគជ័យទាំងវ័យក្មេង។ នាងបានទៅសម្រាកលំហែកម្សាន្តនៅខេត្តបាត់ដំបងដែលជាស្រុកកំណើតម៉ាក់របស់នាង ហើយស្នាក់នៅផ្ទះជីតារបស់នាង។ នាងស្រាប់តែបានចួបនឹងបុរសចម្លែកម្នាក់ដែលបង្ហាញខ្លួនឱ្យនាងឃើញនៅក្នុងបន្ទប់ដា...
