ក្រឹក!
ប្រាថ្នាបិទទ្វារបន្ទប់រួចទាញយក Laptop មកអានរឿងដែលបានបង្ហោះនោះចុះឡើង នាងផ្អែកខ្នងនឹងក្បាលគ្រែទាំងដៃចាប់ផ្ដើមវាយក្ដារចុចកុំព្យូទ័រ...
តើសាច់រឿងបន្តទៅជាយ៉ាងណា?
យប់មួយនៅផ្លូវច្រកចូលកាច់ជ្រុងដែលធ្លាប់តែស្ងាត់យប់នេះបែរជាមានវត្តមានមនុស្សជាច្រើនអ៊ូអរហ៊ឹកហ៊ាកហាក់ដូចជាមាននរណាម្នាក់កើតអី។ នារីល្អរាងតូចច្រឡឹងដែលទើបនឹងចេញពីធ្វើការហើយទើបចុះពីស៊ីក្លូឃើញដូចនេះដោយចរិតជាអ្នកពូកែចង់ដឹងរបស់នាងក៏អត់មិនបាននឹងវែកចូលទៅមើលនឹងគេ អ្នកចោមរោមទីនេះសុទ្ធតែជជែកគ្នាអឺងកងថាមិនដឹងធ្វើយ៉ាងណាទេមនុស្សដេកស្លាប់គួរឱ្យអាណិតយ៉ាងនេះ មិនដឹងជាសាច់ញាតិអ្នកណាព្រោះសពផ្កាប់មុខមើលមិនច្បាស់ ឯប៉ូលីសក៏មិនទាន់មកដល់ធ្វើកំណត់ហេតុទៀត។ រាងកាយស្រឡូនស្អាតដេកផ្កាប់ក្នុងថ្លុកឈាមមើលទៅជាស្រ្ដីវ័យកណ្ដាលម្នាក់តែតាមរយៈការតែងខ្លួនស្លៀករ៉ូបផ្កាចម្រុះព្រមទាំងមានមួកជាប់ក្បាលផងនោះ នាងទំនងជាមនុស្សស្រីស៊ីវីល័យម្នាក់។ លិប្សាគ្រាន់អើតឃើញត្រឹមតែការស្លៀកពាក់ នាងចាប់តតេះតតះភ្លាមស្រ្តីនោះមើលយ៉ាងណាក៏ដឹងថាជាម្ដាយនាងដែរនាងស្រែកឡើង៖
«អ្នកមាក់! អ្នកម៉ាក់...ហឹក...ម៉ាក់...តើមានរឿងអីឆាប់ដឹងខ្លួនឡើងម៉ាក់បើកភ្នែកឡើង!» នាងស្រែកយំមិនខ្មាស់អ្នកណាដង្ហើយហៅម៉ាក់ ស្រ្ដីដែលនាងកំពុងក្រសោបឱបអង្រួនជាប់ទ្រូង។
ភ្លាមនោះប៉ូលិសក៏មកដល់ល្មម ពួកគេក៏សម្រួលឱ្យលិប្សាតាំងស្មារតីនិងទុកឱ្យសមត្ថកិច្ចធ្វើការកោសល្យវិច័យ។ គ្រាដែលនាងបានទៅឃើញការស្លាប់របស់ម៉ាក់នាងផ្ទាល់បែបនេះហើយទើបនាងប្រទះឃើញខ្សែកនាឡិកាដែលម៉ាក់នាងក្ដាប់ជាប់នឹងដៃលិប្សាមិនបានប្រគល់របស់នេះទៅប៉ូលិសនោះទេ ហើយមកទល់ពេលនេះនាងកាន់តែបានដឹងច្បាស់ថានាងសម្រេចចិត្តត្រូវព្រោះប៉ូលិសបានដាក់រឿងក្ដីនេះជាក្ដីប្លន់សម្លាប់ទៅវិញ។
BINABASA MO ANG
Ghost writer - អ្នកនិពន្ធខ្មោច
Fanfictionពិដោរ ប្រាថ្នា គឺជាអ្នកនិពន្ធវ័យ២៥ឆ្នាំម្នាក់ដែលទទួលបានភាពជោគជ័យទាំងវ័យក្មេង។ នាងបានទៅសម្រាកលំហែកម្សាន្តនៅខេត្តបាត់ដំបងដែលជាស្រុកកំណើតម៉ាក់របស់នាង ហើយស្នាក់នៅផ្ទះជីតារបស់នាង។ នាងស្រាប់តែបានចួបនឹងបុរសចម្លែកម្នាក់ដែលបង្ហាញខ្លួនឱ្យនាងឃើញនៅក្នុងបន្ទប់ដា...
