#جاموفوبيا
((الجزء الخامس عشر ))
-بعنوان "متاهات_المواجهة"
كتابة : ام امن 🌸
«يا أبا ذَرٍّ ! ألا أدُلُّك على كَنْزٍ من كُنُوزِ الجنةِ ؟ .
قُلتُ : بَلَى . قال : لا حولَ ولا قُوَّةَ إِلَّا بِاللهِ .
الراوي : أبو ذر الغفاري | المحدث : الألباني
المصدر : صحيح الترغيب»
🌸🌸🌸🌸🌸
أغار على ظل الحليلة أن يُرى..
وقولوا إذا شئتم بأني مُعَقّدُ..
إذا لم يغر مرءٌ على عِرض أهلهِ..
فليس له بين الأكارم مَقعدُ.✨
*************
في حوش عيت الناجى >>
تحديدا بدار مروه
هناء خشت ومشت تسلم على مروه...بعد سلام وكلام ودارو غداء كبير حضروه الاقروبن مراعاة لنفسية مروه ..خشت عليها رغد حطت السفره وقاالت
رغد بجديه : شوفي يا مريوه انا نتمنى ربي يجبر بخاطرك ويعوض صبرك ف القصه هذي خير لكن انا نبي نقولك شيء واحد راهو خوي خويا الوحيد ومعندناش غيره ف بالله عليك متخليش يدبس فيك من زمان وانا نقوله لا ما بالك توه بعد سكتت
تفاجأت وخنقتها العبره..تسمع في كلام رغد والأخيرة مستمرة في نفث سمها..وعشان تنهي القصة من قبل ما تبدى : شوفي يا مروه خويا نخاف عليه..ونتمناله حاجه باهيه..نحن عندنا بنية خالنا ايه من الجمال ادب واخلاق ونظافه الله يبارك وفوق هذا يتيمه وصغيره اكبر منك بسنتين بس..هي تحبه من زمان وهو يبادل فيها نفس المشاعر..بس خويا سكتتت
طبست مروه راسها تسمع ومش مصدقه يعني هيا مش حاطه عينها عليه ولا شيء..عليش رغد جايه وتقول في الكلام هذا توه..قاعده تعصر في يديها زي اعتصار قلبها مع كل كلمة تقول فيها مرات خوها
لوت فمها وكملت جلد لمروه : بس خوي بقدر مايحبها..هو انسان رحيم..ومضحي واجد يمكن بعد يشوفك بالحاله هذي ااا
وسكتت..رفعت راسها وشافتلها : يمكن شنو ؟!
قالت رافعه يدها : يعني يمكن..عشان اشرف وقيس يعني عشان خاطرهم ح يلملك موضوعك وياخذك..من باب الشفقه .
غمضت عيونها ويديها يرعشو من العصبيه..يعني معقولة هذا تفكيرها كانت تتوقع اي شيء منها عدا هذا : اطلعي
ناضت وقعدت تشوفلها..مروه خبطت يدها في الساس بغل : عليش مازلتِ قاعده اطلعي
طبست عليها وقربت منها حطت يدها على الشاش الطبي الي مغطي وجه مروه : مروه انا قلت الكلام هذا ع خاطر...((قاعطتهن ونسه ))
ونسه شهقت : عميمه ..قربت منها وحضنتها .."رايفت عليك واجد"
مسحت على ظهر بنت خوها ويدها مزالت ترعش من كلام رغد يعني مش متوقعته خاصة وحزت في خاطرها انه بيشفق عليها وياخذها : حتى انا مرايفه عليك واجد .
YOU ARE READING
جاموفوبيا ((رهاب الزواج))
Romance" والبعض منّا تناله الجاموفوبيا ، ليس لشيء سوى أنه عَلّا منهُ سقف طموحاته قليلاً ، يخيل له أن شريّك حياته سيعوضه عما فقده في بيت اهله، متناسيّ انه لا حب بعد حب والده ووالدته وأشقائه مهما فشلو التعبير ، منتظراً ان يمسح على صدره بقلبه الحاني ، يزيل ا...
