ليت البحرين تجمع ثنين صدفه

Part9

اثير كانت مسرعه ومشت بعييد
خلصو من الدبابات
سلمان: ناقص دباب
وعد : اثير وينها
انس : شكلها ضاعت
ركب سعود الدباب
سعود: بروح اشوف وينها
مشى سعود بين المخيمات يدورها

اثير الي وقف الدباب فيها بمكان بعيد شوي عن مخيمهم
سعود : اثيير
اثير الي انتبهت لصوت احد يناديها
اثير : هناا
راح لها سعود وشافها تبكي
سعود : الحين تبكين
اثير : رجعني المخيم
سعود: برجعك اركبي وراي
اثير : تستهبل
سعود: وش كبرك انا خلصي اركبي دبابك مافي بنزين شكله
ركبت اثير وراه
سعود : تمسكي
اثير : اتمسك وين
سعود بعصبيه : فيني
حاوطت اثير خصر سعود
قربو من المخيم
اثير : وقف
سعود : ليه
اثير : انت صاحي تبيهم يشوفوني جالسه معك ومتمسكه فيك ابوي بينحرني
سعود : واذا سألونا كيف رجعتو
اثير : بركب الدباب وانت انزل
نزل سعود وكمل مشي وركبت هي وكملو طريق لين ما وصلو

سلمان : وين الدباب
اثير : وقف علي بعيد
سعود: شكله خلص البنزين
سلمان: معليه بروح اجيبه

جلسو كلهم بعد المغرب
والكل كان يسولف
حنان الي اخيرا فتح عندها الواتساب وشافت مشعل راسله رسايل شافتها من برا قامت من مكانها تدور مكان فاضي عشان تكلمه براحتها
لقت مكان شوي مرتفع عند النفود وكان يطل على طريق والاضاءه فيه بيضاء وخفيفه
استندت حنان على الحجر الكبير وفتحت وقرأت الكلام وكانت مصدومه
(الرسالة)
اهلين حنان كيفك اول شي عظم الله اجرك والحمدالله على السلامه تمنيت اكلمك بظروف احسن من كذا بس ما اراد الله

معليش حنان انقطعت عنك فتره كنت مشغول اهلي استقرو بالبحرين وامي خطبت لي بنت صديقتها
وحلفت علي ما اخذ غيرها وما اقدر اعصي امي لكذا حاولت ابعد عنك شوي عشان نتعود والله يوفقك بالي احسن مني .

كانت تقرأ وهي ترتجف ودمعتها على خدها مشعل الي كانت تشوفه عيونها وجنتها ودنيتها تخلى عنها بذي السرعه خانت ثقه اهلها طلعت معاه ، العلاقه الي عمرها ماتوقعتها تنتهي كذا

دقت عليه بدون تفكير
مشعل : توقعتك مبلكتني
حنان ببحه : مشعل انا توي افتح جوالي بعد الي صار
مشعل : الله يرحم ابوك ويغفر..
حنان بمقاطعه وصوتها مكتوم : مشعل الي كتبته هذا وش ايش الي بتتزوج وتتركني مشعل نسيت وعدك لي
مشعل : حنان امي هذي انا مستحيل اكسر كلمه امي
حنان : بس انا كسرت ثقه امي وابوي وطلعت معك
مشعل : تحملي اغلاطك انا ما جبرتك تطلعين معاي
حنان بقهر : مشعل !! اذا انت تبي تتركني كذا قول ولاتعلقني مشعل انا حبيتك من كل قلبي ووثقت فيك وكذا ببساطه تتركني
مشعل : اعتبريه درس وانشاءالله تلقين الي احسن مني
حنان: ما ابي احسن منك ... ابيك انت مستعده ارجع البحرين عشانك اترك اهلي عشانك اسوي اي شي بس ماتتخلى عني انتي ماتدري انو هالشهر الي ما اسمع صوتك احس اني بغربه تدري اني بس اسمع فويساتك عشان ارتاح مشعل تكفى تكفى لاتخليني انا احبك
مشعل : الوقت متأخر انا خطبت البنت وملكتي بعد اسبوعين الله يوفقك ورجاءا لاتتصلين علي وبلكي رقمي وانا عمري مارح انساك مع السلامه .

