" တော်လိုက် ဟေ့ရောင်.... ဒရာမာ မခင်းနဲ့ "
ရှေ့ဆက် အပြောမခံဘဲ အော်သဖြင့် ဘုဏ်းဇေ ပါးစပ်ကို လက်ဖဝါးနှင့်အုပ်ပြီး ရယ်ရသည် ။ သို့သော်လည်း သူတစ်ပါးဆန္ဒကို အမြဲလိုက်လျောပြီး ဖြည့်စည်းပေးလေ့ရှိသည့် သူငယ်ချင်းဖြစ်သူက သည်တစ်ခါလည်း လက်ခံမှာဖြစ်ကြောင်း သိပြီးသားပါ ။
" ငါ ဘာမှ ပါရမီ ဖြည့်တာ မဟုတ်ဘူး ၊ မင်းအပေါ်ကို ဘယ်ဘဝက ပါလာမှန်းမသိတဲ့ ဝဋ်ကြွေးတွေ ဆပ်နေရတာလို့ပဲ သဘောထားမယ် "
" အဟားဟား .... "
ဖုန်းချပြီး အားရပါးရရယ်နေစဉ် ကိုဗစ်တာက အနားရောက်လာသည် ။ ကိုဗစ်တာ့ပုံစံက သူ့ထက်တောင် စိတ်လှုပ်ရှားနေပုံရ၏ ။
" မင်းသား .... ရယ်မနေတော့နဲ့ ၊ အစိုးရအဖွဲ့ရော နန်းတွင်းရေးရာ အတိုင်ပင်ခံအဖွဲ့ရော အစုံအလင် ရောက်နေပြီ ၊ ကိုးနာရီထိုးတာနဲ့ အစည်းအဝေး စကြတော့မယ် "
ဘုဏ်းဇေ ပြုံးပြီး ကိုဗစ်တာ့ရင်ဘတ်ပေါ် က အနည်းငယ်စောင်းချင်သလို ဖြစ်နေသည့် သက်တော်စောင့်ခေါင်းဆောင် အမှတ်အသား ရင်ထိုးလေးကို သေချာပြန်တည့်ပေးကာ
" ကျေးဇူးအများကြီး တင်တယ်နော် အစ်ကို "
" ခင်ဗျာ "
" ကျနော့်ကို စောင့်ရှောက်ပေးခဲ့တာတွေ အတွက်ပါ "
" မင်းသား "
ကိုဗစ်တာ့အသံနှင့်အကြည့်က အထိတ်တလန့် ။ နှစ်ပေါင်းများစွာ သူ့ဘေးမှာ နေလာပြီး ကာကွယ်စောင့်ရှောက်ပေးခဲ့သူမို့ ကိုဗစ်တာ့အပေါ်ထားသည့် သူ့သံယောဇဉ်ကလည်း အမှုထမ်းတစ်ယောက်ဆိုတာထက် အစ်ကိုကြီးတစ်ယောက်နှင့်မခြားပါ ။
" နောက်ဆို ကျနော် ဒီစံအိမ်မှာ ဆက်နေခွင့်ရမရ မသိဘူး ၊ ကိုဗစ်တာတို့ ကာကွယ်ပေးရမဲ့သူကလဲ ကျနော် ဟုတ်ချင်မှ ဟုတ်တော့မှာ "
" အဲလိုစကားတွေ မပြောပါနဲ့ မင်းသား ၊ မင်းသားကသာ ကျနော်တို့အားလုံး ရင်ထဲမှာရှိတဲ့ တစ်ဦးတည်းသော အိမ်ရှေ့စံပါ ၊ ဒီနေရာက မင်းသားအတွက် ထာဝရဖြစ်မှာပါ "
လှိုက်ခနဲခံစားမှုနှင့်အတူ မျက်ရည်ဝဲရသည် ။ ကိုဗစ်တာသည်လည်း သူ့နည်းတူ ။ သူပွေ့ဖက်တော့ ကိုဗစ်တာက သူ့ကျောပြင်ကို လက်နှင့် ညင်ညင်သာသာပုတ်ပြီး
YOU ARE READING
Forget-Me-Nots { Completed }
General FictionA Love Story ( Own Characters ) ဘုဏ်းဇေယျာကျော်xရှင်းသန့်တည်ကြည် " မင်းသားလေး...မင်း ငါ့အပေါ် သိပ်သဘောကောင်းတာပဲ၊ ငါ့မေမေကပြောတယ်၊ အသက်ကြီးလို့ လက်ထပ်တဲ့အရွယ်ရောက်ရင် ကိုယ့်အပေါ်ကောင်းတဲ့သူကိုမှ လက်ထပ်တဲ့၊ ငါကြီးရင် မင်းနဲ့လက်ထပ်မယ် " " ငါတို့က ယော...
46. Love wins
Start from the beginning