#جاموفوبيا
-الجزء الثالث عشر "2" ||
بعنوان "متاهات وعقد "
كتابة : ام امن 🌸||
**************
عند هناء >
قعدت تشوف لـ هناء..وبنظره جانبيه قالت : شنو يا هناء روحتي ؟
بلعت ريقها بصعوبه ..ويدت تفرك في يديها
حاكمه مش فاهمه شن الي بينهن لعند تكلمت باكره : معليش يا هناء متزعليش ديما تصير بين الراجل ومرته قصة الحلفان هذي
عقدت حاكمه حواجبها : حلفان شن ؟
استندت ع الكنبه :يعني هنا مقالتلكش حسين حلف عليها بالطلاق !!
حاكمه مصدومة..واسماء تفرج مش متوقعة اللقطة هذي من باكره نهله وسلفات هناء كل حد كان مصدوم لان الكلمة غير متوقعه..يعني على غير المعتاد .
هناء بتكلم امها حطت يدها على يد هناء وضحكت باحراج ممزوج بالقهر : اسكتي.
هناء نفخت وناضت : هيا يا امى معايا نوريك الشقه .
حاكمه فنصت في بنتها..وهناء مش فاهم باكره بغضب : توه وقت توريها الشقه وتعرضيلها حاجاتك ؟!
كملت بحده : امك جايه تساول ولا تفرج على الحوش
حاكمه بضيق : خلاص يا هناء اقعدي
وتلفتت على باكره : معليش يا باكره حقك عليا هيا مازالت صغيرة ومش فاهمه كل حاجه .
رفعت اصبعها : هذي الطبطبة ع البنات الايام هذي تخليها مرخيه وماتفهم حتى بحاجه .
وتلفتت على رغد اشرت عليها : حتى هذي كانت زيها لكن انا علمتها الحاجات الي مش متعلمتهن في حوش هلها .
رغد انصدمت وتضايقت..وشافت ل هناء لقتها متضايقه زيها وتوه كيف حست باحساسها وبشاعة الموقف
بعد نقاش حاد..استمر ساعة وربعه لبعد العشاء بالضبط لعند رن هاتفها ومشت..لحقتها بنتها
: معليش يا امي سامحيني حطيتك ف موقف بايخ
تنهدت : انت الي سامحيني الباين مرات عمك هذي ياما بيجيك منها الله يربحك مشي عشان خاطري وخاطر باتك..ما نبو معاهم مشاكل سايسيها بالك تكسبيها
هناء بحيره : يستر الله..سلميلي على طارق واجد وقوليله معاش يتناقش مع سعد لان النقاش معاه عقيم..وقوليله يسامحني تعبته معايا امس واليوم
: يوصل ان شاء الله ردي بالك من عجوزك وراجلك
: ان شاء الله
طلعت امها ومشت لقت سعد يستنى فيها ورجعو لمنطقتهم.
اما هناء ف خشت جوه وقعدت تعاون في البنات..وهما يحلفو عشان حنتها لكن مش فارقه معاها .
YOU ARE READING
جاموفوبيا ((رهاب الزواج))
Romance" والبعض منّا تناله الجاموفوبيا ، ليس لشيء سوى أنه عَلّا منهُ سقف طموحاته قليلاً ، يخيل له أن شريّك حياته سيعوضه عما فقده في بيت اهله، متناسيّ انه لا حب بعد حب والده ووالدته وأشقائه مهما فشلو التعبير ، منتظراً ان يمسح على صدره بقلبه الحاني ، يزيل ا...