صك المكاله ورمت حنان جوالها وحطت يدها على فمها تحاول تمسك شهقتها

عبدالله الي كان سامع المكالمه من بدايتها
مايدري يروح يواسيها ولا يتركها
ماهان  عليه يشوفها مكسوره كذا ويخليها
تقدم لها
عبدالله: حنان شفيك
جلس عبدالله على ركبه وحط يده على خدها وهو يمسح دمعتها
عبدالله: مين مزعلك اروح العنه الحين
حنان: تركني تركني قال مارح يخليني وخلاني انا غبببيه
عبدالله مسك راسها وحطه على صدره
استمرت تبكي عشر دقايق لين ماهدت شوي
عبدالله: بتبقين تبكين هو راح وتزوج وماهميتيه وانتي هنا شوي وتقطعين نفسك عشانه
حنان : بس انا ماقصرت معه بشي حبيته وسويت كل الي
حط عبدالله اصبعه على فمها
عبدالله: اشش خلاص لاتفكرين فيه علاقه عابره ومرت فكري باليوم وانسيه
حنان : ما اقدر
عبدالله: لا تقدرين احمدي ربك جت منه
حنان : بس هو كان يحبني
عبدالله: هذا حب ؟ يتركك بوسط الطريق حنان لاتعطين احد اكبر من حجمه
مسك يدها
عبدالله: انسيه واذا ماتقدرين تذكري ذكرياتكم الحلوه وتذكري ان العوض جاي ماتدرين يمكن ربي يرزقك بواحد احسن منه
لاتضيعين عمرك وحياتك على واحد زيه
حنان : بالأول تركت امي وفقدت ابوي والحين هو تعبت متى ربي ياخذ روحي وافتك
عبدالله : اش تروحين وتتركينا كلنا نحبك مانبيك تروحين عننا قومي غسلي وارتاحي شوي وحطي كل شي ورا ظهرك
هزت راسها حنان ب ايه وقامت
تنهد عبدالله بعد مادرا انو فيه شخص بحياتها

قامت حنان غسلت وجلست داخل الخيمه
دخل عندها عبدالله ومعاه صحن فيه كرسون مويه مدها لحنان
عبدالله: كولي
حنان : ما ابي
عبدالله: الا تبين كولي
حنان: مو مشتهيه
عبدالله: عشاني طيب
اخذت حنان واكلت شوي وشربت مويه
عبدالله: كملي
حنان : شبعت
عبدالله: بالعافيه اطلعي برا البنات والعيال قاعدين وجايبين العاب وبنشب نار
حنان: برد
عبدالله: تبين فروتي
حنان: لا شتبيهم يقولون
عبدالله: معي جاكيت ابيض مو رجالي عادي
حنان : اخاف امك تشوفني لابسته
عبدالله: معليك جديد امي ماقد شافته
حنان : بس جديد حرام
عبدالله: البسي بس
مده لها واخذته
عبدالله: يلا بطلع انا
حنان: بربط شعري واجي
رفعت شعرها كعكع محيوس وحطت بلاشر ومسكرا وقلوس وبخت عطر
وطلعت
كانو مجتمعين كلهم البنات ماعدا سفانه الي كانت قاعده بعيد والعيال  بفرشه وحده وشابين نار 
جلست حنان جنب عبدالله
مشاري : يلا وش تبون نلعب
اثير: اسأله صراحة
سعود : لاتقترحين ترانا موب بفصل
شمقت اثير وسكتت
سلمان: والله حلوه  نلعبها ؟
فارس: يلا نضيع وقت
جابت وعد قاروره ولفتها
لمياء تسأل مشاري
لمياء: امم اكثر شي تحبه فيني
انس : شف الأسئله
لمياء: مالك دخل سؤالي وكيفي
مشاري : اكثر شي احبه فيك امم تعرفين تسوين كيك
لفو القاروره
سلطان يسأل حنان
سلطان: عطيني ثلاث اشخاص قريبين لقلبك
حنان : محد
سلطان: لازم عطيني لو شخص واحد
حنان: صديقتي
لفو القارور
وعد تسأل فارس
وعد : شي يحرجك بالعلاقات
فارس : مافهمت
وعد : السؤال واضح
فارس : مافي شي يحرج بعلاقاتي
وعد : يا جاوب يا  لاتلعب
قاطعهم دخول حصه واحفادها