ليت البحرين تجمع ثنين صدفه

Part12

_______________________________
يوم الأربعاء
المغرب تحديداً
الجده : انشاءالله بنمشي بكرا الصبح 
سلطان: الصبح كم تحديداً عندنا دوامات
انس: ياليل ذا الدافور ترا ماراح يضرك لو سحبت يوم
فايز: الساعه ١٠ انشاءالله
سفانه: وماقررتو تطلعون الا يوم توظفت
مشاري: خوذي اجازة
سفانه: توي بادية اجازة وش
عبدالله: روحي المستشفى وخوذي عذر وعطيهم
سفانه: شكلي بسويها
اثير: كم يوم بنجلس
الجده: يومين ناخذ شاليه على البحر ونغير جو
جاسر: اهم شي تجهزون اغراضكم من بدري عشر بالظبط ماسكين الخط
سعود : طيب وش تقسيمه السيارات
وعد: حنا والبنات نبي بسياره وحده
انس : ترا ماسكين خط موب رايحين البقالة عشان تسوقين
جاسر: واخوك صادق توك مبتدئه
سعود: طيب نروح السوبرماركت نجيب اغراض عشان مانمر بكرا
جاسر: اي روحو
سلطان : يلا بجي معك
اثير: وانا بعد
حنان: انا بجي
عبدالله: يلا معكم
شوق : بروح معكم
فارس: انا بجي
سعود: مو رحله هي
فايز : روحو كلكم موب ضاركم انشاءالله
ركبو السياره
سعود يسوق وجمبه سلطان
وورا عبدالله وفارس وشوق
والمرتبه الاخيره اثير وشوق
نزلو
وكانو يشترون اشياء للشاليه
الا اثير الي كانت سلتها حلويات ومشروبات
سعود: يالله صبرك ترانا جاين نشتري اشياء اساسه موب خرابيط
اثير : انتي شتبي انا الي بدفعهم
سعود: بكيفك بس مشروبات طاقه مانبي
اثير بهمس. : انقلع بس
شوق كانت تحاول توصل للحليب
سلطان: اساعدك ؟
شوق باحراج : ياليت
مده لها
سلطان: تفضلي
شوق : شكرا
سلطان: العفو
عبدالله : خلصتو ؟ ترا طولنا
حنان : انا خلصت
عبدالله: يوه نسينا نجيب صابون
حنان : انا اروح اجيب
سعود: خلاص روحو اركبو انا اجيب الاغراض
ركبو السياره الا اثير
حط سعود الاغراض وحطت اثير وراه
اثير : صديق سوي هذا حساب لحال
سعود : حاسبهم كلهم سوا
اثير : لا انا بحاسبهم
سعود : بتخلص مكافأتك على خرابيط وبتجلسين اخر الشهر بدون فلوس
اثير : يالييل
وراحت تركب السيارة
حاسب
ورجعو البيت

رتبو الاغراض ونامو
الصباح
مشاري : مداوم ؟
سلطان: اي
انس : دافور يخاف تنقص درجاته
ضحك مشاري 
عبدالله: صباح الخير
انس : غريبة قايم بدري
عبدالله : بنمسك خط وتبيني ما اقوم
مهره: ماشاءالله زين قايمين صحو الباقين
انس : مابقى احد الا عيال عمتي نجلاء يلبسون والبنات
مهره: البنات راحو يجيبون قهوه وحلا
عبدالله: كلهم ؟
مهره: لا سفانه وحنان ماراحو
عبدالله : قوميهم بنمشي
مهره : باقي ماخلصت تجهيز رح قومهم
طق الباب على سفانه
سفانه بعصبيه : ووجع خلاص قايمه
توجهه لجناح عمه ماجد ولأول مره يدخله بعد وفاته
طق الباب على حنان وماردت طقه مره ثانيه
حنان: مين
عبدالله: انا اءء يلا قومي بنطلع
حنان : طيب
بنفس الجناح كانت غرفه ماجد تقدم عبدالله يدخل الغرفه فتح الباب وكانت عيونه تلمع بس ماسك نفسه
ورجعت له ذكريات عمه بس قاطع افكاره
حنان وهي ماسكه الروب ولابسه بجامتها القصيره
حنان : شتسوي هنا
ناظرها وحط عيونه بالأرض
عبدالله: لا بس كنت ابي اء
حنان: اطلع برا
طلع عبدالله
وصكرت باب غرفه ابوها ودمعتها على خدها
دخلت الحمام واخذت شور ولبست ونشفت شعرها وفيرت الاطراف وحطت ميكب ولبست اكسسوارتها
واخذت شنطتها وعبايتها بيدها ونزلت
كانو مجتمعين كلهم
فايز : يلا
تقسمو على ٥ سيارات
السياره الأولى : جاسر وفايز ونجلاء والجده واختها حصه
السياره الثانية: سلطان وشوق وسفانه وعبدالإله وسلمان
السياره الثالثه: فهد وفهده وانس وحنان وفارس
السياره الرابعه : وعد واثير وسعود ومشاري وعبدالله
السياره الخامسه : مهره ومريم وابتسام ولمياءوفيصل
بطريق
بسياره سلطان
ورا كانت قاعدة شوق وسفانه بالنص وسلمان
سفانه كانت تناظر الجوال وتضحك(تراسل نواف)
وسلمان حاط عيونه على جوالها مجرد لقافه يبي يشوف مين تكلم
سفانه: خير
سلطان : شفيك
سفانه: بفقع عيونك ترا
سلمان: وش سويت
عبدالإله : هههه طلعتي قويه
سفانه: اسكت انت الثاني وانت لاتحط عينك بجوالي
شوق بصوت خفيف : تبين نبدل
سفانه: ياليت
بدلو وكملو طريق

