ليت البحرين تجمع ثنين صدفه

Part12

بالكفي
نواف : ياهلاا
سفانه: وينك من بديت اشتغل ماجيت هنا
نواف: تحسبين الكل عاطل عندي اختبارات
سفانه: على اساس تذاكر ؟
نواف: على الاقل انقبلت وبتخرج وغيري ما انقبل
سفانه: انا عندي راتب مكافأتك اربع مرات ولاعندي اختبارات
نواف: قويه ذي تحسب لك
سفانه: وش تبي تطلب
نواف: امم شعندكم
سفانه: ياليل نواف خلص
نواف: عطيني v60
سفانه : طيب
راحت بعيد تسوي القهوه
نايف : سفانه مايصلح تسولفين مع الزباين تقدمين لهم القهوه بدون سوالف
سفانه: بس اعرفه
نايف: حتى ولو تتشوه سمعه المكان
سفانه:تمام

خلصت قهوته
نواف : هذا انتي مسويته ما اصدق
سفانه: نواف روح الموظف هاوشني تو
نواف: وش يبي
سفانه: خلاص روح
جلس نواف على الطاوله

دخل سلمان
سلمان : عطيني سحلب
سفانه: شجوك
سلمان: كيفي
سوت له سفانه ومدته
سفانه: يلا روح
سلمان: مابي بجلس اشوفك وانتي تشتغلين
سفانه: سلمان مابي مشاكل المدير توه مهاوشني عشاني اسولف مع الزباين
سلمان: تسولفين مع مين
سفانه: وانت شدخلك خذ قهوتك وتوكل
نواف: خير خير
سفانه: معليش هذا اخوي مشاكل عاديه
نواف الي ادرك وش جالس يسوي: اها معليش
سفانه: شفت خليت الناس يتدخلون
طلع سلمان
نواف: هذا اخوك؟
سفانه: اي
نواف: يحليله يلا بروح انا بس قلت بسير

بسياره
مشاري: يلا احمدو ربكم اليوم كلنا نخلص ٢
عبدالله: تكلم عن نفسك انا مخلص من ١٢
مشاري: المره الجايه خذ تكسي
عبدالله: انشاءالله
مشاري : حنان كيف الجامعه من وجهك واضح ماعجبتك
حنان : مدري احس المدرسه احلى
عبدالله: اول يوم تتعودين
حنان: انشاءالله 
عبدالله: الو ، صادقه ، ياليل يلا مع السلامة
مشاري: وشو
عبدالله: مافي غدا
مشاري: شلون مافي
عبدالله: جدتي وامي وخالتي مريم وعمتي نجلاء راحو بيت خالتي حصه
حنان: والباقين
عبدالله: اكيد اكلو وعد تقول دبرو نفسكم
مشاري: لايشييخ
عبدالله: جوعانين
مشاري : تسأل؟ تراننا من الفطور ما اكلنا شي
حنان: صادق
عبدالله: الحين اطلع لكم الذ مطعم
مشاري: يلا
بطريق
مشاري: وقتته
عبدالله: وشو
مشاري: العيال مجتمعين بيطلبون رز تخاوينا ؟
عبدالله: لا كمل الطريق نزلنا ورح واذا خلصت ارجع
مشاري: طيب

نزلو
حنان: ماتخاف يهاوشونا اننا مع بعض
عبدالله: لاعادي يحسبونا بالجامعة
دخلو وجلسو على الطاولة
عبدالله: شتبين
حنان: عادي اي شي
عبدالله: على ذوقي ؟
حنان: اذا ذوقك حلو اي
عبدالله: ماعليك حلو
طلب عبدالله
عبدالله: بتذوقين شي لذيذذ
حنان : طيب هذا مطعم امريكي ياباني ايطالي ايش
عبدالله: ايطالي
حنان: احب الأكل الايطالي
عبدالله: الصراحة ماتفرق معي كل شي اكله
وصل الاكل وجلسو ياكلون
عبدالله: لاصار عندنا بريك طويل نروح كفي هنا قهوتهم حلوه مره
هزت حنان راسها بأيه
خلصو وجلسو ينتضرون مشاري
عبدالله: حنان ، عادي اسألك
حنان: وشو
عبدالله : للحين تحبينه
حنان: مين
عبدالله: مشعل
حنان: اكذب عليك لو قلت لا  بس بنفس الوقت اكرهه لانه سحب علي وماعطاني فرصة
عبدالله : معليش اني سألتك
حنان: لا عادي
جا مشاري وركبو وهم ساكتين
حزت بخاطر عبدالله انها تحبه
وحنان حست انه ضايقته بس ماتقدر تسوي شي
وصلو البيت وكل واحد راح غرفته