هوما جوج بنات لي كبروا مع بعضياتهم و لي من ديما كانو كيتمناو يسكنو في حي شعبي.
و هوما جوج خوت لي حاكمين داك درب و مشهورين ف دروبه لخرين.
يا ترى شنو غيوقع إدى تجمعوا؟؟؟
عنده م هوما لي كانو جالسين فدرب جا الياس جلس حدا مو لالة خولة: جابك الله ا الياس سير طلع عند طارق لخياط جيبلي جلابتي لي خيطت الياس: واخا الواليدة لالة خولة: عنداااك طيحها ولا شي حاجة را نقتلك هاد نهار الياس: وا متخافيش الواليدة هو لي مشا عند الخياط فتح لباب وما كتجي عينو غير على داك المنضر هي لي جالسة كضحك مع لخياط وناشطة هي لي دورات وجهها كضحك تشوف شكون دخل حتى كيبانلها واقف، قفزات من بلاصتها الياس: ليوما ياكلوا عليك كسكسو هي لي غير سمعاتو مشات عندو شافت فيه وشافت فالباب رجعات شافت فيه وفتحت لباب وضرباتها بأحسن جريا هو لي شافها هاربة دار شاف فالخياط: والله لا بقات فيك ومشا تابعها كيجري عنهم فدرب كانو جالسين لعيالات جماعين ولبنات جالسين كيضحك اما فهد و نزار كانو بعاد شوية وكيهضرو فالخدمة حتى كيرمقو ريحاب جايا كتجري وتغوت دارو كاملين كيشوفو فيها، فهد لي ناض وقف ولعيالات لي حتى هوما وقفو، حتى كيبان لهم جاي موراها كيعيطلها وكيغوت اما هي لي مشات تخلات ورا لالة خولة حيت ماماه ومغيقرش يهضر معاها لالة خولة: اويلي اش واقع ريحاب: والله ما درتلو شي حاجة الياس: ررررررريحااااااب نزار لي مشا عندها م هو وفهد وقال: مالك الياس لي كيشوف ف ريحاب: اجي لهنا نهضر معاك ريحاب لي حركات راسها بلا نزار لي صور عندو الياس وقال: اش كاين شنو دارتلك الياس: ختك لقيتها جالسة جماعة مع داك زامل ديال طارق الخياط وكضحك معاه نزار لي شاف فريحاب ريحاب: كداااب الخياط خدا القياسات وكنت جالسة كنتسناه يقيدهم الياس لي كان باغي يتسيب عليها حتى شدو نزار وقال: تماما أصاحبي صافي موقع والو(دار شاف فريحاب) ونتي متبقايش تجمعي وتكركري فين ما مشيتي الياس لي تنتر من نزار وقال: والله ونشوفك مشيتي عندو اولا حطيت رجلك عند داك زامل يا حتى نقتلك فهد لي جرو وقال: الياس تكالما وبعد من لبنت اوا داكشي لي كان الياس مشا يبدا ساعة بخرا واخرين بقاو جماعين حتى وصل ميساج لنور كان من عند نزار لي قالها نوضي اجي عندي رانا مور ضاركم بغيت نعطيك شي حاجة اوا داكشي لي كان نور لي مشات عندو نور: شنو بغيتي احياتي نزار: جبتلك كادو احبيبتي نور: اشنو هو نزار لي عطاها واحد صندوق لي كانت كبيرة وقال: فتحيها نور لي غير فتحتها وهي ترجع تشوف فيه وعنقاتو وقالت: علاش عدبتي راسك
Oops! This image does not follow our content guidelines. To continue publishing, please remove it or upload a different image.
