" ဟမ် .... ဪ... ဟားဟားဟား "
ရှင်းသန့် ဖြတ်ပြောလိုက်သည့်စကားကို ရုတ်တရက် ကြောင်သွားပြီးမှ အတွေးပေါက်ပြီး သူရယ်တော့ မျက်နှာကို လက်နှင့်လာအုပ်၏ ။ ပြောတုန်းကပြောပြီး ပြန်ရှက်နေခြင်းပင်။
" ငါလို့ မပြောလို့ ကိုကိုရှင်းရှင်းလေးက ဘယ်လို ပြောစေချင်တာလဲခင်ဗျ ၊ တစ်ခါလောက် အရင်ခေါ်ကြည့်ပါလား "
" မသိဘူးကွာ "
" မသိရင် ငါလဲ မပြောဘူးကွာ "
သူ ပြန်ဈေးကိုင်တော့ နှာခေါင်းရှုံ့ပြီး ရယ်သည်။ ဝမ်းနည်းရိပ် ကင်းသွားသည့် မျက်ဝန်းလဲ့လဲ့များက ရယ်လိုက်တော့ ပိုလှ၏ ။ နောက်ပြီး မျက်နှာချင်းနီးကပ်သည်အထိ သူ့အနားတိုးလာကာ နူးညံ့အိထွေးသည့် နှုတ်ခမ်းပါးတစ်စုံက သူ့နှုတ်ခမ်းကို ဖိကပ်နမ်းသည်။ စက္ကန့်ပိုင်းမျှ အထိအတွေ့လေးဆိုပေမဲ့ ရင်ဘတ်ထဲမှာတော့ လိပ်ပြာပေါင်းထောင်ချီ ဝဲပျံသွားသလိုပင် ။ ဒါတင်မဟုတ်။
" မောင် "
ပြုံးရိပ်သန်းနေသော ပန်းနုရောင်နှုတ်ခမ်းပါးလေးထံမှ ထွက်ကျလာသော ခေါ်သံတိုးတိုးကြောင့် လူက လေပေါ်လွင့်သွားသည့်အတိုင်း ။ နှစ်သက်ရသည်။ မြတ်နိုးရသည် ။ စောစောက သူ့ဆီမှာ ရှိနေသည့် စိုးရိမ်ပူပန်မှုအားလုံး လွင့်စင်သွားသလို ချစ်ခြင်းမေတ္တာ၏ စွမ်းပကားကြီးမားမှုကို ခံစားရသည် ။
" မောင် "
ဒုတိယအကြိမ်ခေါ်သံ နောက်မှာတော့ ထိုနှုတ်ခမ်းပါးတွေထံ သူ့နှုတ်ခမ်းတို့က ဝပ်ဆင်းခစားရသည် ။
ချစ်ရသူကို ပြန်လည်နမ်းရှိုက်ရခြင်းက အချိန်အကြာကြီးနေမှ ကိုယ့်အိမ် ကိုယ်ပြန်ရောက်လာခြင်းနှင့် မခြား။ နွေးထွေးသည် ။ သက်သောင့်သက်သာရှိသည် ။ ဘယ်အချိန်မဆို ကိုယ့်ကို တံခါးဖွင့်ကြိုဆိုနေလိမ့်မည်ဆိုသည့် အသိနှင့် ပျော်ရွှင်ရသည်။
အခုကစပြီး ရှင်းသန့်တည်သည်သာ ဘုဏ်းဇေ အခြေချနေထိုင်မည့် အိမ်ကလေးတစ်လုံးဖြစ်၏ ။ ရှင်းသန့်က သီချင်းစာသားဆိုလျှင် ဘုဏ်းဇေက သီချင်းသံစဉ်ဖြစ်လိမ့်မည် ။ ရှင်းသန့်က ကဗျာတစ်ပုဒ်ဆိုလျှင် ဘုဏ်းဇေက ကာရံတစ်ပိုင်းဖြစ်လိမ့်မည် ။ ရှင်းသန့်က ပန်းချီကားတစ်ချပ်ဆိုလျှင် ဘုဏ်းဇေက ထိုကားချပ် ဖြစ်တည်လာအောင် ပုံဖော်ပေးမည့် ဆေးသားဖြစ်လိမ့်မည်။
CITEȘTI
Forget-Me-Nots { Completed }
Ficțiune generalăA Love Story ( Own Characters ) ဘုဏ်းဇေယျာကျော်xရှင်းသန့်တည်ကြည် " မင်းသားလေး...မင်း ငါ့အပေါ် သိပ်သဘောကောင်းတာပဲ၊ ငါ့မေမေကပြောတယ်၊ အသက်ကြီးလို့ လက်ထပ်တဲ့အရွယ်ရောက်ရင် ကိုယ့်အပေါ်ကောင်းတဲ့သူကိုမှ လက်ထပ်တဲ့၊ ငါကြီးရင် မင်းနဲ့လက်ထပ်မယ် " " ငါတို့က ယော...
43. You're my destiny
Începe de la început