صباح الخير🐚
لا تنسوننن الفووووت و الكومنتز بين الفقرات لطفا🩵
بارت طويللل🔥🫦
الصباح -قصر فهد آل غانم-
قامت اوجان على رنين المنبه تنهدت و رفعت ايدها وهي مغمضة عيونها تقفل المنبه
تحسست مكان صدف ولا حصلتها فتحت عيونها و قامت ترفع شعرها المموج و توجهت للحمام تغسل وجهها و تفرش اسنانها
و خرجت ترتب شكلها و ضبطت شعرها و خرجت للصالة تاركة جوالها بالغرفه
شافت صدف بحضن جدتها و ابتسمت:صباح الخير
ردت نواهل بِهدوء:صباح البحر و موجه
قعدت اوجان مقابل جدتها:وين جدي و عمي؟
نواهل:جايين بينزلون يفطرون
اوجان هزت راسها بايه و كانت تبي تسالها عن دايل لكنها سكتت و قامت لغرفتها تلبس جلالها تدري بيدرعم عليها ولا همه
قامت نواهل لطاولة الطعام و اقبل عليها فهد و طلال وقعدو
فهد بركادة:صباح الخير
طلال:صباح الخير يمه
ابتسمت نواهل لهم:صباح الخير يلا افطرو
فهد ناظر بصدف و ابتسم لها:كيفك يا صدف؟
و باس يدها صدف تجاهلته من شافت امها و قامت من حضن نواهل تجري لامها
اوجان شالتها و سلمت على عمها و جدها
فهد بفرحة:ما بغينا نشوفك يا اوجان!
اوجان قعدت جنب جدتها:والله اشغال و انت عارف
ضحك فهد:و هذا الي مخليني اتقاعد هالاشغال وكلت سميي بكل الاشغال و تقاعدت وش احلا ما غير اتمشى ما بين هالسفن و البحور
اوجان رفعت حواجبها:والله فهود مو مقصر شايل الشركة و الله يعطيك العافيه جا وقت راحتك ارتاح
طلال قال بضحك:ابوي مرتاح لدرجة انه مخليني انا و خالد معاه وين ما يترك نروح معاه
فهد لف له:وش احلا من عيالك يصاحبونك بالدنيا و بالاخره ان شاءالله
نواهل تبسمت:ان شاء الله
طلال عقد حواجبه:اوجان ليه لابسه جلالك ما فيه غريب؟
اوجان انعقد لسانها و صرفت الموضوع:عاد ما تدري يا عمي صدف وش كثر مشتاقتلك
طلال اخذ رشفه من قهوته:وانا ميت شوق للحبيبة جدو
وصال صبحت عليهم و جلست جنب زوجها
فهد عقد حواجبه:اقول وصال ولدك ما تدرين وينهو ارضه؟
وصال هزت راسها بالنفي:لا والله مدري ولا منه خبر
اوجان كانت تبي تقولهم انها شافته ولا تبي تدخل نفسها بتحقيق ماله نهايه شربت من عصيرها
وقامت:يالله انا استئذان
نواهل:ما افطرتي يا اوجان بس شربتي كوب عصير!
