درب البزنازة

Part 8 💕

نزار لي مشا وصل نور و الياس و منبعد مشا بحالو للقصر ديال عائلتو لي فرباط فين كان حتى فهد

اصبحنا واصبح الملك لله
صباح صباح جديد وبالضبط عند ريم لي كانت جالسه كتفطر وشعرها طالع فسما حتى شافت خوها لي جا جلس وهو يهز واحد المسمنه نطقات وهي مخرجه عينيها: والله وما تحط ديك لمسمنه يا الياس يا حتى نتقبك الخانز..
ماجات فين تكملها حتى حسات بصنداله في راسها سمعت لاله خوله مرأه في الاربعيناتو وعندها حقها من زين الاربعينات من عمرها قالت: يا الخانزه كوني تحشمي ونتا حط لختك رغيفتها را ديالك فالكوزينة
الياس لي مشا لكوزينة وهو مخصر بنعاس
نطقات لاله خوله: اول يا بنيتي ياك غدا لخطبه
ريم: اه اماما غدا علاش كتسولي
لاله خوله: لا والو غير عيطاتلي كوتر قاتلي بلي غادي يطيبو فدار عليها ليوم غيجي خو لعريس يحط سخره
ريم لي سمعات خو لعريس وهي تخرج عينيها  و وحلات  ليها، تم خارج الياس من لكوزينة وهو كيضحك وقال: توحل لعمتك اختي لحبيبه مالكي غير سمعتي خو لعريس ونتي توحلك ياكما خفتي يشوفك بحال شي جنيه
ريم بغات تجاوب وهي تسمع دقات ناضت لاله خوله تحل و ريم بقات مدابزه مع الياس هو لي تم داخل وهو يقشعها شانقه على الياس و الياس جارها من شعرها لي طالع شاد ريزو وحويجها لي باقيين مخربقين بنعاس فهد لي بقا مصدوم حتى كتبان ليه لاله خوله لي كضربهم بصنداله وكتفك وكتقول: يا ولاد لحرام مبغيتوش تكبرو
ريم لي نطقات والغوات: والحمار طلق ليا من شعري وااااا ماماااااا
الياس لي قال وهو كيخنزر: طلقي نطلق
اما فهد لي بغا يدخل يفترقهم حتى وقفو واحد راجل لي كان فالخمسينات من عمرو لي كانت سميتو محمد قال: غير جلس اولدي راه كل صباح قبل متمشي ريم كان هاكا ديما صداع مبغاوش يكبرو (تنهد وقال) انا غادي نفارقهم
سي محمد لي بدا كيفارق وهو كيغوت ويقول: بركه واش معييتوش من هاد ضصاره ديالكم واش بغيين طرطقولي شي عرق ونتي ا ريم مولات لعقل زعماك كبرتي مغديريش عقلك فخوك صغير ونتا الحمار شحال من مره كنقولك بعد من ختك راها كبر منك (ريم و الياس لي بقاو غير حانيين راسهم في حين سي محمد لي تنهد وقال): كيف كل مره طلبو من بعضياتكم سماحه وتعانقو يلاه
الياس لي مشا جلس حدا فهد وقال: سمحيلي حيت أنا لي جبدتك ولكن الواليد والله لا عنقتها
ريم لي قالت وهي كتعدل حوايجها: ممم زعماك انا ميته عليك
سي محمد: تعانقو بركه من هاد شوهه لي درتو قدام راجل
ريم لي عاد قشعات فهد لي كان مبتاسم وهو كيشوف فيها
نطقات وقالت: ف ف ف فهد ج جيتي
الياس: ممم جا حبيب ل...
لاله خوله: الياااااااس نوض عنق ختك
اوا ناضو كيتعانقو ويتسامحو وهوما ما حملينش بعضياتهم، ريم لي مشات لبيتها اما فهد بقا معا الياس وسي محمد لتحت كيتكلمو ودراري كيدخلو فسخره نطق فهد: حمحم فين هو لحمام
الياس: راه حدا لبيت ديال ريم
فهد: وريني فين راه مساكنش معاك
الياس: شتي داك لباب لبيض راه حداه طواليط
اوا سي فهد فبلاصة ميدخل لطواليط مشا قصد بيت ريم بلا كيشوفو حد وهو مبتاسم، دخل وسورا لباب وهو يلقاها لابسه سروال سبورت فالكحل و من لفوق غير سوتيامات فالحمر وعاطياع بضهر.
هي لي صحابليها ماماها لي دخلات وقالت: ماما اجي سديلي سوتيامات دغيا باش نمشي نتسخر مع نور، فهد لي جا من وراها وسدهم ليها هي لي كانت دارت بزربه حيت عرفاتو من ريحتو نطقات قايله: و و واش نتا حمق اش كدير هنا سير بحالك
فهد: هاد لخير كامل مخبعاه عليا
ريم لي خرجات عينيها وقالت: خرج عليا خرج المنحرف
فهد لي يلاه بغا يهضر وهو يتسمع دقان فالباب وتسمع صوت لاله خوله لي بغات دخل
ريم لي صافي لما طاح ليها فركابي اما فهد لي كان غادي يفتح لباب حتى شداتو ريم وجرات دخلاتو لطواليط لي فبيتها وقالت: شوف جلس هنا تخرج نقتلك 
خرجات وخلاتو واقف كيضحك حلات لباب لماماها من بعد ما رمات تيشرت فالبيض وقالت: ماما شنو كاين
مالك
لاله خوله: مالك مسورته لباب وعاد عام غير باش تحلي
ريم: لا راه كنت كنلبس عليا
لاله خوله ااااه اوا سربي باش متعطليش على نور
ريم: واخا اماما
لاله خوله لي خرجات و حتى فهد خرج من طواليط وقال مالك على هاد لخلعه كامله

