Jeetu ne beparwahi se kaha : Ha. Thik hai. Vaise bhi mujhe kaun sa use rangna hai.
Tabhi Bhavna didi laal rang ka gulaal thali me lekar aayi aur unhone sab ko colour lagakar Holi ki shubhkamnaye di. To Jeetu ne apne paas khade Jishaan ka sar pakad kar rang bhari thali me duba diya. Uski is harkat par sab has pade.
Jishaan ka chehra pure laal rang se rang chuka tha. Usne apni aankhe khol idhar udhar Jeetu ko dhundha to vo dur khada use dekh has raha tha.
Baaki sab bhi uski halat dekh has rahe the.
Jishaan kal raat hi Mumbai se aaya tha. Jaisa ki usne pehle kaha tha ki vo apne yaaro ke sath Holi manayega to vo ek baar fir gaon vapas aaya tha.
Jishaan ab colour le kar Jeetu ke peeche bhaga to badi maa ne un dono par bhadakte hue unhe bahar nikal diya.
Simmi didi aur Mayra didi bhi bahar nikal gayi.
Vahi Veer vo badi maa ki nazaro se bach kar YN ke peeche peeche room me aa gaya tha. Aur usne YN ko peeche se pakadte hue kaha : kaha chali biwi. Mujhe tumhe apne rang me rangne to do.
YN ne Veer ki baat sun palatate hue kaha ; ab kitna aur rangna baki hai pehle hi main puri gulaabi ho gayi.
Veer ne YN ke hilte hotho par apni ungali rakhte hue kaha ; sshh...seedhi khadi raho.
YN Veer ki ankho me dekhte hue ab shant ho kar khadi hui,
To Veer ne apne pant ki pocket se laal gulaal nikal kar YN ki maang bharte hue kaha : Humari pehli holi mubarak ho meri Jaan.
YN, Veer ke uski maang bharne par aankh band kar muskura di. Use yaad aaya ki kaise Veer jab unki nayi nayi shaadi hui thi to khud apne hatho se uski maang me sindoor sajata tha.
YN apni yaado me khoyi hui thi. Ki tabhi Veer ne uske kaan ko chumte hue dheere se kaha ; mujhe rang nahi lagaogi.
YN ne dheere se aankhe khol Veer ko dekha vaise to vo bhi gulabi gulabi hogaya tha. Par uska man tha YN se rang lagvaane ka.
To YN ne bhi usase apne haatho me gulaal le bahot hi aaram se uske gaalo par rang lagate hue kaha : Happy Holi mere Singh Sahab.
Veer ne use agale hi pal apni baaho me bhar apne gaal se uske gaal par rang lagate hue kaha : I love you biwi.
Itna kehkar usne YN ke hotho ko chum liya to YN sharma kar usase lipat gayi.
********************
Idhar bahar Jishaan ko Jeetu jab kahi nahi mila to vo thak haar kar bade papa ke paas beth gaya.
To bade papa ne usase pucha : Kya hua? Thak gaya Jeetu ko dhundhte dhundhte.
Jishaan : Ha bade papa.
To bade papa ne use glass pakadate hue kaha ; Le thandaai. Isne pi le sari thakan mit jaayegi.
Jishaan ne khush ho unse glass lekar apne hotho se laga liya. Par thandaai pine ke baad use kuch yaad aaya. Usne jaldi se pucha ; bade papa ye thandaai thi na. Bhang to nahi thi na.?
Bade papa ne mana karte hue kaha : Na beta.
Itna kehkar bade papa mude aur ek kone me khade Jeetu ko dekh muskura diye.
Unke kuch dost unke paas aakar khade hue to bade papa ab unse baat karne lage.
Idhar Veer ne Jeetu ko ek kone me chupa dekh use pakadte hue kaha : Saale yaha kya kar raha hai?
Jeetu ne haste hue Jishaan ki taraf ishara kar kaha : Chote ne bhang pi li.
Veer ne ek nazar Jishaan ko dekh Jeetu se kaha : Saale tune hi ye harkat ki hogi uske saath.
Jeetu ne haste hue kaha : Ha. Holi me bhang ka rang na ho to jaisi Holi.
132. Holi
Start from the beginning