بسياره انس
كان الكل يسولف الا حنان
فارس بهمس : حنان سولفي
حنان: ماعندي سالفه
فهد : ثلاث ساعات بتقعدين ساكته
فهده: مستحيل ما اقدر لازم اسولف
انس : انا بعد سواليفي وش كثرها ماحب اسكت
فارس : هي تسولف بس مستحيه
حنان: مستحيه لاتتكلم عني اعرف اتكلم
كملو سواليف وحنان تقربت من فهده شوي وصارو يسولفون
وطول الطريق كانت عيون انس على فهده

بسياره عبدالله
عبدالله كان متضايق انه حنان زعلانه عليه بعد الي سواه وانها ماركبت معاه بسياره
اثير: احد يبي حلاو شي معي ترا
سعود: قصدك الي بفلوسي ؟
اثير : ترا انت الي قلت بدفع محد غصبك
مشاري: الحين تذلها على حلاو ذلها على شي زين
سعود: لاتفهوني غلط انا بس سألت الحلاو الي بفلوسي
اثير: تكفى لاتسولف

بسياره فيصل
كانت لمياء متعمدة تركب معاه لانها كانت تحبه من مراهقتها وكان الوضع سكوت محد يسولف
فيصل : الحين لمياء انتي صيدلانية
لمياء: اي
فيصل: يعني زي الدكتوره
لمياء : تقريبا
قاطعهم اتصال فيصل
لمياء انقهرت انو هذي اول سالفة بينهم وخلصت بذي السرعه

بعد طريق طويل وصلو الشرقية وتحديدا الشاليه
نزلو من السيارات وكانو يرتبون الاغراض وكلهم منشغلين ، الا حنان الي اول ماوصلو توجهت للبحر
الي كانت مشتااقه تشوفه
تقدم عبدالله وجلس جنبها
عبدالله: زعلانه
حنان: على ؟
عبدالله: علي انا زعلانه
حنان: ليش ازعل منك
عبدالله: من الي صار اليوم الصبح
حنان: اها لا عادي مازعلت
عبدالله : اكيد
حنان: اي
عبدالله: اشوا
حنان: شفيك
عبدالله: مبسوط لانك مو زعلانه علي
حنان: شدعوه
عبدالله الي بيرقع : انا مرره ماحب احد يزعل علي
حنان: صدق؟
عبدالله: اي
ضحكت حنان
تقدمت لهم شوق
شوق: عبدالله عادي تقوم شوي بكلم حنان
عبدالله: اوكي
راح عبدالله وجلست شوق جنب حنان
شوق: حنان تكفين تكفين قولي لي من ايش متضايقة اذا من كلامي اعتذر لك واذا تبين اخلي امي تعتذر لك
حنان: مابي شي
وقامت
شوق: اففف
جلس جنبها فارس
شوق: شتبي
فارس: للحين زعلانه منك ؟
شوق: وانت وش تشوف
فارس: بحاول ارضيها

انشاءالله عجبكم البارت
وماتوقعت بتعجبكم الروايه كذا
ومافي وقت محدد لنزول الروايه انا يوميا اكتب واول ما اخلص انزلها