ياهللا ببككككم💙
لا تنسون الفوت و الكومنتات لطفاً🩷
بارت قصير لطيف خفيف بمناسبة غيابي ولا تخافون بنزل هالويكند بارت طويل و أحداث❤️🔥
الصباح
-قصر فهد آل غانم-
بعد ما أخذ شاور و لبس ثيابه الي كانت عبارة عن قميص اصفر و شورت ابيض تقدم للتسريحة و عدل شعره بأصابع يدينه بعشوائية
و تعطر من عطره المُفضل ناظر لباب غرفته بعصبية من دخلت عليه افراح بهمجيه و رجع عطره مكانه و
تقدم لها بِغضب:تختبرين صبري انتِ؟
افراح ناظرت لعيونه و الشرار يطلع من عيونها:تدري غناي بتتزوج فهد؟
دايل تنهد بعدم اهميه:وإذا؟ الله يوفقهم
افراح انفعلت عليه:غناي الي أبوها كان يرضى لاصحابه يتعدون عليها بتاخذ التنفيذي و أنا بنت خالتك ما اقدر أقولك كلمتين على بعض إلا و تنفجر فيني
دايل عقد حاجبه و قرب منها يمسكها من رقبتها
و نطق وهو يرص اسنانه:افراح لا تحاولين تخربين عليهم لان والله ما يردني عنك احد والله لا أدفنك حيه
افراح حاولت تفك نفسها منه ولا قدرت
ضغط على انفاسها اكثر:مفهوم؟
هزت راسها بالإجابة بصعوبه لكبحه على انفاسها فكها بِقوة و لف يأخذ شنطته و اغراضه و جواله و خرج من غرفته
قعدت على الأرض تحاول تستجمع انفاسها و تلعنه بين كل نفس تاخذه
نزل دايل من السلم باستعجال و خرجت صدف بوجهه و نطت عليه
انحنى لها دايل: يا صباحي الحلو
تبسمت صدف وهي تقبل خذه
دايل ابتسم لاشعورياً:بعد بوسيني هنا و هنا
اشر لها باصابعه على خده الثاني و عينه
ضحكت صدف و قبلته بالأماكن الي طلبها
دايل تنهد بِحُب:يا بنتي انتِ
شالها بحصنه و خطى خطاه لغرفة الطعام:صباح الخير
أجابوا نواهل و فهد و وصال و طلال و خالد:صباح النور
فهد تبسم:واضح انك متحمس
ضحك دايل:طبعا شاليه و معاك شيء عجيب و عظيم
فهد غمض عيونه بعبط:تسلم يا ولد عمي تسلم
دايل عقد حاجبه و سال جدته:إلا جدي وينه؟
نواهل رفعت كتوفها:والله انت تدري فيه راح للشاليه مع السواقين يضبطونه و يشترون المقاضي هو و رُهُد
صدف مسكت وجه دايل و لفته لجهتها:قلت لهم ابغى أروح معاكم رفضو
دايل رفع حاجبه:افا ما اخذوك ما يستحون أنا الحين أوديك لافضل سوبر بجدة
و قبل خدها
طلال:يا ولدي إذا بتروح خذ صدف و افراح معاك و أنا و أمك و عمك و أم فهد بنجي بسياره وحده و فهد و أمي و اوجان بما انها لسى ما خلصت يلحقونا
أزهار هزت راسها بالنفي:لا خالتي أكيد تبغى تروح مع عيالها تروح معاكم و أنا بروح مع عيالي
نواهل هزت راسها بمعنى مافيه مشكله
دايل كان بنفسه يقول:أخذ أزهار ولا افراح
هز راسه بالاجابه:يلا نتقابل بالشاليه مع السلامه
وصال:انتبه لنفسك
دايل اشر لعيونه:من عيوني ابشري
و خرج من البيت للكراج
صدف حضنته:عمو دايل أبغى ايسكريم
دايل حس بمشاعر الأبوة بداخله و حب هالمشاعر الي تجول فيه و حس بالحنية و الحُب و خاف من يفقدها او يكون ما يستاهلها
بادل صدف حضنها من غير ما ينطق ولا حرف ،و ركب سيارته يتنظر افراح
دقايق و ركبت افراح السيارة:هاي من جديد
دايل شال صدف من حضنه و حطها وراها
و قرب لها يهمس لأفراح:وغير مرحب فيك من جديد
و تنهد و حرك السيارة
