اهللللللاااا يا بعدهم كلهم💙💙
لا تنسون الفوت و الكومنتز لطفا❤️
اعذروني عن الغيبة اختبارات و حوسه😔🫂
خرج محمد من المستشفى وهو يتأمل أصابعه الملفوفه بالشاش غمض عيونه بِقهر و ركب سيارته متوجه لبيت دايل
و طول الطريق وهو يرتب حكيه و يمثل دور المظلوم لاجل يكسب اهل دايل بصفه
وقف سيارته قدام الباب و نزل وهو يعيد حكيه براسه و بعد تجهيز من تمثيله دق الجرس بابتسامة خفيفة
أفراح بدلع :تستهبلي غناي اقولك من ليلة العرس ما شفته ولا لمحته الولد ما يعدي للبيت ولا يقرب له صدفه
غناي رفعت حواجبها بعبط:ومستغربه اكيد ما بيقرب له و انتِ فيه
نفثت الدخان بالهواء وهي تسمع حكي غناي الغير مبالي بالنسبة لها
انتبهت لصوت الجرس:غناي أكلمك بعدين شكل صاحب الطاري وصل
غناي تآففت:أفراح الطايش ما يحد طيشه غير البحر!
أفراح سكرت الخط بنرفزه و قامت للباب و رمت سيجارتها من يدها و دهست عليها
تنحنحت وهي تفتح الباب،محمد لما شاف وجهها لف للجهة الثانية بتأفف
أفراح سندت نفسها على الباب:خير؟
محمد بسخرية:الواحد يسلم ولا يمسي!
أفراح تكتفت:هو أنا أعرفك عشان اسلم عليك ولا امسي عليك
محمد ناظر فيها ببرود:أنا خوي دايل ابغى ابوه
افراح هزت راسها بايه:عمي طلال بغرفته إذا تبغاه بناديه لك
محمد عقد حواجبه بعصبية:و أنا قلت أبغاه يعني اكيد بتنادينه
أفراح من غيضها سكرت الباب بوجهه بقوة و راحت تنادي طلال
بعد دقائق خرج طلال عاقد حاجبه لما شاف محمد ارتخت ملامحه
و وقف قدامه بصمت
محمد رفع كتوفه:السلام عليكم
طلال بهدوء:وعليكم السلام وش بغيت!
محمد حط يده على كتف طلال:ادري جيت بوقت متاخر من الليل لكن توني خرجت من المستشفى
طلال ناظر بيد محمد و نزلها بهدوء:عسى خير؟
محمد ناظر حوله و ناظر للحي و رجع أنظاره لطلال:ما بتدخلني بتخلينا نتكلم هنا!
طلال هز راسه شوي:لا حياك
و فتح له الباب دخل محمد و قلطه طلال بالحديقة
-بيت اوجان آل غانم-
كانت ترتب أغراضها وهي كل تفكيرها عند دايل و كيف رفضته لكن ما كان بيدها حيله غير رفضها ما تقدر تظلمه معاها حتى لو كان يكن لها مشاعر مستحيل تصير عقبة بحياته ولا تخيره ولا تسيره إنما تفرض نفسها هي و بنتها بحياته و كنها عنده رأي!
صدف انتبهت لسرحان امها و قامت تقعد بحضنها اوجان حضنت صدف لصدرها و بدت تلاطف وجهها و تبتسم
صدف همست:ماما
اوجان:عمر عمري امريني
صدف زمت شفايفها:ابغى اكلم عمو دايل
اوجان انقلبت ملامحها:ليه؟
صدف رفعت كتوفها:وحشني ابغى اكلمه
اوجان ما قدرت ترفض:ماما لو نكلمه بوقت ثاني الحين آخر الليل ممكن يكون نايم
صدف هزت راسها بالنفي:لا ماما تكفين
اوجان لفت تاخذ جوالها و دقت على دايل كاميرا و حطت الجوال بوجه صدف
وهي سحبت نفسها بعيد لاجل ما توضح ، رد دايل و ابتسم اول ما لمح زول صدف
صدف بضحكة:عمو دايل
دايل رفع حواجبه:صدف كيفك يا ابوي؟
صدف إجابته:بخير وحشتني
دايل ضحك:ياجعله دوم يا بنت الصيادة
و كمل حكيه:ليه مو نايمه للحين؟
صدف قالت ببراءة:لان حنا ببيتنا الجديد شوف عمو
و قامت توريه البيت ،اوجان ضربت راسها بيده بوهقة و قامت تحاول تاخذ الجوال من صدف بدون ما تطلع بالكاميرا
دايل قال بصوت جهوري:اشبها الماما لا يكون بخاطرها شيء علينا!
اوجان تآففت:يالقبطان
دايل رفع حواجبه:سمّي يا الصيادة
اوجان اخذت جوالها من صدف:يلا فافو ودعيه عشان ننام وقت النوم!
صدف قربت الكاميرا تبوسها:مع السلامه عمو دايل
تبسم دايل:فمان الله يا بنت الصيادة
و وجه حكيه لاوجان:وقفي لا تسكرين
اوجان اخذت جوالها و خرجت من الغرفة لاجل صدف ما تسمع
و قالت بغضب:نعم!
دايل ضحك بسخرية:اوجان المفروض أنا ازعل مو انتِ و بعدين انتِ ليه خرجتي من بيت اهلك بيتك لسى ما جهز حتى اثاث ما فيه!
اوجان:كثر خيرك أنا بشوف دبره حنا اشغلناك معانا من فترة
قاطعها دايل:بلاء هالحكي الي ماله فايده اوجان ترا منتي اخر بنت ولا اول بنت ترفض الزواج بلا دراما و تسوين حركات الحساسيه فهمتي أنا خطبتك و انتِ رفضتي تقفلت السالفة نكمل على اساس اننا عيال عمان و قرايب نفس اول
اوجان تبسمت بهدوء:ابشر
دايل بادلها البسمة:تبشرين بالجنة يا الصيادة
اوجان حست انها زادتها عليه الليلة و قالت بتخطيط:شوقي لشامت عينك فاضح
دايل تبسم بخفة:وهي تود ثغرك يحتويها
اوجان ما توقعت رده و قفلت الخط بوجهه
ضحك دايل:أوريك يا الصيادة سمّي بالي يخلي قلبك ماهو لك