فهد:على وين يا بنتي ما شبعت منك
اوجان:الا الحمدلله والله شبعت و يا جدي خيرها بغيرها ان شاء الله
صدف ناظرت فيها بزعل:انا ما ابغى اروح معك
اوجان استغربت من ردت فعلها وهمست لها:صدف تعالي الغرفه بنكلم بابا يالله
فهد ناطر فيها:اذا تبي خليها عندنا
وصال تكلمت بسرعة:ايه تكفين اوجان انا لحالي و بطفش تسلينا انا و خالتي
اوجان تنهدت:تمام براحتها اذا تبي تجلس ما عندي مشكله
و اخذتها راحت للغرفه:يالله نكلم بابا
ضحكت صدف وهي تبوس خد امها اوجان اخذت جوالها و رفعت حواجبها من شافت اشعار من اخوها فهد فتحته
و حصلته كاتب(اوجان اتصل عليك محمد؟)
كتبت له بكذب(ايه)ما كانت تبي امها تعرف و تلومها على اختيارها من ست سنوات وهي تلومها و كرهت تجيب طاري محمد قدام امها
و طلعت من محادثته و اتصلت على محمد فيس تايم و اتحمست على حماس بنتها ما رد اول اتصال
ناظرت ببنتها:اكيد مشغول خلينا نتصل مره ثانيه
و اتصلت مره ثانيه ولا رد عليها و اتصلت للمره الثالثة و رد عليها
ابتسمت اوجان:محمد
صدف مسكت الجوال بقوه وهي تبوس شاشته بقوه
محمد تأفف و قال بغضب:وش تبين مو قاعده تحسين انني اتجاهلك ولا ابيك لذي الدرجة انت بدون كرامه!
اوجان انصدمت من حكيه و استغربت من رده لها وهي الي متلفه و مشتاقه له ولا قدرت ترد بكلمه
صدف ناظرت بابوها وقالت:بابا متى تجي؟
محمد تنهد ببرود:اعطي امك الجوال اخلصي
صدف ناظرت بامها و هي ماسكه البكيه و اعطته امها و قامت من جنبها تطلع للحديقة متجاهله نداء امها لها
اوجان عقدت حواجبها بحيره:خير تكلم صدف كذا اشبك محمد؟
محمد عدل جلسته:اسمعني زين يا المهندسة انا ما ابغاك ولا ابغى بنتك الي فرضتيها عليّ انا ما كنت جاهز لكل ذا لكنك انت و اهلك جبرتوني على اشياء انا مو متحمله ولا ابغاها ولا كنت اطمح لها انا ما ابي الف و ادور عليك انا عايفك ولا كنت داري انك رخيصه لذي الدرجة و عديمه كرامه اجل انا يهددني اخوك و يهددني فيك طز فيك و فيه ابعدي عني بهدوء و انا بطلقك على انك انتِ الي طالبه لا تجبريني احرق قلبك على صدف و اخذها منك ولا اخلعيني و اعطيني المهر الي دفعته لوحده ما تستاهل
اوجان كانت تسمع الحكي و تحسها مو بوعيها من قوه ما حكيه قاعد يصدمها:محمد هذا انت الي حبيته و حبني و كنا على الحلوه و المرة انا حتى ما كنت اقدر انفس عليك و انت قاعد تقول اشياء فراغه
محمد قال بحدة؛لا تخليني اعيد كلامي لا تحديني على الردى
اوجان قالت بعصبية:لا والله كل ذا و تقول لا تحديني على الردى محمد اعطيني اسباب بس اسباب؟
محمد:اوجان انا ماحبك و لا بعمري حبيتك و بعترف لك انا تزوجتك عشان فلوسك بس هذا السبب والحين هل بترضين تقعدين على ذمة شخص ما يحبك ولا بعمره أخلص لك انا احب وحده و ابي اتزوجها من قبلك
اوجان اجابته بغصتها و رجفة صوتها:و توك قلت ما تحبني توك تعرف مشاعرك يا حثالة انت ولا شيء بدوني ولا شيء انا الي سويتك و انا الي عدلتك و تقوم تخوني هاه يا ابو بنتي!
محمد ضحك بسخرية:قصدك هي الي خنتك معها انا ما ضريتك حتى عشان كذا كلن يروح بدربه احسن لا تخليني اتمرد و اخذ بنتي من حضنك يا اوجان
اوجان كانت ماسكه بكيتها:اكرهك اكرهك
و قفلت بوجه جوالها بكره:انا الي كنت متلفه عليه اثاريه كارهني
بكت بحسرة و حرقه وهي مو متقبله حكي محمد لها و كنها بحلم و شلون يجرحها بحكيه و يهدم كل مشاعر اشواقها
