Who I go fear?
Shey na government wey say dem go protect us,
Or the bible wey the world carry for head?
Or make I reject the Holy Spirit?
Who I go fear?
The lawyer wey dem hire to fight for the oppressed
Or the sweet words wey dey commot
For pastors mouth on Sunday?
Who I go fear?
People wey say Jesus na white man,
And na heaven sure pass,
Or make I trust our leaders?
Na dem own worst pass.
Who I go fear?
My own country wey don betray me
And dem no show me love,
Or the same sunday school teacher
Wey steal our innocence from our body?
Who I go fear?
My self, wey too know book
Or na because say I no dey fear anybody
Who I go fear?
YOU ARE READING
NEKU'S TALE
PoetryA Poetry Collection of Egbune Olise which also features poems written in the Nigerian Pidgin-English language.
