#جاموفوبيا((رهاب الزواج))
- (( الجزء الثالث عشر "1"))
-((بعنوان "متاهات وعقد"))
كتابة : ام امن 🌸
ولولا اللُّجوء إلى اللّٰهِ ثم أكناف الدعاء, لكُنَّا كقشَّةٍ تتخبَّط في رياحِ الأيَّام وتقلُّباتها , ولكننا نلوذُ إلى بابِ اللّٰهِ فنجد الأمان والطمأنينة والسَّلوى, التي تَعلو على كل هَمّ فالحمدلله
🌸🌸🌸🌸🌸🌸🌸
(( في الجزء السابق )) ❤️👇🏻
في حوش عيت أحمد >>
طلع عليه طارق : شن في كنك !
: هناء وين !
عقد حواجبه : كيف وين هناء في حوش
راجلها قرب منه ورفع اصبعه قال : مش قاعده الراجل كلمني توه مش قاعده اختك قالو انت جيت خذيتها
رفع يديه : ابداً ولا هالكلام صار !
شافله ..تمام
ومشى ناحية داره فتحها لقاها مقفوله شك فيه : عليش قافلها !
رفع حاجبه : خصوصية
بشك ..يشوفله : افتحها توه ترا
تعصب منه..واستفزه سعد : مش فاتح..قتلك هناء مش هنا !
سعد قرب منه ..وبقهر قال : مش بجوك هيا ..ماشي جايبها من ثاني يوم شن بيقولو العرب عنها ؟!
ضيق عيونه وادرك وقت طلع الفجر طارق وين مشى : ااه قصدك مشيت في الفجر للبيضاء جبتها !
في الفجر مشيت معقولة !
تضايق : والله ميهمنيش يا سعد ..مدامها اختي كلمتني انا بنمشيلها لو ف اخر الدنيا .
سعد يصفق في يديه بغضب : براوه براوه..يعني تمشي فيك الفرخة هناء
كيف ما تبي صح! وانت دلدول تهز في راسك.
ضغط على أسنانه وقال محاول محاورته وإقناعه : سعد راهو خواتنا البنات معندهنش غيرنا ولا نحن عندنا غيرهن..لو بوي زمان خلاك المسؤول عنهن هذا كله لـ سبب واحد انه كان مايقعد ابدا بس توه موجود وانت درت حوش ودرت عيلة الهى بيهم وخلى خواتك عنك .
رفع يديه : ماهو حتى باتك زمان كان نفس تفكيرك مخلى خواته على راحتهن هذا عليش ما جن تحت طوعه وحاصصنه في الورث .
رفع حاجبه : مش من حقهن ولا كيف ياخذن
بغضب : مش من حقهن..مازال غير البرانية ياخذو حوش جدك وعماتك يلاطعن بوك في المحاكم عشان يحطن شقى عمامك بيدين البرانية
اسمع انا خواتى نعطيهن لرجاله مُقتدرين..عندهم بيش ياكلو يشربو..وعندهم كلمة وشورعليهن زي حسين قبل تخافه هناء لكن انت مدامك وراها والبنت راسها بييبس اكثر واكثر وحسين معاش يعرف كيف يربيها
متفاجئة كانت تسمع وترجف من التوتر والعصبية فتحت الباب وطلعت عليه : هذا تفكيرك يا سعد
انت خايف بس يجي يوم وناخذ من رزق بوي !!
معقوله تفكر في القسمة وبوك حي !!
قرب منها بسرعه شده طارق : انت يا بنت الحرام ..عليش جايه عليش اه مش عطيتك لراجل يوكلك ويشربك خلاص شن تبي ولا هوا عار زايد .
أنت تقرأ
جاموفوبيا ((رهاب الزواج))
Romanceرواية ليبية إجتماعية رومانسية تتكلم عن بنت أسمها هناء عندها فوبيا الزواج..يغصبها خوها تتزوج شريكة في العمل..شن يصير مع البنت هذي بعدين!!! هذا الي ح تعرفوه خلال الأجزاءً🧩✨
