အခန်း (၃၄) ခက်ခဲသော တာဝန်
လင်းချီ ခေါင်းမော့၍ သူ့ရှေ့တွင် အပြာရောင် ၀တ်ရုံ၀တ်ဆင်ထားသော အမျိုးသားကို ကြည့်လိုက်သည်။ ထိုသူမှာ လက်တစ်ချောင်းတည်းဖြင့် လူသာ၏ ဓားကို လွင့်ထွက်သွားစေသောကြောင့် သူ၏ အစစ်အမှန် စွမ်းအားကိုတော့ လင်းချီ စိတ်ကူးယဉ်ကြည့်ရုံသာ တတ်နိုင်သည်။
"တယ်ရီ..!"
မြို့အရှင်က စတင်မေးမြန်းလိုက်သည် "ဒီတော့ ငါမရှိတဲ့အချိန် မင်းက ဒီလိုတွေ စည်းကမ်းလိုက်နာနေတာပေါ့"
"မ..မဟုတ်ရပါဘူး..မြို့အရှင်..အရှင် အထင်လွဲတာပါ…. ဒါတွေအားလုံးက လင်းချီဆိုတဲ့ကလေးကြောင့်ပါ"
"သူကျုပ်တို့ကို အရင်ရန်စတာ"
လင်းချီ နှာခေါင်းရှုံ့လိုက်ပြီး "ကျုပ်ရဲ့ သိုလှောင်အိတ်ကို လုချင်တဲ့သူက ခင်ဗျားဆိုတာ အရှင်းကြီးပဲကို"
သူတို့၏ စကားများကို ကြားတော့ မြို့အရှင်၏ အမူအရာမှာ ပို၍ မှောင်မိုက်လာလေသည်။ သို့သော်လည်း သူ့ရှေ့ရှိလူငယ်မှာ ဆန်းသစ်လမြို့တော်ရှိ လင်းမိသားစု၏ သခင်လေးဖြစ်ကြောင်း မှတ်မိလိုက်သည်။
"မြို့အရှင် ကျုပ်ကို ယုံမှဖြစ်မယ် ဒီကလေးက ကျုပ်တို့ မှော်အစည်းအရုံးထဲကို မြောက်ကြွကြွနဲ့ ပြဿနာလာရှာသွားတာ..ဒါကြောင့်..ကျွန်တော်တို့က"
"တိတ်စမ်း..."
မြို့အရှင် အခြေအနေကို အနည်းငယ် နားလည်သွားသည်။ ထို့နောက် သူ၏ အကြည့်များက လင်းချီ၏ သိုလှောင်အိတ်ပေါ်သို့ ကျရောက်သွားပြီး အနည်းငယ် အမူအရာ ပြောင်းလဲသွားသည်။
"လူငယ်လေး..မင်း မှော်အစည်းအရုံးမှာ ဒီသိုလှောင်အိတ်ကို ပိုက်ဆံနဲ့ သွားလဲဖို့ စီစဉ်နေတာလား"
"အမှန်ပဲ.... ဒါပေမဲ့ မှော်အစည်းအရုံးကလူတွေက မသမာလွန်းတယ်... သူတို့က ဈေးနှိမ်ပြီး ကျုပ်ပစ္စည်းကို ဝယ်လို့ ကျုပ်က မရောင်းချင်တော့ လူတွေလွှတ်ပြီး ဓားပြလာတိုက်တယ်လေ.. သူတို့က မြို့အရှင် ချမှတ်ထားတဲ့ စည်းမျဉ်းတွေကို လုံး၀ မလိုက်နာတာပဲ"
ESTÁS LEYENDO
မှော်ကုန်းမြေမှအစားအစာထောက်ပံ့သူစနစ်
FantasíaAuthor: The Might Of Leaving Blank Genre: Eastern, Fantasy Status: 95 [Completed]