جاموفوبيا ((رهاب الزواج))

"2"

#جاموفوبيا ((رهاب الزواج ))

-((الجزء الثاني))

(( تحت عنوان "عُقد"))

كتابة > ام امن

تتعثر خطواتي ، اسقط تارة وانهض تارة اخرى لكن النهوض يكلف يكلف كثيراً

لايك قبل 🤍✨

🌸🌸🌸🌸🌸
**********

عند فريدة >

قاعدة ومعاها رؤى طق الباب شافن لـ بعضهن..ناضت رؤى بتشوف منو..اما فريدة عقدت حواجبها مستغربه..وقالت مخمنة

فريدة : اكيده هذا سعد

رؤى : توه نشوفه بالك هلى

مشت رؤى وخذت وشاح لفاته ع راسها وفتحت الباب لقت قدامها طارق:خير

رؤى: خيرات طارق

طارق : قولي ل فريدة يلا

: اه خش قبل فريدة جوه

ابتسم ...مفيش داعي

هلك روحو ؟!

: لا قاعدة بروحي

: بايتين برا ؟!

: لا لا كمال احتمال مروح

فريدة لبست زي المدرسة ...وزرداته ...وطلعت عليه : طارق

بنظرة لوم : فريدة ليش ماقلتي قبل ماتطلعي انك بطولي

حكت راسها فتدخلت رؤى : مش منها انا جيتها قلتلها هلي مش قاعدين تجي تقعدي معايا قالت باهي ومقدرتش نتصل بيكم لان شفرتي جديدة

بشك شاف ل رؤى وبعدين غير عيونه لاخته " باهي باهي "

كمل كلامه : هلك بايتين برا والا شنو ؟

رؤى : اها بايتين برا ماما عندها ولد خالها توفى

: لا اله الا الله عظم الله اجركم

: اجرك عظيم

طارق حك راسه : معناها متباتيش بروحك هيا معانا

شافت لـ فريدة وفريدة شافتلها ...باهي نشوف كمال ونرد عليك

: هيا على ما ركبت ولحقتني

: تمام

طلع طارق وطبقت فريدة الباب وعيونها على رؤى "ريتي طارق !!"

عقدة حواجبها "كنه "

بشك : ميبيكش تقعدي بروحك ؟؟

رفعت كتافها بعدم مبالاة : عادي ولد عم خايف على بنت عمه

توه احمدي ربي ما عرفوك طالعه متغديه برا من وراهم كان هذا الليلة سهريتك !!

بفزع : فال الله ولا فالك يا بارده

ضحكت رؤى : انا ماشيه توه نكلم كمال

خشن رؤى وفريدة فاتت كل هالموضوع وخذت شنطتها وطلعت