في مكان اخر فدار ديال نور هي لي كانت جالسه معا خوتاتها فالبيت جماعين نطقات امينه: نور ضبريلي فالياس راه كيعجبني
نور لي قالت وهي مخنزره: سيري راه نتي ماشي قد هادشي وزيدون هو مصاحب
امينه: مصاحب اويلي معامن
نور: ماشي شغلك
نطقات مايا وهي كتفوه: تفو واش حتى نعاس منعسش على خاطري
نور: تگعدي قالك راه ضهر هادا وغدا لخطبه نوضي سيقي
دار
مايا: ياكما باك جيبني خدامه عندك جمعيها نتي ياااه
نور: يا ربي ترزقني صبر (قرصاتها لفخضانها وقالت): تگعدي قالك مبقيتيش تحشمي البرهوشه (امينه لي بدات كضحك وهي تقول نور):هاه اديك شيخه حتى نتي غتجمعي اولا نشكم بيك لماما راه فخباري اش كديري فديك ثانويه
اوا داكشي لي كان ريم خرجات هي ونور يتصخرو من بعد خلطو عليهم دراري ومشاو لواحد لكافي بقاو شويه ومن بعد كل واحد مشا بحالو، طاح ضلام وعند بطلاتنا لي كانو مقصرين فزنقه حيت واخا كبار باقيين مبرهشين فعقلهم لابسين لقنضورات حيت بدا كيدخل صيف، ريم لي كانت لابساها فالحمر و كانت مزيره عليها  عكس نور لي كانت  لابساها فصفر و واسعة حيت دماماها.
نطقات نور وهي مبتسمة مع تيليفون: راه نزار غيدوز هو و فهد حيت قالك دايزين من هنا
ريم: مزيان
تسمع صوت رجولي لي قال: ريييييييم
ريم لي نقزات من بلاصتها بالخلعه
فهد لي جرها من يديها وتم غادي بيها لواحد دريبه لي خاويه وقال: اش هاد لباس هاااا اش هاد لبااااس
ريم: واش نتا حمق بعد مني راه لباسي عادي
فهد: عادي ها عادي هو هادشي مزيرلك على ترمتك و زوامل كيشوفو فيها ها
ريم: واش منيتك منسمحش ليك تقول هاد لهضره عليا سمعتي دابا حيد من قدامي
هي لي مشات بحالها لدارهم ونعسات وهو لي هز طوموبيلتي ومشا مكسيري اما نور و نزار لي غير كيشوف دارو عند بعضياتهم وضحكو حيت فكرو بلي تقدر تكون بين ها جوج شي حاجة