ليت البحرين تجمع ثنين صدفه

Part33

سفانه: انت قلتها اهلي ، وبكيفي مابي اسلم عليهم
سلمان : بس حنا مسافرين لازم تسلمين عليهم
سفانه: امس شايفتهم
سلمان: عنييده !!!
سفانه: اي عنيده روح لحالك
سلمان: ظفي اغراضك
سفانه: وين بنروح
سلمان: الشقه انتي وجه فنادق ماتستاهلين
سفانه : ترا انت الي جبتني هنا
سلمان: لايكثر
سفانه: تكلم باسلوب!
سلمان : انتي الأسلوب ماينفع معك
سفانه: اساسا ماعندك اسلوب حتى
سلمان: مالوم اهلك لما حذروني اني اخذك
سكتت وجلست على السرير مصدومه اهلها يحذرون رجال من بنتهم وماتخفي انه جرحها
تجاهلها

وعد : انس
انس : ادخلي
وعد : بكلمك
عبدالله: طرده
وعد : افهمها
انس : عن الخطبه ؟
وعد : ايه
انس : قولي
وعد : استخرت  وارتحت بس احس مو مقتنعه
انس : ليه
وعد : مدري احس اني صغيره ومابي اتزوج
عبدالله: الحين سفانه البزر تزوجت وش عاد إنتي يالعجوز
وعد : وانا شدخلني بسفانه !
انس : فكري وعد تكفين
وعد : بفكر بس مبدئيا مو موافقه
عبدالله: لاتقولين لامي وابوي شي قولي للحين افكر
وعد : تتمام
طلع عبدالله
نزل تحت متوجهه للحوش
لمح حنان مع واحد
بدا يعرف ملامحه
عبدالله بداخله : هذا فهد ولا عيوني فيها شي
ماكان قادر يسمع الي بينهم كانو مخفضين صوتهم
تنرفز منها واقفه تسولف برا البيت الظهر بصوت خافت !
تقدم بعصبيه
عبدالله: وش جالسين تسوون !
فهد: هلا عبدالله كيف الحال
عبدالله: وش الموضوع الي بينكم
فهد بنيه مزح : موضوع خاااص
حنان: لا بس ..
فهد : موضوع خاص حنان !!
عبدالله: وش الي موضوع خاص وش بينك وبينننها !
فهد : لاترفع صوتك
عبدالله: الا برفعه وش الي موضوع خاص وين قاعدين حنا !
فهد : وانت شدخلك موضوع بيني وبينها لاتتدخل
عبدالله: الا بتدخل هي ....
حنان بمقاطعة : اخوي هو بحسبه اخوي وخاف بيني وبينك شي ، عبدالله ! فهد يمزح كنا نسولف عن الجامعة لانو انا وفهد نفس التخصص
فهد: للييش قلتي اول مره يظبط مقلب معي
عبدالله: تكذبون علي انتو ! طفل انا اصدق
حنان : عبدالله قسم بالله مابينا شي بس كلمتني فهده
انزل لها فوطه ومنشفه لانها كبت القهوه ونرلتهم لها وكان فهد تحت واخذتنا السوالف وفهده بسياره برا
فهد : انتي تبررين ليه ! ليش لازم يصدقك بقلعته لايصدق
عبدالله : وانت شدخلك تبرر لي ولا لا
اشتد بينهم الكلام والموضوع بدا يقلب جد
طلع انس لهم
انس : شفيكم تصارخون
فهد : امسك اخوك !
انس : وش فيكم عبدالله شسالفه
دخلت فهده وكان معها منشفه ومناديل ومتقروشه
فهده : فهد ترا نظفتها ، افف توبه اشرب قهوه
انس : احد يفهمني
فهده : شفيكم
مشت حنان ورقت غرفتها
فهد : اذا خلصتي دقي علي
فهده: مو على اساس بتتغدا هنا !
فهده : قلتيها على اساس
طلع فهد وركب سيارته ومشى
رقا عبدالله
فهده: شفيهم
انس : مدري نزلت وفهد وعبدالله يصرخون شكلهم اشتدو بالكلام شوي
فهده : مراهقين ذولا !
انس : شفتي انا اعقلهم
فهده : اي والله
انس : بتوقفين بالشمس ادخلي
فهده: يلا
دخلت فهده وجلسو بالكنب
فهده : جاين بدري حنا ؟
انس : لا ليه
فهده : وينهم
انس : تعرفين حوسه بعد امس ونصهم سهرانين ومانامو بس البيت بيتك تبين تنامين سوي الي تبينه
ابتسمت فهده ومسكت جوالها

عبدالله بهمس : اففتحي بسرعه لاحد يجي ، ادري انك تسمعيني افتحي
حنان: مارح افتح
عبدالله: وش الحركات ذي الحين المفروض مستانسه اني اغار عليك ومابي احد يكلمك مو تزعلين
حنان: بزر انا وش تشك فيني!!
فهده: شفيك عبدالله
عبدالله: لا بس ناسي شاحني عند حنان
فتحت الباب
حنان: رجعته
دخلت فهده وقفلت الباب بوجه عبدالله
فهده : شفيك معصبه
حنان: مافيني شي
فهده: تعرفين شي عن سفانه
حنان: لا
فهده: تحسين زعلانه مني عشاني ماجيت امس ؟
حنان: على اساس تدري من كان فيه تحت

فتحت عيونها بوجهه فارس
نجلاء: بسم لله جاثوم
فارس: يمه ! بدال ماتقولين ملاك
نجلاء: انا ببدا اقفل باب الغرفه امسي عليك واصبح عليك وش تبي !
فارس: الليوم تكلمين حنان
تفلت نجلاء على فارس
فارس : عسل عسل
نجلاء : مقومني من نومي عشانها انقللع لابارك الله فيك وفيها
فارس : يمه اني فيني غصصه محد يقدر ينزلها الا هي طلبببتك بس قوليلها اني بخطبها واذا وافقت تقدمت لها رسمي ، انا تعبت وانا اشوفها كل يوم ومدري هي بتكون من نصيبي ولا لا
انكسر خاطرها عليها
نجلاء: خلاص اكلمها
فارس: كذااابه .... اقصصد منجدك. ؟؟؟؟؟
نجلاء: اي بس اطلع بنام
تقدم لامه وباسها على راسها وطلع

تسريع للأحداث
الساعه 10 بليل
نجلاء: قوليلها تعالي الغرفه وبس
شوق: للليش طيب
نجلاء: يااربي الحين طول عمري اقول انتي اعقلهم تصيرين اخبلهم
شوق: والله انتي الي طول عمرك ماتبيني اجلس معها الحين تبيني اناديها غرفتي
نجلاء: الحين تسوين الي قلت ولا والله تنقلعين عند ابوك ومالك رجعه هنا
شوق: ااا انشاءالله
.
.
طلعت شوق لحنان
شوق: حنان تعالي عندي شوي
حنان: ليش
شوق : بوريك كم شي
حنان باستغراب: تمام ؟
راحت معها ودخلو الغرفه
جلست شوق تسولف مع حنان قاطعهم دخول نجلاء
حنان: عن اذنكم انا بطلع
نجلاء: اجلسي ، شوق برا
شوق: لليه
عطتها نجلاء نظره
وطلعت
حنان : في شي ؟

نزلت بارت قصير بس عشان ما اقطع .
الجمعه مافي بارتات ، كل ماخلصت بارت بنزله
الحين مشغولة عيد وطلعات. ماعندي وقت اكتب بس انشاءالله اعوضكم 💓