اهلاً الصباح وقتي تعودو عليه🩵🩵🩵🩵🩵
لا تنسون الفوت و الكومنتات لطفًا🩵
اعطو البارت حقه كتبته و أنا شوي و انام عشان تعرفون الحب افعال🩷🩷🥹
الليل
-الشالية-
الامواج هادية و القمره متخبيها بين الغيوم البيضاء و ريحة الكباب على الفحم تملي المكان و صوت ضحكات صدف و رُهُد يسطو على الحديقة الي تجمعهم بمشاركات خفيفة من وصال و استلطاف نواهل لحفيداتها و نظرات فهد الحنونة لهم و كانّه متطمن على رُهُد بينهم و كيف متماسكه و مقتطفات الحكاوي بين طلال و خالد و استشارات فهد لاوجان عن علاقته مع غناي و كيف مايبغى يضيع ثانيه من عمره وهي مو على ذمته ، قامت افراح لدايل الي واقف عند المنقل يقلب الكباب على الفحم بِهدوء
تنهدت وهي تتأمله:بُرهان كلمني
دايل ترك الي بيده و التفت عليها:مين تقصدين؟
رفعت حاجبها:ولد عمي
دايل هز رأسه بخفة:اشبه؟
افراح رفعت يدها لذراعه تضغط عليه:تعال بوريك محادثته معاي
اوجان انتبهت ليد افراح عليه و فزت من مكانها و وقفت تناظر موقف دايل من تصرف افراح، سحب يده دايل من يدينها
و همس لها:افراح ان سمعت انك سويتي شيء غير الي اعرفه عنك بتكونين بأعداد الموتى
و صد عنها يكمل شغله
استفزها بروده و قربت منه:ما غرت عليّ!
طنشها و كمل يقلب الكباب على مهل
اوجان زفرت بغيرة و سحبت جوالها من جيبها ،دخلت على محادثتها مع افراح
و كتبت لها:أشوفك ما جاوبتيني أنا مستعد أخليك تشوفين أبوك لكن تكونين لي!
و قفلت جوالها تنتظر جواب من افراح
بعد ساعتين
كلهم كأنو على طاوله الطعام و يتناولون أكلهم و يتناقشون مواضيع متفاوته بهدوء
كان دايل غمز لابوه و قعد يسوي له حركات بوجهه لفت انطار فهد
نطق بضحك:شفيك يا ولدي لا تكون انحولت و انت تغمز لأبوك اعتقه يا طلال
طلال ضحك:هو يبغى له جلد و تمشي اموره ولا يابو البحر؟
دايل تنحنح و كمل اكله بصمت
و كملو يتناقشون بِهدوء
لفت انتباههم جوال اوجان الي دق فجاة تبسمت اوجان
و نطقت:عليكم بالعافية جعلها دايمه
وصال عقدت حواجبها:ما أكلتي
اوجان هزت راسها بالنفي:لا الحمدلله يكفي
نواهل تبسمت بعبط:شكله الجوال اهم من أكلك
اوجان تبسمت باحراج و لفت تخرج للحديقه ترد
نطقت بهدوء:وش عندك؟
نطق الطرف الآخر:يعني ما اشتقتي لي؟
تنرفزت اوجان و قالت بِحدة:لا تستفزني و اخلص عليّ وش بغيت؟
محمد ببرود:ابغى الملايين وينهم شكلك نسيتيهم حبيت اذكرك
اوجان احتدت ملامحها لدرجة صوتها اصبح يرتفع من غير ما تحس:أنا بصير على ذمة غيرك يا محمد اعقل ولا تتصل فيني متم ما بغيت قلت لك بعطيك بحولهم لك على دفعات لا تزعجني
محمد هز رأسه بالاجابه:ابشري لكن بنصحك نصيحه
سكت ثواني و كمل حكيه:لا تخسرين دايل لأنه شخص عظيم
اوجان حبت تستفزه:أكيد عظيم دامه مو محمد
و قفلت الخط بوجهه تقدمت للساحل و قعدت على الرمل بِهدوء تسمع صوت الموج تستنجد فيه لعله يهديها على سكون الليل وهدوء الأجواء
