درب البزنازة

Part 16 💕

(لكدوات لملاح الله يجيبلينا شي حد بحال نزار وقولو امين 😂)

نزار: بصحتك احبيبة تستاهلي ما كتر بغيتك تلبسيهم نهار لملاك
نور لي رجعات شافت فداك صندوق وقالت: واخا غنلبسهم، زوينين بزاف شكرا
نزار لي براسها فراسها وقال: ماكاين باش تشكريني وزيدي دابا يلاه نرجعو
اوا رجعو عندهم وبقاو جالسين ولبنات دخلو شافو داك طقم ودايرين غدا غيمشيو يجيبو قفاطنهم من عن لخياط حيت هاد لمرة خيطو ماشي كراو
ريحاب لي حركات راسها بلا وقالت: لا اختي سيرو غير نتوما انا ما نمشيش بغيتوه يقتلني
ريم لي عنوان لنور وقالت: هاي هاي على مرت خويا
ريحاب لي تزنكات و خنزرات فيها وقالت: منيتك را ما بيني وبينو والو
نور: الناس عليا تا هاداك يخافو منو ناس وجه العود
ريحاب: وغير ما بغيتش لماشاكيل و صافي
ريم ونور : اممم الله يجعلنا نتيقو
بقاو كيضحكو ومن بعد خرجو عندهم لبرا وبقاو مجموعين كاملين وكيضحكو
الياس: لواليدة عقلتي على طبسيل ديال طوس
لالة خولة: سكت متفكرنيش فطبسيلي يا ولد لحرام شارياه غالي
ريم: ماما قوليه يشريهلك ياك هو لي هرسو
الياس: اوا مالكي نشريه
لالة كوتر: اييييه دغيا كبرتو باقي عاقلة غا لبارح كنتو كتجري وتلعبو هنايا
لالة فخيتة: اوا هادو هوما لوليدات دغيا كيكبرو
لالة خولة: ولاهيلة دغيا كيكبرو
لالة فخيتة: ايه انا عاقلة على هاد جوج (شيرات جيهت فهد و نزار) كانو صغار و ديما مدابزين دابا شوف هاهوما دغيا كبرتو و غيتزوجو و ريحاب لي غير لبارح خلقت هاهي كبرت دغيا
لالة كوتر لي ضحكات وقالت: كاملين كانو يدابزو فصغر على ماشي ديما كانت ريم و نور مدابزين مع الياس كان قصيرة عليهم وهو تابعهم بالحجر و بواحد لعود دايما هازة وكيضرب بيه وسروالو طايح
هوما لي بداو كيضحكو و الياس قال: يهديك الله اخالتي شمن سروالو طايح
ريم لي عينيها تغمضو بضحك وقالت: سكت سكت راه كان دائما كيطيحلك سروال وكيبقاو يضحكو عليك
الياس لي مرضاش وهو يجرها من شعرها وقال: سكتي البوابة ونتي كنتي كتبولي فالفراش
ريم: بزاف عليك ولهلا يحييك حتى نبول
الياس: اسييري ونتي كنتي دائما كتصبحي بايلة
ريم لي هزات واحد لخرجة كان فالارض و رماتها عليه
الياس لي صار عند مول وقال: وشاي بنتك هي لي كتجبدني ومنين كرضهالها كتقوليلي بعد من ختك را كبيرة عليك
لالة خولة: يا ربي ترزقني صبر بعدو مني واحد شوية عطيني تيساع(هزات يديها ليما وقالت) يا ربي غا فوقاش يتزوجو و يهنيوني
ريم لي شافت ففهد و دورات عينيها بزربة منين لقاتو كيشوف فيها
دازت ديك لعشية غير ضحك وكلشي ناشط بقاو جالسين حتى ضربات ديك لوحدة عاد كل واحد دخل لدارو
عند دراري فهد و الياس دخلو يلعبو بلاي اما نزار غيبات فدار نور
ريم لي كانت مقابلة مع تلفازة وكتفرج فواحد لفيلم دلخليع.
الياس لي كان خارج يشرب حتى قشعها كتفرج وكل مرة كتغمض عينيها
الياس لي رجع لبيت عند فهد وقال: نوض نلعبو مع ريم شوية
فهد لي خنزر فيه وقال: بعد من لبنت حسن لك
الياس: نتا غير تفرج
وداكشي لي كان فهد لي وقف حاضيها وا الياس مشا طفالها تلفازة من تيليفونو حيت كان عندو تيليكوموند فتيليفون، ريم لي ضورات عينيها وقالت: الياس هادا نتا
ريم لي سمعت والو حتى تلفاز رجعت شعلت هي لي بقات مخلوعة حتى شوية كينقز عليها شي حد
و شكون من غيرو هو لي شافها بدات كتخلع وهو يترما عليها حتى غوتات وحطاتو يديها على قلبها
ريم: الله ينعل لقحبة مك القواد خلعتيني
فهد لي شافها كيفاش تخبعات وجا بقا كيضحك
ريم لي شافت فيه وقالت: ضحك ضحك دابا الهجرة نتا وياه
وناض غادا لبيتها مفقوصة
ريم: والله لا بقات فيكم غا بلاتي
وتهرسات فكامتها ونعسات