بالليل
حنان: يالله مو مصدقه كيف كذاا
عبدالله: شنسوي بعد بتكسرين كلمه ابوها
حنان: طيب يلا بنام
عبدالله: الحين كيف انام !
حنان : وشلون كيف بنام
عبدالله : كيف بنام وانتي متضايقة
حنان: انا كيف بنام طيب
عبدالله: لاتنامين ، اجلسي سولفي معي الين مايجيك نوم
حنان: ماخذ الموضوع مصلحة لك
عبدالله: شوي مو كثير
حنان: صدق يلا بروح انام
عبدالله: تصبحين على وجهي
حنان : هههههه
عبدالله: ياااازين ذي الضحكة
حنان: لاتصرخ !
قفلت
بالصالة
كانت جالسه لحالها والنور خفييف وتشوف مسلسلها والكل نايم ، شافها وهو داخل وطلع من البيت وربع ساعه ورجع
اثير: عمى ماتعرف تسلم تحب تخوف الناس كذا !
سعود: الحين جايب لك هديه وتنفخين علي كذا
اثير بفضول: وشي الهديه
سعود: اوول شي اعتذري مني
اثير: على ؟
سعود: الكف
اثير: مو المفروض انت الي تعتذر
سعود : اعتذرري
اثير: مارح اعتذر
سعود : بكيفك بتروح عليك ترا
اثير ذااابحها الفضوول
سعود: ترا كلمه بس اسفه قوليها
اثير: ترا مو عشانك بس عشان اشوف الي معك
سعود: يلا طيب
اثير: آسفه
سعود: أيووه كذا
اثير: يلاا ورني
سعود: اصبري
دقايق ورجع ومعاه كوب قهوة
سعود: امسكي
اثير: قهوه ؟
سعود: لاتكون ماعجبتك!
اثير: لاا بس استغربت ، والنووع الي احبه كيف عرفتت
سعود: انتي عطيتيني قهوتك وكانت كلها سكر فا سهل علي اني اعرف ، وقلت اعوضك بدال الي شربتها
اثير: شكرا
سعود: عفوا
سكتوا شوي وحب سعود يفتح موضوع
سعود: الا بسالك
اثير: ايش
سعود: سفانه وسلمان كان بينهم شي قبل ؟
اثير: يووه ترا ازعجتونا فيهم كل ماسولفت مع احد جبتو طاريهم !
سعود: خلاص اسف
اثير: افتح موضوع زي الناس
اخذت اشيائها ورقت غرفتها
دخلت وكانت وعد تصلي
اثير: بسم لله وش تصلين
وعد: استخارة
اثير: على وش
وعد: بس ماتقولين لاحد
اثير: وشو
وعد: في واحد خاطبني
اثير: شكلها جدتي داعيه تتزوجون دفعه وحده
وعد: ترا بس انا وسلمان وفيصل
اثير: والخافي اعظم
وعد: شدخل
اثير: المهم ماعلينا ، مين الي خاطبك اعرفه انا ؟
وعد: تذكرين الي شفناه بالبقاله
اثير: لاايكون الي ببالي
وعد: الي كلمني
اثير: المزز ؟
وعد: وجع يالمراهقه استحي على وجهك يمكن يكون زوجي ترا ما ارضى
اثير: يووه وعد وافقي واذا بترفضينه انا باخذه ترا الرجال مايتفوت
وعد: وشدراك انه مايتفوت
اثير: الولد عضلات ووجه يفتح النفس وطول ماشاءالله تبارك الله الله لايضره ، وافقي بس بيجي انتاااج رهيييب بس مضروب شوي لانك امهم
وعد: انقلعي انتي ولي يعلمك
اثير: امزح
وعد : من وين لك القهوه !
اثير : من ... طلبتها
وعد : وقت قهوه الحين
اثير : اي عادي اشتهيتها وطلبتها
وعد : بالعافيه
الظهر
فايز : اتوقع اني انا ابوها والي اتحكم فيها
سلطان: وش الي تتحكم فيها يبه طلبتك توها بزر
مريم : سلطان ! ابوك عطاهم كلمه والموضوع تم
لاتفتحه مره ثانيه ، واختك راضيه والولد نعرفه
سلطان: انتم بتجلطووني وش راضيه تشاورين بزر توها بالثنوي ماتعرف شي ! والله ربي موب مسامحكم تراها قاااصر ماتزووجونها
فايز : سلطان ، قفل الموضوع انتهينا
سلطان: شلون تغيرت كذا عمرك ماكان كذا تفكيرك
فايز: في اشياء ماتعرفها لاتاخذ الموضوع من نظرتك
سلطان: انا تعبت وانا اقنعكم
طلع سلطان وكان متضاااايق
مريم : لاحول ولا قوة الا بالله
فايز: الموضوع تقفل لاتفتحينه معي !
