"မင်းဆီကအတန်းရှင်းရချင်ရုံသက်သက်နဲ့လျှောက်ပြောခဲ့တာကိုယုံနေခဲ့တာလား...တို့ဘယ်လိုလုပ်ရမလဲ..အခုမှတကယ်ညှို့တတ်ချင်သွားတာ...ဒါမှ မင်းအခြားသူတွေကိုလုံးဝမမြင်ဘဲ တို့မှတို့ဖြစ်နေအောင်လုပ်ပစ်လိုက်မှာ...မင်းမျက်လုံးထဲမှာ တို့ကလွဲပြီးဘယ်မိန်းမ၊ဘယ်ယောက်ျားကိုမှ မမြင်တော့ဘူးလေ..ဘယ်လောက်ကောင်းမလဲ"
"အခုလည်း ရှင်ကလွဲပြီး ဘယ်မိန်းမ၊ဘယ်ယောက်ျားကိုမှ မမြင်တာ ရှင်မသိဘူးလား"
"ဒါဆိုခုနတုန်းက ဘာလို့ဟိုကောင်လေးကိုအရေးတယူစကားပြောနေသေးလဲ"
"ကျွန်မကဒီအတိုင်းပဲ ပြောလိုက်တာပါ..အရေးတယူပြောမိတာမဟုတ်ပါဘူး..ပြီးတော့ သူကရှင့်ဧည့်သည်လေ...ကျွန်မနဲ့ကသိတောင်သိတာမဟုတ်ဘူး"
သူ့ဆီကသက်ပြင်းချသံကိုကြားလိုက်ရသည်။
"ဆွေး..တို့မင်းအပေါ်မှာသဝန်တိုလွန်းရင် စိတ်ပျက်သွားမှာလား..အဲ့လိုမျိုးတို့ကြောက်မိတယ်ကွယ်"
"ဟင့်အင်..စိတ်မပျက်ပါဘူးရှင်ရဲ့..ကျွန်မကသဘောကျနေမှာ..ရှင့်လိုမိန်းမတစ်ယောက်ဆီက သဝန်တိုခံရတာပဲဟာ ကျွန်မအနေနဲ့ ဘာများမနှစ်သက်စရာရှိမှာလဲ...ကျွန်မကဂုဏ်တောင်ယူရဦးမှာ"
"ဒါဆိုရင် ခုနကကောင်လေးနဲ့မပတ်သတ်နဲ့ကွယ်..တို့သဝန်တိုတယ်..ပြီးတော့ အဲ့ဒီကောင်လေးမျက်လုံးတွေကိုတို့မကြိုက်ဘူး..တစ်ချိန်လုံးမင်းဆီမှာပဲ တဝဲလည်လည်လုပ်နေတာမုန်းစရာပဲ..မင်းကိုတို့အပိုင်ကောင်မလေးမှန်းသိအောင်တော့ပြောထားမှရတော့မယ်ထင်တယ်"
ဒီမိန်းမကိုချစ်လွန်းလို့ဘယ်လိုလုပ်ရပါ့မလဲ။
သူ့အပြောတွေကိုသဘောကျလွန်းလို့ရူးေတာ့မှာပဲ။နှလုံးသားထဲမှာသာေသာ့ခတ်ပြီးသိမ်းထားလိုက်ချင်မိရဲ့။
"ရှင်လည်း ဟိုလူနဲ့မပတ်သက်နဲ့ ..ကျွန်မလည်းသဝန်တိုတတ်တယ် သိရဲ့လား"
"တို့ကိုတော့ သဝန်တိုမနေပါနဲ့ကောင်မလေးရဲ့..တို့ကသူ့ကိုစိတ်မဝင်စားလို့ဘဲ မင်းကိုရည်းစားတော်ခဲ့တာလေ..မဟုတ်ဘူးလား..ဒီမိန်းမရဲ့စိတ်တွေကို အပိုင်စားရထားတာ..ဟောဒီက ဆွေးဆိုတဲ့
ကောင်မလေးပဲဆိုတာမှတ်ထားပေး"
YOU ARE READING
ရှင့်ကို ချစ်တယ်
Romanceသိပ်ချစ်တာပဲ ရှင်ရယ်.... ရှင့်ရဲ့ မျက်ဝန်းညိုလေးတွေကိုသိပ်ချစ်တာပဲ ရှင့်ရဲ့စကားပြောဟန်လေးကို သိပ်ချစ်တာပဲ ရှင့်ရဲ့အမူအရာလေးတွေကိုသိပ်ချစ်တာပဲ နှလုံးသားမှာနှစ်ဝင်သွားတဲ့ ဆူးတစ်ချောင်းဟာ ရှင်ပါပဲ ရှင်ရယ် .. ရှင့်ကိုလေ သိပ်ချစ်တာပဲ...သိပ်ချစ်မိတာပဲရှင...
အပိုင်း(၁၃)
Start from the beginning
