Subah ke samay Janhvi ki aankh khuli to vo hairaan thi. Vo kal raat aise hi rote rote so gayi thi. Khud ko blanket se cover kar, vo bed par uth kar bethi thi ki apne side ka nazara dekh uski saanse uske gale me atak gayi. Aur usne jaldi se khud ko chilaane se rokne ke liye apne muh par haath rakh liya.
Jeetu shirtless uske side me bed par soya hua tha.
Janhvi ne blanket ke andar jhank kar khud ki halat dekhi aur fir Jeetu ko.
To uska gussa saatve aasman par pohch gaya. Gusse me aankhe laal aur saanse bhari ho gayi. Usne aav dekha na taav aur bas bed par ghum kar apne pairo se Jeetu ko dhakelna shuru kar diya.
Itni mashkat kar usne Jeetu ko akhirkar apne pairo se dhakel kar bed se niche gira diya.
Aur us par chilaa kar kaha : Tum kitne ghatiya insaan ho.
Vahi Jeetu neend me tha Janhvi ki harkat par hadbada gaya par kuch samajh paata, usase pehle ek baar fir bed se niche jaa gira. To is baar vo dard se karah utha.
Jeetu ne dard se apni aankhe bhinch li thi. Magar Janhvi ki awaz sun vo hosh me aaya aur usne bed par blanket me lipti Janhvi ko dekha to vo bhi gusse se bhar gaya.
Vo utha aur usne Janhvi ke pas jaa uske baalo ko apni muthhi me bhinchte hue kaha : Kya tum pagal ho?
Janhvi ne dard se tadapte hue kaha : Aah.. dard ho raha hai mujhe.
Jeetu ne uske baal chhod diye par vo ab bhi use gusse me ghure jaa raha tha.
Vahi Janhvi ne bhi ab us par bhadakte hue kaha : Maine kaha tha na ki main tumhe khud ko chhune nahi dungi. Par fir bhi kitne besharam ho tum. Tumne meri neend me hone ka faida uthaya.
Jeetu ne gusse me kaha : Kya bakwas kar rahi ho? Maine kya kiya?
Janhvi ne gusse me pucha : Kya kiya? Tum is halat me mere saath kya kar rahe the?
Jeetu ne Janhvi ki nazare khud par dekh gusse me kaha : Ye mera bed hai. Mera room hai. Meri marzi. Main kapde pehan kar sou yaa kapde utaar kar.
Jeetu ne Janhvi ke karib jhuk kar uski aankho me dekhte hue kaha : Aur tum khud ko samajhti kya ho? Tum meri beijjati par beijjati karogi aur main fir bhi tumhare paas aaunga. Mera bed hai main yahi par sone wala hu. Tumhe mujhse problem hai to jaa kar dusre room dekh lo apne liye.
Oops! This image does not follow our content guidelines. To continue publishing, please remove it or upload a different image.
Janhvi : To iska matlab tumne mujhe nahi chhuaa..?
Jeetu ko ab Janhvi ki baat sun chidhan mehsus hui par khud ko shant kar usne sakhta awaz me kaha : Nahi.!
Janhvi ne use dekhte hue pucha : Pakka.
Jeetu ne ab Janhvi ko gusse me ghura to Janhvi hadbada kar bed se blanket lapet kar uth gayi.
Vahi Jeetu vo ab apni kamar sehlaate hue fir se bed par let gaya.
Idhar Janhvi ne pure room me idhar udhar nazare daudaate hue ek baar fir use jagaate hue pucha : Mera saman kaha hai?