جلس سلطان بالصاله وكان متنرفز ومعصبب
الصالة كانت فاضيه مافي احد الاغلبية بالجامعة
نزلت شوق وهي تشوف سلطان والواضح عليه انه متضايق
شوق : سلطان ، فيك شي
هز راسه ب لا
شوق : اذا كان الموضوع عن سفانه
سلطان: مالك دخل ممكن ! لاتتدخلين
قامت شوق بسرعه ورقت
مسك راسه مو عارف وش يسوي
تسريع الاحداث
يوم الثلاثاء العصر تحديدا
البيت كان حوسه والعاملات ينظفون ويجهزون للملكه
دخلت مريم عليها
مريم : جهزتي شناطك ؟
سفانه: اي
مريم : اخذتي كل شي ؟؟
سفانه: اي
مريم : زين الحين انادي العاملات ينزلونها للسواق
سفانه: وين يوديها
مريم : بيت زوجك وين بعد
تنهدت سفانه
مريم : يلا قومي
سفانه: وين
مريم : روحي المشغل سوي شعرك حطي مكياج
سفانه: ماله داعي بسوي كل شي بالبيت
مريم : شوفي لاتخليني انكد عليك
سفانه: اكثر من ذا النكد؟
مريم : الكلام معاك ضايع
طلعت مريم
حنان : هلا ادخل
مريم : حنان
حنان : هلا ، وش بغيتي
مريم : خوذي سفانه واقنعيها تروح المشغل تسوي شعرها ومكياجها يمكن تسمع منك
حنان : ماضنتي توافق بس بحاول
مريم: وانتي بعد روحي معها سوي شعرك
حنان: لا عادي اسويه بالبيت
طلعت مريم
راحت حنان لسفانه
سفانه: امي راسلتك صح
حنان : قومي يلا سوي اظافرك وسوي ميكب
سفانه: مالي خلق
حنان : طيب وش بتلبسين
سفانه: مادري
تنهدت حنان
وطلعت برا الغرفة
مريم: ها شتقول
حنان : ماتبي ، خليها براحتها
نزلت حنان تحت
عبدالله: هلاا بالزين كله
حنان: اووش لاحد يسمعك
عبدالله: قولي امين
حنان : امين
عبدالله: يجي دورنا انا وياك ونتزوج
ضحكت حنان
حنان: شتسوي هنا
عبدالله: وين اروح البيت كله معصب محد مروق
حنان : اي كلهم معصبين
عبدالله: شكل عيال عمي فايز مارح يحظرون
حنان: ليه
عبدالله: سلطان من امس ماشفته طالع ومايرد ومشاري طلع الظهر وقالي اذا خلصو كلمني عشان ارجع
حنان: بس اختهم ! لازم يكونون موجودين
عبدالله: مادري والله بس سلطان مرره معصب ونفسيته زفت
حنان : حتى فهده قالتلي انها مارح تجي بس مدري عن اخوها
عبدالله : فهده مره شاده الموضوع شفتها تصيح من القهر
حنان: حرام مره تأثرت ترا من الموضوع
عبدالله: دلع بنات
حنان : ووين سلمان
عبدالله: بالحلاق اكيد
حنان: هو بالحلاق وزوجته فوق ماتبي تطلع
عبدالله: مافهمت هي الحين راضيه ولا مغصوبه
حنان: بعدين اقولك السالفه
عبدالله: تم
حنان: برقا انا اشوفك بليل
عبدالله: ترقين وش تسوين خلك معي
حنان: وش اجلس معك بروح البس واتجهز
عبدالله: يلا روحي
YOU ARE READING
ليت البحرين تجمع ثنين صدفه
General Fictionيتطلقون امها وابوها وتعيش عند امها بالبحرين وبعد غياب 8 سنين ترجع وتعيش حياتها عند ابوها
