ကျောင်းပိတ်ရက်...
သည်ကနေ့ ဝသန်မိုးက ကျွန်တော့်ကို လယ်ကွင်းတွေဆီနှင့် မြစ်ကမ်းစပ်ဘက် လိုက်ပြမည်ဟုပြောထားသည်။ လင်းထက်နေခြည်ကတော့ နေပူမည်ကြောင့်မလိုက်ချင်။ ထို့ကြောင့် ကျွန်တော်နှင့် ဝသန် နှစ်ယောက်ထဲထွက်ခဲ့ကြသည်။
" ဝသန် ရွာမှာ စျေးမတွေ့မိဘူးနော် "
" ဟုတ်တယ်ဗျ ကျုပ်တို့ရွာမှာကစျေးမရှိဘူး လိုအပ်တာရှိရင် တာရိုးဘက်ကိုသွားတဲ့သူတွေကိုမှာလိုက်ရတာ "
"......."
" ဟင်းချက်စရာအတွက်ကတော့ ရွာပြင်မှာ လယ်ယာ စိုက်ခင်းတွေရှိတယ်လေ အဲ့ကရကြတာဗျ အခုတောင်ဆရာလေးကို မင်းနန္ဒတို့လယ်ထဲကိုလိုက်ပြပေးမယ် "
ဟုတ်ပါသည် ငရုတ်၊ ဖရုံ၊ ဘူး၊ ခရမ်းချဥ်သီး စသည်တို့ကိုရွာရှိ လယ်ကွင်းတွေထဲမှရနိုင်လေသည်။ စပါးစိုက်ခင်းများရှိသောကြောင့် ဆန်လဲမရှားပေ။ ဧရာဝတီမြစ်နှင့်နီးသောကြောင့် အသားမပါမှာလဲမပူရပေ။
" နှစ်ယောက်ထဲရှိတာဘဲဗျာ ဆရာလေးတွေဘာတွေလုပ်မနေပါနဲ့ ရင်းရင်းနှီးနှီးခေါ်ပါဗျာ "
" ဒါဆိုလဲ လင်းလတ် လို့ခေါ်ပါ့မယ် "
ရွာလယ်လမ်းမကြီးအကျော် တစ်အိမ်တည်းထီးထီးကြီးရှိနေသော မင်းနန္ဒတို့အိမ်အားတွေ့ရသည်။ ထို့နောက် ရွာအဝင်လမ်းသို့ရောက်ခဲ့ကြသည်။
ရွှေဝါရောင်စပါးခင်းများ၊ လယ်ကွင်းယာကွင်းများ၊စပါးကွင်းထဲ၌ စပါးရိတ်နေသော လူများကိုလည်းလှမ်းမြင်နေရသည်ပင်။ ထိုသို့စပါးခင်းအကျယ်ကြီးများကို လင်းလတ်ရောင်မမြင်ဖူးပါ။ မန္တလေးမြို့မှာ စပါးခင်းတွေမြင်ရဖို့ အလွန်ခက်ခဲသည်လေ။ မြို့အပြင် အတော်အလှမ်းဝေးတဲ့နေရာများတွင်သာ မြင်ရတတ်သည်။
" ကျုပ် လင်းလတ်ကို မင်းနန္ဒတို့လယ်ထဲခေါ်သွားပေးမယ် "
ထိုသို့ပြောကာ လယ်ကွက်တွေထဲသို့ဦးဆောင်ခေါ်သွားသောသူကြောင့် အနောက်မှလိုက်ခဲ့ရသည်ပင်။စပါးခင်းတွေထဲ ဖြတ်သွားသော ဝသန်အနောက်ကို မနည်းမှီအောင်လိုက်ရသည်။
STAI LEGGENDO
မောင် ( သို့မဟုတ် ) နွံတစ်ခု
Saggisticaမိုက်ရူးရဲဆန်စွာ မောင်ဆိုသည့် နွံတစ်ခုမှာ ကျွန်တော်ဟာ ပျော်ပျော်ရွှင်ရွှင် နစ်ဝင်ခဲ့မိသည်။ #လင်းလတ်ရောင် မိုက္႐ူးရဲဆန္စြာ ေမာင္ဆိုသည့္ ႏြံတစ္ခုမွာ ကြၽန္ေတာ္ဟာ ေပ်ာ္ေပ်ာ္႐ႊင္႐ႊင္ နစ္ဝင္ခဲ့မိသည္။ #လင္းလတ္ေရာင္
