درب البزنازة

Part 14 💕

عندهم هوما لي كانو جالسين فلكافي ديال لكلينيك
نطقات ريم وهي كتسرب من واحد لعاصير: الياس
الياس: نعام
ريم: طلعتيلي فكري
الياس لي دار فيها ديك شوفا ديال منيتك: لا حولي الله اختي عطيني تيساع
ريحاب: انا جاني لملال انلعبو شي حاجة
الياس: يلاه نخرجو انا وياك شبانلك
ريم: سير بعد من لبنت(دارت عند ريحاب)شنو نلعبو
ريحاب: اممم زدين بوم باح ولي خسر محكمة عليه
اوا بداو كيلعبو وهي تخسر ريم
الياس: سيري زدخي راسك مع داك لحيط عشرة دلمرات
ريم: لقلاوي
ريحاب: خاصك تنفدي لحكم
اوا ريم لي ناضت على شهدها وعدها وبدات كيضرب راسها مع لحيط حتى كتحس بلي ضربات راسها فليد
شي حد، ضورات راسها وهو يبان ليها فهد لي كان كيشوف فيها وهو مستغرب وقال: شكاديري؟؟؟
ريم: كنفد لحكم
فهد: سيري سيري تجلسي
هي لي مشات تجلس وهو غادي من وراها حاضي داك طرف لي هازة
بقاو جالسين وكيهضرو ويتناقشو حتى شوية نطق فهد: نوضو فركتو جوقا سالينا لي عندو شي دار يقصدها (شاف ريم) نوضي نوصلك
ريم: كيفاش فركتو جوقا را صاحبتي مريضة
فهد: نزار معاها غدا اجي عندها (يلاه غيضور يقول لريحاب نوضي نوصلك حتى نتي وهو ينقز الياس وقال: هه انا غنوصلها ما تخافش
فهد لي خنزر فيه وقال: ياكما وليتي شيفور وانا مفخباريش
ريحاب: خويا غير سير را الياس غيوصلني بلا منعدبك
فهد لي خنزر فيهم بجوج و هز سوارتو ديال طوموبيل وجر ريم ومشا
ريم: واش انا مونيكا عندك ولا طلق مني
فهد: زيدي وسكتينا
اوا هوما لي تحركو نيشان لدرب هي لي نزلات وهو تبعها حلات لبابيال داره وهي تحس بيه وراها صار عندو وقالت: خاصك شي حاجة
فهد: خاصني نتي هاد ساعة
ريم: سير تنعس
فهد: فيا جوع بغيت ناكل مكلتك
ريم لي فتحات لباب ودخلو هو مشا جلس وهي دخلات لكوزينة بقات شوية وهي تخرج عندو: بغيتي تاكل نوض شمر على دراعك وطيب شي حاجة لراسك
فهد لي شاف فيها وقال: طيبي راه فيا جوع طيبي حسن مانصدق مغدي بيك
ريم لي فهمات قصدو وحنات راسها وقالت: وا نوض غير عاوني فشي حاجة
فهد لي مشا عندها لكوزينة هي لي كانت واقفة جا وقف وراها وقال: اش كطيبي
ريم: ليباط
فهد قكتفها وبعد وقال: فاش بغيتي نعاونك
ريم: قطع البصلة
اوا سيد لي بدا كيقطع لبصلة ويعاونها حتى سلاو
ريم: صافي سير تجلس انا غنجيب هادشي
فهد لي هو قرعة ديال لما وكاس ومشا خرج جلس فصالون كيتسناها تجي، جات حركات داكشي وشعارات تلفازة ودارت peppa pig وبدات كتاكل
هو لي دار شاف فيها وقال: منيتك كتفرجي فهادشي
ريم لي خنزرات فيه وقالت: كيفاش هادشي هادو را كنحماق عليهم تفرج تفرج را كيضحكو والله
فهد لي حرك راسو بلا حول وبقا كياكلو

عند الياس لي خرجو من لمستشفى ركبو فطوموبيل
الياس: فين تبغي نمشيو
ريحاب: مكرهتش نمشيو حدا لبحر ونبقاو تمام ليل كامل
الياس لي شاف فساعتو وقال: هادي يلاه ربعة، نمشيو نتغداو و من بعد نمشيو واخا
ريحاب لي حركات ليه راسها وهي مبتاسما حيت كايعجبها كيفاش كيهضر معاها بشوية وكيعاملها بحال شي اميرة