يا اهللللا والله🫂
لا تنسون الفوووت و الكومنتات بين الفقرات لطفااا🩵
جهزو سبككمم و كمان لا تزعلوني منكم و اكتبو لي كومنتاتكم لانها تحفزني و اضحك منها و استفيد و احبها مره🩵🩵🩵🩵😋
الليل-قصر فهد آل غانم-
تنهد دايل وهو نازل من سيارته بعد ما وصل اوجان لبيت اهلها و راح للحديقة يقعد بكرسيه المُعتاد و يحط المخدة ورا راسه و صارت هواجيسه تاخذه يمين و شمال ما بين البحور و يابسته!
قرب منه فهد و بعد مقابله دايل من حس بالشخص حوله فتح عيونه و ناظر بفهد و عدل جلسته
فهد ناظر له:اهلا بالبحار ما شفت من جيت مختفي!
دايل رفع حواجبه:هلا فيك انشغلت بالامور كانت تحتاجني
فهد عقد حواجبه:وش ذا الامور الي تشغل لك و انت ما كان يشغلك إلا هوى البحر عسى هوى المهندسة مو شاغلك؟
دايل فهم مقصده و رجع ظهره لورا وهو يقول:فهد ما بيبني وبينك حاجه عشان كذا اعقل
فهد قال بحدة:انت الي اعقل كيف تتهجم على طليق اختي مين اعطاك الحق تتدافع عنها؟
دايل حكى ببرود:ممكن لانها تكون بنت عمي
فهد احتدت نبرته:قلتها بنت عمي يعني ما تعني لك شيء و الامور الي تحتاجك على قولتك لا تقرب منها عشان ما اقطع هالحاجة من اساسها و خلك على هوى البحر ولا لك علاقة بمحمد حنا نحاسبه اذا اخطى على اوجان
دايل قرب منه و همس:لا تملي عليّ حكاوي فاضية فاهم اوجان بنت عمي واذا تبغى مساعدة بساعدها ولا بنتظر منكم اذن!
فهد عقد حواجبه:امسك نفسك الطايشة بعيده عنا لا تخلي طيشك يتعدى السفن لانك بتتعب يا دايل
دايل ابتسم بسخرية:خل طيشي يتعدى البحر ملت حدود البحر وهي تحده و تعبت امواج البحر منه قالت خليني ارميه للساحل ممكن تقدر له
فهد هز راسه بائس:ما منك فائدة اكلمك بشيء و تكلمي بشيء بس باختصار وخر يا البحار عن اوجان و بنتها
دايل تأفف و رجع ينسدح و غمض عيونه:اقولك لا تملي عليّ حكاويك يا فهود انا ما يتوجه لي أوامر
فهد قام من عند دايل و توجه لسيارته بعصبية ، دايل كمل هواجيسه
فزت وصال على نغمة جوالها شافت ازهار تتصل فيها و تفاجئت لكنها
ردت بِهدوء:السلام عليكم
اجابتها ازهار:وعليكم السلام وصال انا ما ابغى اطول عليك و بختصار لك الحكي لاني ما احب اللف و الدوران امسك ولدك الطايش عن بنتي
وصال عقدت حواجبها بعدم فهم:ازهار وش تقولين؟
ازهار تأففت بالعصبية:اقول انا ما افتكيت من محمد عشان يجيني دايل يعني اخلص من هم و ادخل بهم ثاني
وصال عصبت:كيف تقارنين دايل بمحمد و كيف تسمحين لنفسك تكلميني كذا اول حاجة انا ما اشوف بموضوع اوجان و دايل شيء خطا هم عيال عم و اساسا
ازهار قاطعتها:اقول ولدك هذا تهجم على محمد طليق بنتي انا ما يهمني يتهجم عليه لو يبغى يقطعه لكن لا يقرب من بنتي ذا مجمل اتصالي يا وصال رجعي لولدك البحر هو الوحيد الي بيمسك طيشه و يبعده عنا و عن مشاكله هذا هو امس جا و من اليوم بمشاكله
وصال صارت الارض ماتوسعها من حكي ازهار:ازهار احترمي نفسك رجاء
و قفلت بوجهها وهي تتنهد و تمسح على قلبها خرج طلال من الحمام و من شاف ملامحها الهائجة سحبها للكنبة و جلس مقابلها
و مسح على يدها:خاطرك باين من ملامحك انه متكدر من الي كدره؟
وصال عقدت حواجبها:اتصلت عليّ ازهار قبل شوي و قالت لي امسك ولدك و طيشه عن طريق اوجان
طلال تنهد بخفة:اذا تبغي الصراحة حتى فهد اخو اوجان كلمني و قال لي تكفى يا عم ولدك مشكل خطر بحياة اختي
وصال تكلمت بقهر:هم وش شايفين على دايل عشان يتكلمون عنه بذا الطريقة كنهم يتكلمون عن قاتل متسلسل او عن قاطع طرق او عن متوحش!
طلال طبطب على يدها:هم متعودين على دايل الطايش الي ما يعرف الصح من الخطا ما يدرون انه غربة البحر غيرته و صار يشبه البحر بهدوئه و عمقه
وصال قامت بحدة:بروح اكلمه
طلال وقف قدامها:ايش بتقولين لا تنسين يا وصال انه مستحيل يسمعك بشيء هو مقتنع فيه
وصال تكلمت بقهر:هم خايفين خايفين على اوجان من عشق دايل يا طلال لانهم يدرون لو حبها مستحيل يفرقونهم او يتركها بسهوله هم خايفين على بنتهم من حب ولدنا خايفين على الصدف من ابتلاع البحر لها يا طلال دايل مو زينا يا طلال دايل والله ان حب اوجان ما يكفها إلا وهي زوجته حتى لو ما تحبه المهم هو يحبها انا اعرفه خايفين من ذي النقطة لازم يفهم انه اوجان مو من دروبه حتى لو بنت عمه
طلال مسح على شعرها بهدوء:تمام انا بتكلم معاه بس انتِ لو تكلمتي معاه بذي الطريقة مستحيل يفهمك مستحيل
وصال هزت راسها بايه:يلا الحين تكلمه يلا
طلال راح ياخذ جواله و يتصل لدايل ورد:دايل الحين تجيني ابغاك
و قفل الخط و نزل طلال ينتظر دايل و وصال قعدت بخفة وهي على اعصابها
