💜💜
Jishaan ne Amrit se kaha : Jab mujhe pata chala ki Jishani mere flat par aayi thi to mujhe hairaani hui, kyunki vo kabhi bhi us flat par nahi aati thi.
Agar use mujhse kuch kaam hota tha to vo call karke bulaya karti thi. Par vo us din flat par aayi. Kyu? Kyunki use humari shaadi ke baare me pata chal gaya tha.
Jishaan ne aage kaha : Mere kuch khaas aadmi aur Shukla ji ke alawa kisi ko bhi humari shaadi ke baare me pata nahi tha. Magar fir bhi Jishani ko humari shaadi ke baare me pata chala aur vo bokhlaate hue flat par aayi aur tumhe baate suna kar chali gayi. Kyunki uska saara plan bigad chuka tha.
Amrit ne hairaani se pucha : Plan?
Jishàan ne apna sir hilaate hue kaha : Ha. Plan.
Any aur meri shaadi ka plan. Dad ne apne accident se pehle apni will change ki thi. Aur is will ke according shaadi ke baad meri wife yaani tumhare naam 50% property hogi. Aur bachi 50% mere naam.
Jishani aur Saniya ke naam par dad ne kuch nahi chhoda tha.
Yahi vajah thi ki Jishani us model se meri shaadi karva 50% apne naam karvaana chahti thi.
Jishaan ne Amrit se kaha : Jishani ko humari shaadi ke baare me batane wala mera hi ek bodyguard tha. Usase hi Jishani ko humari shaadi ke baare me pata chala. Aur fir Jishani ne Ziya ko humare ghar par nazar rakhne ke liye bheja.
Maine jis tarah ka bhi bartaav tumse kiya jo bhi baate Ziya ki maujoodagi me hui vo sab Jishani jaanti hai. Maine Shukla ji ke kehne par Ziya ke samne tumhare saath bura bartaav kiya kyunki main tumhe apni vajah se kisi musibat me nahi dalna chahta tha.
Amrit Jishaan ki baate sun uski aankho me dekh rahi thi.
Vahi Jishaan ne uske chehre ko apne haatho me le kar kaha : Mera tumse shaadi karna mehaj ek zidd hai. Ye baat un maa beti ke kaano tak pohchaai gayi taaki vo tumhe kuch karne ki koshish na kare.
Par mere behaviour se tum bahot hurt ho gayi.
Isliye main sab chhod un dono se dur tumhe yaha le kar aa gaya.
" Amrit, maine bhale tumhe dhamki di thi. Par maine Amit ko ek kharoch tak nahi pohchaai. Tum fir mujhe chhod kar kahi chali naa jaao is vajah se tumse jabardasti shaadi ki maine. Main itna bura monster bhi nahi hu.
Amrit ne uske aakhri kahe shabdo par gaur kiya, to vo hairaan ho use dekhne lagi.
Vahi Jishaan ne uski naak ko apni naak se sehlaate hue kaha : Main jaanta hu ki tum gusse me mujhe isi naam se pukaarti ho.
Jishaan ki baat sun Amrit sharma gayi. Aur usne Jishaan ke gale lagte hue kaha : Monster Kapur.
Jishaan muskura diya. Aur usne Amrit ko apni baaho me liya to Amrit ne pucha : Aap kuch karte kyu nahi? Kya aap humesha Jishani ke samne mujhse bura bartaav karenge.
Jishaan ne Amrit ke baalo se khelte hue kaha : Nahi. Mujhe Shukla ji ki baato par vishwas nahi tha ki Jishani mujhse nafrat karti hai. Jab unhone ne suna ki main Jishani se tumhe milana chahta hu to unhone mujhse kaha ki main unki baat maanu aur khud apni aankho se Jishani ka asali chehra dekhu.
" Maine phone par hi Jishani ko jhuthi kahani sunaai ki maine tumse shaadi sirf apni zidd ke liye ki hai. Main tumse nafrat karta hu. To vo khush ho gayi. Aur jaisa Shukla ji ne kaha tha usne is baat ko confirm karne ke liye Ziya ko hum dono par nazar rakhne ke liye bheja.
Jishaan ne Amrit ke gaal ko apne haath se sehlaate hue kaha : Aage ho sakta hai ki vo tumhe mere khilaaf use karne ki koshish kare, kyunki uske samne to yahi sach hai ki hum dono ek dusre se nafrat karte hai.
Amrit ne Jishaan ki baato se pareshan ho kar kaha : Par ye aisa kab tak chalega.
Jishaan ne Amrit ko apni baaho me bhar kar kaha : Jab tak dad thik nahi ho jaate. Vo un dono maa beti ka sach sab ke samne nahi laate tab tak. Dad ko isliye maine yaha aane se pehle hi America bhej diya jisase vo jald se jald thik ho sake.
