اهللللا يا قايز❤️🔥
لا تنسون الفوت و الكومنتززز لطفا💙
مدلعتكم اليوم بالأحداث و طول البارت دلعوني بالدعم✨😋
دخلت اوجان بيت أهلها و سمعت صوت امها يعلى هي و رُهُد و راحت نحوهم بِخوف
ازهار بغضب صراخ:تبغي تكوني نفس أختك جابت بنت و زوجها لعب عليها و همه فلوسها مستحيل أخليك تهدمين حياتك نفسها
رُهُد عقدت حواجبها بضيقة:ماما لا تقارني الزفت محمد برامان رامان شايف خير مو نفس طليق اختي
اوجان وقفت بعيد عنهم من سمعت حكيهم بوضوح
ازهار اخذت كوب المويه الي كان قدامها و رمته على الارض و تناثرت قطع الزجاج بكل مكان و قربت من بنتها بتهديد
و قالت بعصبية:إذا تزوجتي رامان بدمرك يا رُهُد لانه هو مدمرك اساساً
قالت كلامها وخرجت من الصاله اوجان قربت من اختها و حضنتها رُهُد طاحت بحضنها منهارة و دموعها نزلت على خدها
وقالت بانهيار:جد رامان كلم بابا و ماما رفضته لكن أنا ابغاه يا اوجان تكفين
اوجان تنهدت بخفة:رُهُد أنا واثقه برامان مستجيل يخذلك و اساسا رامان وحيد و ما قلت لي انه متربي مع جده
رُهُد قابلت وجه اختها:ايه وماما تقول طمعان بفلوسنا لكن والله هو شايف خير الولد عنده خير ولا هو بحاجه الريال مني
اوجان هزت راسها بأيه:لا تخافين دامك راضيه عنه و تبغينه كلمي بابا وخليك من ماما
رُهُد شهقت بضيقة:ان شاء الله تهدا ماما ما ابغى اخذه من دون رضاها ما أبغى أزعلها ولا أكون غلطانة بحقها و بحق نفسي بعد إذا ما اخدت رامان
و لفت تاخذ جوالها و تخرج لغرفتها
اماً اوجان راحت لامها بالحديقه و قعدت مقابلها
ازهار نزلت رجولها من على الكرسي:نعم خير
اوجان زمت شفايفها:ماما ارجوك تكوني مع رُهُد ولا تخذلينها و تخليها تتحمل قرارها لحالها ولا تزيدها عليها ماما ما ابغى رُهُد تعيش الي عشته معاك لمده خمس سنوات و للحين قاعده أعيش معاك صراع و اكره قعدت البيت بسبب مشاكلنا
ازهار رفعت حواجبها بتعجب:والله وطلع لك لسان يا ست جوج يعني تكرهيني صحصحي يا ماما أنا أمك
اوجان شهقت:ماما فهمتني غلط انتِ ماما و أنا ما عرفت قيمتك إلا ما بعد صرت ام عرفت فعلا معنى الأم و عزيتك اكثر و حبيتك اكثر لكن ارفقي على رُهُد لو سمحتي!
ازهار قربت منها:مالك دخل وبعدين مانتي بتاخذين بيت و تخرجين من هنا استعجلي بالله
و رجعت رجولها على ما كانت ،اوجان عرفت انه الحكي مع امها ضايع قامت بهدوء و دخلت البيت و لمحت فهد طالع لغرفته
نادته بصوت عالي:فهد فهد
لف لها بهدوء:عيوني
اوجان تبسمت بهدوء:وش مسوي اليوم؟
نزل لها فهد و وقف مقابلها:الحمدلله انتِ ما دوامتي اليوم على ما اذكر؟
هزت راسها بايه:ايه ما داومت بس مريت على الشركه
فهد عقد حواجبه:و شفتي الزفت محمد صح؟
رفعت كتوفها:مو موضوعنا خلاص فهد الحين موضوعنا رُهُد جد رامان كلم بابا لكن ماما معارضه عليه و رُهُد انهارت
فهد تآفف:وليه امي معارضه؟
اوجان:تقول ما تبغى رُهُد تغلط غلطتي
فهد:امي اكيد تمقلبنا من طبيعي و انتِ ايش غلطتك بروح اكلمها
اوجان رفعت يدها لكتفه تطبطب عليه خرج فهد لامه و اوجان صعدت لغرفتها
فهد سلم على امه و اخد يدها بحضنه ابتسمت ازهار:كيفك اليوم؟
فهد هز راسه بهدوء:الحمدلله يا حبيبتي كويس و انتِ اخبارك و اخبار البيت؟
ازهار:ما فيه جديد أخواتك و مشاكلهم ابوك وينه؟
فهد رفع حواجبه:ابوي مع عمي وجدي يصتادون سمك تعرفين أجواهم و مواسهم ذي ولا يرجعون إلا الفجر لكن المهم موضوع رُهُد يا حبيبتي رامان أنا ما اعرفه شخصياً لكن دام رُهُد تبغاه خلينا نسأل عنه نشوفه وبعدها نقرر مو على طول نهدم كل شيء بكلمة لا و بعدين القرار بيد رُهُد حنا مالنا علاقه بحياتها فهمتي
ازهار سحبت يدها من حضنه:روح لأخواتك لان واضح محفظينك درسك زين و جاي تسمعه
فهد مسك كتوف امه:لا والله العظيم رُهُد ما تدري بكلامي هذا وبعدين خلينا نشوف رامان و نحكم لان بالنهايه ما بيشمي إلا كلامها بطيبّنا او ولا من دون طيّبنا
و كمل حكيه:فكري زين و رامان وحيد ولا عنده خير جده فكري بحكيي زين ولا تكونين عاقاً بحياتها و فرحها و اوجان مالها علاقه بمحمد و طمعه
و قام تارك ازهار تفكر بحكيه
