ලොකුම හීනයක් හැබෑ කරගන්න පුංචි කට්ටක් කන්න වුනාට කමක් නෑ නේද කියලා එයා ඇහුවා.
මේ මාස ගාන කොහොම හරි අල්ලගෙන ඉමු කියලා මාව මෝටිවේට් කලා.
ඉතින් ඔව්!
එයා කිව්ව එක ඇත්ත තමයි.
ඇක්ශන් මූවි එක මගේ career එකේ ලොකු සන්ධිස්ථානයක්.
පුංචි කාලෙ ඉඳන්ම තිබ්බ ලොකුම හීනයක හැබෑවීමක්!
ඉතින් මෙතනින් එහාට ඇක්ටිං පැත්තෙන් මට ලොකු ලොකු හීන නෑ.
ඒ නිසාම ඒජන්සි එකත් එක්ක තිබුන අවුරුදු පහේ ඇග්‍රීමන්ට් එක ඉවර වුනාට පස්සෙ ආයෙම ඒක අලුත් කරගන්න අදහසක් මට තිබුනෙත් නෑ.
ෆීල්ඩ් එක ගැන මේ වෙද්දි ලොකු අවබෝධයක් තිබුන නිසා මගේ ගමන තනියෙන් යන්නයි ප්ලෑන් එක තිබුනෙ.
මොකද මට ප්‍රයෝරිටි දෙන්න ඕනෙ කෝරියොග්‍රැෆි වලටයි, මගේ ස්කූල් එකටයි.
ඒ ඔක්කෝටමත් වඩා මගේ රත්තරං අයියටයි!
හිතට ගොඩාක් අල්ලන්න ප්ලොට් එකක් ලැබුනොත් විතරක් ඇක්ටිං ගැන සලකා බලනවා.
කොහොමත් මං රඟපාන්න ආවෙ නමක් හදාගන්න ඕනෙ නිසා විතරයිනෙ.
ඉතින් ඇග්‍රීමන්ට් එක ඉවර වෙන්න තව මාස කීපයයි.
ඒත් මේ සිද්ද වෙච්ච දේත් එක්ක මට හිතෙනවා ඇග්‍රීමන්ට් එක දැන්මම කැන්සල් කරලා දාන්නත්.
අනේ මන්දා!
කොච්චර කලත් අයියගෙන් නොඅහා මට තීරණයක් ගන්නත් බෑ වගේ.
ඉතින් හිතන එක නතර කරලා දාලා මං ඇස් දෙක පියාගත්තා.
ඇත්තටම මට ගොඩාක් මහන්සියි.
ශූටිං පටන් ගත්ත දා ඉඳන්ම හරියකට නින්දක් ලැබුනෙ නෑනෙ.
ඒ නිසා ඔන්නොහෙ නිදාගන්නවා!
කටුනායකින් බැහැලා මං අයියට කෝල් කලා.
ඔන්න ඒ පාර එයා මගෙන් අහනවා කාලද, බීලද, මහන්සිද, නිවාඩු ගන්න එක ප්‍රශ්නයක් වුනාද, තනියෙම එන්න පුළුවන් නේද වගේ පිස්සු විකාර!
මේ වගේ වෙලාවක කියන්න නම් හොඳ නෑ තමයි.
ඒත් දෙයියනේ මං මැරයෙක්!
නිකම්ම මැරයෙකුත් නෙමේ ඇක්ශන් මූවි එකකුත් ශූට් කරපු මැරයෙක්!
කවදා මගේ පිස්සු මනුස්සයා අන්න ඒ ඇත්ත තේරුම් ගනීද මන්දා!
අයියට ඔක්කොම හරි කියලා මං ගෙදරටම ඌබර් කාරෙකක් දාගත්තා.
අපේ පරණ ඌබර් අයියවත් ඒ අස්සෙ මතක් වුනා.
මිනිහා දැන් මොනවා කරනවද දන්නෑ!
කාරෙකේ යන ගමනුත් මං කලේ නිදාගන්න එක.
දෙයියො මොනවා නැතත් මට නිදාගැනීමෙ හැකියාව ලෝබකමක් නැතුවම දීලා තියෙනවා.
ඒක ලොකු දෙයක්!
නැත්තම් කල්පනා කරලා කරලම මගේ මොලේ තියෙන ටිකත් ගෙවිලා යනවා.
