"အားးးဘာလုပ်တာလဲဗျ"
"ဒါကဘယ်ပြေးဖို့ကြံတာလဲ"
သျှန် လူမှားပက်မိပြီဆိုတာသိလိုက်သည်နှင့် ထိုနေရာမှထွက်ပြေးဖို့ကြံသော်လည်း ဂုတ်ကနေဆွဲကာ အတင်းဆွဲဖက်ထားသူကြောင့် သျှန်လန့်ဖြတ်သွားရသည်။
"မင်းက ရေဆော့ချင်နေတယ်ပေါ့"
သျှန် နားနားကပ်ကာပြောသည့်အသံမှာ တိုးသော်ငြားလည်း သျှန်နားထဲတွင်မိုးကြိုးပစ်ချသည်နှယ်ကျယ်လောင်နေသည်။
"မဟုတ် မဟုတ်ဘူးဗျ။ကျွန်တော် လူမှားပက်မိတာ"
"ပက်တုန်းကပက်ပြီးအခုလိုထွက်ပြေးလို့ရမလား"
ထိုသူမှာ သျှန်ကိုဖက်ထားရာမှမလွှတ်သေး။
"ကျွန်တော့်ကိုလွှတ်ပေးပါ"
"လွှတ်ပေးမှာပေါ့"
ထိုသို့ပြော၍ သျှန်ကိုဖက်လျက်ပင်တစ်နေရာဆွဲခေါ်သွားသောကြောင့် သျှန် ပြာပြာသလဲဖြစ်သွားရသည်။
"ဘာ ဘာလုပ်မလို့လဲဗျ"
"ရေပက်ပေးမလို့လေ။မင်းပဲ ရေဆော့ချင်နေတာမလား"
"မဆော့ချင်ဘူး။တောင်းပန်ပါတယ်။ကျွန်တော့်ကိုလွှတ်ပေးပါ။ကျွန်တော်ရေချိုးပြီးသား"
"မင်းကလုပ်ခဲ့တဲ့အမှားကိုမတောင်းပန်ဘဲ မင်းကိုလွှတ်ဖို့ချည်းပဲပြောနေတာပဲ"
"မရည်ရွယ်ပါဘူး။ခင်ဗျားကို သူရနဲ့မှားမိတာပါ။တောင်းပန်ပါတယ်။ရေချိုးပြီးသားမို့ မပက်ပါနဲ့"
ရေချိုးပြီးသားမို့ရေပက်မခံချင်ဘူးလို့ပြောနေတဲ့အနှီကောင်လေးကို ဉာဏ်လင်းထင် အူယားလာပြီဖြစ်သည်။အစကပြန်ပက်ဖို့ မရည်ရွယ်ထားပေမယ့် ဇွတ်အတင်းအပက်မခံချင်နေသူကို စ ချင်လာသည်။ဒီကောင်လေး ဘယ်သူများလဲ။
"ကိုယ့်ညီနဲ့ မှားတာ"
ကိုယ့်ညီနဲ့မှားတာ ဟူသောစကားမှာ သျှန်နားထဲတွင်အကျယ်လောင်ဆုံးမြည်ဟီးသွားသည်။သူရက သူ့ညီဆိုတော့ ဒီ ဒီလူကမဟုတ်မှလွဲရော။သျှန် နားထဲတွင်အချက်ပေးခေါင်းလောင်းသံများတစ်ပြိုင်နက်တည်းမြည်လာပြီး သျှန် ထိုလူ့လက်ထဲမှာအားကုန်ရုန်းချလိုက်သည်။
YOU ARE READING
Happy Thingyan
Romancemini story လေးပါ။ခေါင်းစဉ်အတိုင်း ပျော်ပျော်ရွှင်ရွှင်နဲ့ရိုရိုချိုချိုလေးသွားမှာပါ။
