المغرب
دخلت الحمام اخذت شاور ، طلعت فستان حرير ذهبي توب ضيق ، سوت ميكب ثقيل وروج احمر
حطت جل على شعرها ورجعته على ورا لبست كعب عاالي وحطت عطر ثقيل
فايز : شويات ويجي الشيخ وين العيال
عبدالله : موب موجودين
فايز : وشلون موب موجودين وين راحو
عبدالله: مشاري يقول اذا خلصو برجع وسلطان طالع من امس ومايرد علي
فايز: عسا مافيه شي
عبدالله : لا لا مافيه شي بس مايبي يرد سألت العيال وهو بالاستراحة
فايز : اي زين
الكل كان لابس شي بسيط وكانو الحريم مجتمعين بالصاله والرجال كانو بالصالة الثانيه مع الشيخ
مريم : وين سفانه
حنان: اناديها
لمياء: انا بروح
رقت لمياء
وشافت سفانه
لمياء: منجدك
سفانه : وش
لمياء: بتنزلين بذا الشكل ؟
سفانه: كيف تبيني انزل
لمياء: ذا اللبس تلبسينه بغرفتك مو قدام ابوي واخواني وعيال عمي !
سفانه: انا كيفي محد له كلمه علي
لمياء: مصدقه نفسك ترا غيري الي عليك وانزلي ولا حطي شي على كتوفك ولا البسي عبايه تصرفي
لبست سكارف وحطته على كتوفها
ونزلت
كتبو عقد القرآن
وخلصو
مريم : سفانه
سفانه: هم
مريم : طلعو الرجال روحي اقعدي مع سلمان بالمجلس
سفانه: مابي
مريم : وشو الي ماتبين بترفعين ظغطي انتي !
سفانه: يكفي بقابله طول العمر تبيني اجلس معاه الحين بعد ، انا كيفي محد له دخل فيني
اثير بهمس : وش الملكه ذي الي محد طايق الثاني
وعد : ماودك تنطمين
اثير : الحين هم قالو بيسون لها حفله وين الحفله ماشوف شي حتى كراتين الحلا محد فتحها
وعد : اذا مشتهيتها هالكثر قومي وزعي وخوذي
اثير: تبين يرمونه بوجهي كلهم منفسين
وعد : اصلا بنطلع بعد شوي
اثير: احلفي وين
وعد : بس خل يطلعون طيور الحب وحنا نروح الى الليل ، وش يجلسنا
اثير: اتخيل شكلك مكانها وش بتسوين
وعد : انا لو باخذه مارح اكون مغصوبه بس هي واضح غاصبينها عليه
اثير: فستانها يفشل
وعد: حراام عليك والله حلو بس مايناسب لليوم
اثير: والله كانه فوطه وش ذا
وعد : انطمي لايحسون اننا نحش
سكتو
نجلاء: مبروك سفانه حبيبتي
سفانه بدون نفس : الله يبارك فيك
نجلاء: اجل صرتي مرت ولدي هههه
سفانه بصوت خافت : ياقراده حظي
نجلاء: وش قلتي
سفانه بقرف: اقول ايه وانتي صرتي ام زوجي
شوق : سفانه سلمان ينتظرك
رقت سفانه فوق اخذت عبايتها ونزلت
دخلت المجلس على سلمان
اول مره يشوفها بالكشخه هذي ماينكر انه اعججب فيها اكثر من قبل ماتوقع انها بتكشخ كذا توقع شكلها يكون بسيط لانه زواج بالغصب
سفانه: مبروك ، سويت الي براسك
سلمان : الله يبارك فيك
لبست عبايتها
سلمان : على وين
سفانه: بنطلع !
سلمان: طيب اجلسي شوي الى مايحطون العشاء نتعشى ونروح
سفانه: تبيني اتعشى بعد
سلمان: تمام تمام
كلم سلمان امه ورجع لها
ركبو السياره
سلمان: والله غلط سلمي على اهلك اقل شي
سفانه : تبي تعلمني الصح والغلط ؟
سلمان: خلاص اهدي اليوم اول ليله لنا
مسك يدها.
فكت يدها منه
سفانه: لاتلمسني
سلمان: تراك صرتي زوجتي
سكتت
سلمان : وين تبين نتعشى
ماردت
سلمان: بختار لك على ذوقي
وصلو المطعم
سلمان: صكري عبايتك !
كانت عبايتها مفتوحة وباين جسمها
تجاهلته ودخلو
جلسو على الطاولة
سلمان: اطلب على ذوقي
سفانه : مابي انا
طلب سلمان
سلمان : وين تبين شهر العسل
سفانه: بقبري
سلمان: اول مره اسمع فيها ؟
سفانه : قبر اقصد
سلمان : ودي ب اسبانيا
سفانه: مابي اسافر
سلمان: ودك ببريطانيا ؟
سفانه: ماتفهم اقول مابي اسافر معك
سلمان: وش مشكلتك انتي ؟
سفانه: انت مشكلتي ، مغصوبه عليك وتبيني اختار شهر عسل
سلمان: مغصوبه ؟ ترا انا قايل لابوك يشاورك
سفانه: خلاص قفل الموضوع
سلمان: لا ما اقفله تكلمي وش المغصوبه
سفانه: سلمان والله مافيني حييل اتكلم
سلمان : تمام
وصل الاكل
سلمان: كولي
سفانه: مابي
سلمان: عشاني طيب
سفانه بقلبها : على اساس عندك شان عندي
سلمان: كولي
اكلت معاه شووي
سلمان: خلصتي ؟
سفانه: اي
سلمان: يلا اجل
حاسب وطلعو
بالسيارة
سلمان: متى تبين وقت رحلتنا
سفانه: رحلت ايش
سلمان: شهر العسل ، بعد بكرا كويس ؟
سفانه: بكيفك
سلمان: ابحجز اليوم
سفانه : اجل سهرتنا اليوم على الحجوزات
سلمان: سهرتي انا سهرتك انتي غير
بلعت ريقها وسكتت
بالبيت
كل واحد راح غرفته
نجلاء: وجع وش تبي بعد
فارس : الحين زوجتي سلمان متى دوري !
نجلاء: انا ماصدقت على الله يقضي اليوم تجي انت بعد
فارس : تراك معلقتني لا وافقتي ولا رضيتي وش صار
نجلاء: افكر
فارس : الحين سلمان قالك ابيها وزوجتيه باقل من اسبوع وانا بكمل شهر اطلبك
نجلاء : انا موافقه
فارس : احلفي بذمتك احسك تكذبيين
نجلاء: كبرك انا اكذب
فارس : طيب اخطبيها يلا
نجلاء: قلت اصبر موب الحين خلص من الجامعة بعدين نشوف
فارس : ياليل الحين سلمان كبري وزوجتيه
نجلاء : سلمان متخرج وموظف موب مثلك بتموت وانت للحين ماتخرجت
فارس : بسم لله علي بعدين سلمان تخصصه دراسته قليله بس انا تخصصي صعب ودراسته طويله
نجلاء: يصير خير
YOU ARE READING
ليت البحرين تجمع ثنين صدفه
General Fictionيتطلقون امها وابوها وتعيش عند امها بالبحرين وبعد غياب 8 سنين ترجع وتعيش حياتها عند ابوها
