ليت البحرين تجمع ثنين صدفه

Part16

بالليل الساعه 2
الكل نام او دخل الغرفة على اساس ينام
اخذت شور ولبست بنطلون ابيض وبدي كحلي
ونزلت وهي تسحب رجلينها للمطبخ
فتحت الثلاجة تدور اي شي تاكله بحكم انو لها شبه يومين ما اكلت
سلمان: شتسوين
سفانه بخوف : بسم الله ، ماتعرف تسلم
سلمان: اسلم على احد الف... شفيه وجهك
سفانه: مافيني شي
سلمان: عيونك حمرا ومنتفخه صايحه ؟
سفانه : ماتدري يعني
سلمان: ايش
سفانه: مسوي برئ
سلمان: شتقولين انتي وش سويت
سفانه: كل شي يصير لي بسببك ماتدري قد ايش اكرهك
سلمان: يابنيه وش مسوي انا عشان تكرهيني
سفانه: امسك لسانك انا اقول
ومشت
مسكها مع كتفها وثبتها على الجدار
سلمان: قولي وش مسوي !
سفانه: قايل لأمي عن نواف
فكت نفسها منه
سلمان: ايش. ماقلت لها شي
سفانه: كيف درت يعني
سلمان: يمكن انتبهت لجوالك
سفانه: لا جوالي معاي بكل وقت  ، او كاان معاي بكل وقت امي ماخذه جوالي ولها يومين مقفله علي وماتبيني انزل عشان ماتشوف وحهي وقدمت استقالتي من الكفي ، بختصار دمرت عيشتي امي كارهتني وتهددني بأبوي واخواني
سلمان: بس والله اني ماقلت لها وتعرفين اني مستحيل اسوي كذا
سفانه: خلاص الي صار صار امي عرفت وكل شي تدمر
سلمان: سفانه صدقيني ماتكلمت
سكتت وناظرت الأرض
سلمان: وش المطلوب مني عشان اساعدك
سفانه: تقدر ترجع الوقت ؟
سلمان: سفانه تدرين اني ماقلت شي وبساعدك وانتي تستهبلين
سفانه: متأكد بتساعدني
سلمان: اي
سفانه: خليني اقابل نواف
سلمان: مين نواف لايكون ال
سفانه: اي هو ابي اقابله
سلمان: تبين تعالجين الغلط بالغلط
سفانه: اي
سلمان: سامحيني ماقدر
سفانه: تمام ، عطيني جوال ابي اتواصل معاه
سلمان: وش بتوصلين له بظبط
سفانه: ماتبي بكيفك مو مجبور ترا
سلمان: المهم امك وينها
سفانه: نايمه
سلمان: امشي معاي
سفانه: وين
سلمان: مو جوعانه ؟
سفانه: تبي امي تنحرني ؟
سلمان: مارح تدري معليك
سفانه: انا مابي اطيح بمشكلة ثانيه
سلمان: يعني انك تتطلعين مع نواف مو مشكله
سفانه: اي مو مشكله
سلمان: تجين؟
سفانه: لا
ورقت غرفتها
بعد نص ساعه
طق الباب
فتحت
مد لها الكيس
سلمان : بالعافية
سفانه: شكرا مابي
سلمان: لاتكذبين ادري انك جوعانه كولي ولا تكابرين
سفانه: ما ابي
دخل غرفتها وحط الكيس
سفانه: انت تبي امي تذبحني داخل غرفتي الفجر
سلمان: واذا دخلت غرفتك الفجر ايش المشكلة
سفانه: سلمان الي فيني مكفيني اطلع تكفى
سلمان: يا انا يالعشاء
سفانه: العشاء اطلع
طلع
وبهمس بأذنها
سلمان: بالعافيه ياقلبي
صنمت وماتحركت لمده دقايق من كلمه ياقلبي
اكلت ونامت

الصباح على الفطور
حنان: مشاري متى محاضرتك
مشاري : بعد ساعه تقريبًا
حنان : عادي اجي معك ؟
مشاري: اي حياك
حنان : شكرا
مشاري : يلا طيب الطريق اكيد زحمه
حنان : يلا
مشاري : عبدالله تجي
عبدالله: لا بروح بسيارتي
مشاري : الطريق واحد تعال بس
عبدالله وهو يناظر حنان
عبدالله: سيارتي احسن واريح لي
ركبت حنان قدام وجنبها مشاري
وكانو ساكتين
حنان: شغل شي
مشاري : اشوا خفت انك ماتحبين تسمعين شي الصبح
حنان: لا بالعكس اكره الهدوء الي كذا
مشاري: تفهمين
دخلو الجامعة
مشاري : اوصلك ولا تدلين
حنان : مدري ، ادل

خلصت محاضراتها
وطلعت تتمشى بالجامعة بدون هدف
صادفت عبدالله ومعاه اخوياه
وجلست على وحده من الطاولات
كان يناظرها عبدالله وهي ماكنت منتبه
تقدم لها واحد
محمد: حنان ولا ؟
حنان: اي ، في شي ؟
محمد: لا بس انتي غبتي الخميس وانا مسجل المحاظرات برسلها لك
حنان : ترسلها وين !
محمد : لاتفهميني غلط بي انا دايم اسجل وارسل للطلاب عادي
حنان : الصدق احتاجهم ارسلها تكفى
محمد : تمام
فتح قروب الشعبه وعطاه جواله
محمد : اي واحد رقمك
طلعته حنان ومدته
محمد : يحمل
حنان : ارتاح اجلس على بال مايوصل
محمد : تمام
جلس معها بالطاوله

عيون عبدالله الي كانت تطلع ناار من الغيره وكيف مسكت جواله وجلس معها وواضح انه يبي رقمها

محمد : وصلك ؟
حنان : اي وصلني شكرا ماقصرتك ، كلك ذوق
محمد : العفو هذا واجبي
قام محمد

ورجعت حنان مع مشاري للبيت

على الغدا
نجلاء: ابشركم ، لقيت العروس لولدي فيصل
لمياء الي تغيرت ملامح وجهها
مهره: ماشاءالله على البركه
مريم: ومن هي
نجلاء: وحده من بنات صديقاتي
الجده : الله يوفقهم انشاءالله
نجلاء: امين
قامت لمياء من الغداء
وعد : وين
لمياء: شبعت
راحت غرفتها وكانت تبكي تبكي من قلب
مقهوره حب السنين كله راح وندمت انها ما اعترفت له من قبل

معليش والله تأخرت بس فترة اختبارات ورمضان

تبون كل ويكند 5 بارتات
ولا كل يوم بارت ؟