វិធូរ រេណូជានរណា?
· ជាមិត្តភក្តិរបស់លោកតាម៉េចក៏បង្ហាញខ្លួនឱ្យនាងឃើញ?
· ហេតុអ្វីបានជាគេនៅក្នុងបន្ទប់ដាក់សៀវភៅរបស់លោកតា?
· បើគេជាវិញ្ញាណហេតុអ្វីនៅវិលវល់? មិនចាប់កំណើត?
· ចុះបុរសម្នាក់ទៀតដែលមានមុខមាត់ដូចមិត្តរបស់លោកតាដែរនោះ តើគេជានរណា?
· ហេតុអ្វីនាងត្រូវចួបអ្នកទាំងពីរនេះ?
· អ្នកទាំងពីរនេះម្នាក់ណាជាមនុស្ស ម្នាក់ណាជាខ្មោច? ឬទាំងពីរនាក់សុទ្ធតែ... មិនមែនមនុស្ស?
ស្រស់ស្រីប្រាថ្នាដែលជាកវីនិពន្ធម្នាក់ ពេលនេះបែរជាធ្លាក់ខ្លួនមកដូចទៅនឹងអ្នកស៊ើបក្ដីតាមរកជនល្មើសទៅវិញ។ នៅពាសពេញជញ្ជាំងនាងបិទគំនូសផ្គូផ្គងរញេរញៃនិងមានរូបដែលគូរដោយដៃជាគំនូររូបបុរសចម្លែកនិងអ្វីផ្សេងៗដែលនាងគិតថាទាក់ទងនឹងគេ។ រេណូជានរណា? នៅតែស្ថិតក្នុងខួរក្បាលរបស់នាងទោះបីនាងអាចស្មានដឹងថាគេជាមិត្តជីតារបស់នាងក៏ដោយ...
ក្រឹក!
ប៊ិកហ្វឺតរបស់នាងដែលកាន់ទុកគូសវាសលើផ្តាំងស្រាប់តែធ្លាក់ចុះពីដៃ នាងល្អ ឈោងរើសមកវិញ ភ្លាមនោះសម្លេងគ្រលរបន្លឺឡើងក្បែរខ្លួន៖
«បើនាងចង់ដឹងអ្វីម៉េចមិនសួរនាំខ្ញុំត្រង់ៗតែម្ដងទៅ? ចាំបាច់អីពិបាកខ្លួនឯងមករកគូសផ្គូផ្គងពាសពេញជញ្ជាំងផ្ទះអ៊ីចឹង? នាងមិនមែនជាប៉ូលីសហើយខ្ញុំក៏មិនមែនជាចោរដែរ!»
ប្រាថ្នាបែរមកម្ចាស់សម្លេងលើកនេះនាងលែងភ្ញាក់ផ្អើលទៀតហើយ ទំនងជាសាំនិងវត្តមានបាត់ឃើញៗរបស់គេ នាងតបវិញ៖
«មិនមែនចោរតែលោកជាខ្មោច! ខ្មោចដែលឈ្លានពានភាពឯកជនរបស់មនុស្សទៀតផង! សុំអង្វរចុះចាំខ្ញុំធ្វើបុណ្យឧទិសកុសលឱ្យ តែលោកឈប់បង្ហាញខ្លួនចំពោះមុខខ្ញុំទៀតទៅ!»
«នែ! ជាក្មេងនិយាយស្ដីឱ្យមានសុជីវធម៌បន្តិចទៅមើល! មួយម៉ាត់ខ្មោចពីរម៉ាត់ខ្មោចខ្ញុំស្ដាប់ហើយព្រឺសប្បុរណាស់» នរៈសង្ហាតបទាំងគ្រិចខ្លួន។
YOU ARE READING
Ghost writer - អ្នកនិពន្ធខ្មោច
Fanfictionពិដោរ ប្រាថ្នា គឺជាអ្នកនិពន្ធវ័យ២៥ឆ្នាំម្នាក់ដែលទទួលបានភាពជោគជ័យទាំងវ័យក្មេង។ នាងបានទៅសម្រាកលំហែកម្សាន្តនៅខេត្តបាត់ដំបងដែលជាស្រុកកំណើតម៉ាក់របស់នាង ហើយស្នាក់នៅផ្ទះជីតារបស់នាង។ នាងស្រាប់តែបានចួបនឹងបុរសចម្លែកម្នាក់ដែលបង្ហាញខ្លួនឱ្យនាងឃើញនៅក្នុងបន្ទប់ដា...
