Unicode
"မမ မေမေဘယ်သွားလဲ"
"ဟိုဘက်အိမ်နေမှာပေါ့"
"မမ"
" "
မမကဘာမှပြန်မထူး။
"မမလို့"
"ဘာတုန်းလရိပ်..ပြောစရာရှိရင်တစ်ခါတည်းပြောပါလား"
"နင်ကမှ စိတ်မရှည်သလိုလုပ်နေတာကို ငါဘယ်လိုပြောရမှာတုန်း"
"ဘာတုန်း ပြောစရာရှိတာမြန်မြန်ပြော"
မမကအင်္ကျီစကို ကပ်ကြေးဖြင့်ညှပ်ရင်း
ဆွေးကိုမော့ကြည့်ကာပြောလာသည်။
"အစ်မ ဒီရေလှိုင်းမှာရည်းစားရှိလား"
"နင်ကဘာလုပ်မလို့တုန်း"
"ဘာမှမလုပ်ပါဘူး..ဒီအတိုင်းသိချင်လို့"
"မရှိဘူး"
မမကခပ်ပြတ်ပြတ်ပဲပြန်ပြော၏။
"သူကstraightလား..."
မမကကိုယ့်ကို အံ့ဩတကြီးမော့ကြည့်လာ၏။
ဆွေးလည်း မနေတတ်စွာ လက်နှစ်ဖက်ကိုအချင်းချင်းပွတ်တိုက်နေမိသည်။
"နင်ကဘာလုပ်မလို့တုန်း"
"ဘာမှမလုပ်ပါဘူး"
"နင် လှိုင်းကိုများ.."
"ဟာ..မဟုတ်ပါဘူး..မမပြောသလိုမဟုတ်ဘူးနော်"
မမစကားမဆုံးသေးခင်ဖြတ်ပြောလိုက်ရ၏။မမဘာစကားပြောမယ်ဆိုတာလည်း ဆွေးခန့်မှန်းမိနေတာကို။
"ဟုတ်လို့လည်းမရဘူးနော်လရိပ်..နင့်ဘာသာ မိန်းကလေးပဲကြိုက်ကြိုက်ယောက်ျားလေးပဲကြိုက်ကြိုက် လှိုင်းကိုတော့ကြိုက်လို့မရဘူး"
'ဘာလို့လဲ'ဆိုပြီးပြန်မေးချင်ပေမဲ့ မမေးလိုက်မိပါ။အဲ့လိုသာ မေးလိုက်ရင် သူ့ကိုကြိုက်နေပါတယ်ဆိုတဲ့ အဓိပ္ပာယ်ဖြစ်သွားနိုင်သည်။
အဲ့ဒီစကားအစား ထိုသို့သာမေးလိုက်သည်။
"သူက အဲ့လိုတွေလက်မခံဘူးလား"
"အင်း ခါးခါးသီးသီးပဲ"
"ဪ"
"လှိုင်းကို တက္ကသိုလ်ဒုတိယနှစ်မှာ ငါတို့အခန်းထဲကကောင်မလေးက သဘောကျနေတာလေ..လှိုင်းကို သူကဖွင့်ပြောတော့ လှိုင်းဆီကရက်ရက်စက်စက်တုံ့ပြန်မှုရခဲ့တာ"
YOU ARE READING
ရှင့်ကို ချစ်တယ်
Romanceသိပ်ချစ်တာပဲ ရှင်ရယ်.... ရှင့်ရဲ့ မျက်ဝန်းညိုလေးတွေကိုသိပ်ချစ်တာပဲ ရှင့်ရဲ့စကားပြောဟန်လေးကို သိပ်ချစ်တာပဲ ရှင့်ရဲ့အမူအရာလေးတွေကိုသိပ်ချစ်တာပဲ နှလုံးသားမှာနှစ်ဝင်သွားတဲ့ ဆူးတစ်ချောင်းဟာ ရှင်ပါပဲ ရှင်ရယ် .. ရှင့်ကိုလေ သိပ်ချစ်တာပဲ...သိပ်ချစ်မိတာပဲရှင...
