أعظم من مُوجز الأخبار بعين المغترب

١١

اليوم الثاني

دخلت الشركة تمشي بثبات خطواتها وثقتها متجاهله كلامهم وحديثهم اللي ماقوى الا على ظلها ودخلت تتوسط مكتب يزن وهي تناوله الحاسب وتشغله تضعه قدامه وقت نطق : ايش ذا ؟
تقدم يشوف ونطق بصدمه : سويتي مقابلة!
اشارت رأسه بالإيجاب وابتسم بفرح وسرور : اخييرًا كنت واثق فيك انا ما تخيبين الظن
ورفع جواله يتصل : الغى برنامج الساعه تسع واعلن عن لقاء مع تيّار
قفل ونطقت : على وعدك ترقيتي والزيادة
اشار رأسه بالإيجاب وابتسمت تطلع برضى وسرور وبيدها كاميرا تيّار اللي متأكده انه شراها علشان المقابلة لانها تعرف بالكاميرات وواضح لها انها جديدة وهذا اول تصوير لها وابتسمت تشوفهم يعلنون ويجهزون وجلست برضى تحمد ربها لانها تصلحت الغلطه ودخل حياتها يصلحها مثل كل مرة ..

قصر بارق

تقدم غارب يشوف امه و أُويس بصالة وجلست معهم ونطق وقت شاف جوال تيّار يشحن : هذا جوال تيّار ؟
اخذه وضحك بشدة يردف : فتح
اقترب منه أُويس يضحك : مسوي مستغرب اكيد بيفتح بوجهك
ابتسم يلفلف فيه ونطق : ابوك والكآبة محمل الواتس بس كانه شايب لا دقيقة عنده تويتر بعد
تقدم سطام يتبعه تيّار اللي كان معه بالغرفة يتكلم معه وجلس تيّار يشوفه ماسك جواله وهزّ رأسه من طفوليته ونطق سطام : لقيت انت حل للمصيبة اللي حنا فيها !
التفت له غارب يشير على نفسه ويترك الجوال : تكلمني ؟ اي مصيبة ؟
رفع حاجبه سطام من استغباءه : ناسي ؟ اذا ناسي افتح الاخبار تذكرك
غارب : وليه تكلمني انا بس ؟ حتى حفيدك اللي جنبك له دخل بالمشكلة
نطق تيّار بهدوءه : معك حق والله ماكان لازم اعلمهم اني تيّار واخليك تكمل كذبتك حقك علي اعذرني
ابتسم غارب : شفت قلت لك خلني اخذ اللي ابي ولا تدخل وتصير امورنا كويسه
ابتسم تيّار بهدوء : المشكلة ما اخذت تزرع بارض ماهي لك ولا عمرها ما تثمر لك
التفتوا لأُويس اللي نطق وبيده جواله : دقيقة دقيقة تيّار سويت مقابلة !
اشار رأسه بالإيجاب وابتسم يشوف صدمة غَارب وابتسم سطام : اي هذا حفيدي يكسر خشومهم ولا يخاف
نطقت لطيفة : ليه ما اخذت اخوك معك وده يطلع
ابتسم تيّار :واجيب له حلاوة علشان حرام يمكن يبكي بنص المقابلة !
احتدّت ملامحه يكمل : يطلع مثل يبي باسمه هو مو اسمي !
فتح أُويس التلفزيون وابتسم وقف شاف إعلان المقابلة يردف : حيّ هالطلة يزين الكاميرا اي بالله
ابتسم تيّار لاُويس اللي هو سبب صبره وتحمله للبيت ذا ونطق غارب ؛ امي جهزي البيت الظاهر بتجيك كنة
التفتت له باستغراب : ليه بتتزوج ؟
وسرعان ماضربت صدرها بخوف : ليكون جايب لي وحده من هالعقارب الشقر
ضحك أُويس : يسويها والله
لكنه ضحك يلتفت لتيّار : لا الظاهر تيّار عنده كم اخبار بيجيبها البيت
التفتت له بصدمه تنطق : غير بنت اخوي ! والله ماتدخل بيتي احد
ابتسم تيّار يغيضه يردف لامه : بنت اخوك تطلب الله امي
عقدت حجاجها بصدمه : ترفضها ! والله لاحلف ما اروح زواجك ولا ازفك
هز رأسه بالإيجاب يهمس : مو لازم
التفتوا بصدمه من رده وعدم إكتراثه ونطق سطام يلتفت له : وش اللي يقوله اخوك ؟ بتتزوج ؟
التفت له تيّار بهدوء : لا تشيل هم جدي ان نويّت فعلت
تنهد سطام يقفل الموضوع : تذكرت عندنا زيارة بالميدان و ودي تروح معي
نطق غَارب قبل تيّار : ليه هو بس ليه مو كلنا ؟؟
اغمض عيونه سطام : لا حول ولا قوة الا بالله
والتفت له : بتصير مثل الاوادم ؟ تركد وتعتدل مثل الرجال؟ تعال محد يمنعك
والتفت لأُويس : باقي انت تعال لا تزعل بعد
ابتسم أُويس : لا تكفى انا عندي رهاب اجتماعي
عقد حجاجه بأستغراب سطام : ليه مو رجال انت ؟؟
ضحك أُويس : ماله دخل جدي بس ماودي
نطق بغضب سطام : لا ودك وتروح معانا وتمشي على يميني
نطق تيّار بهدوء ونبرة حادة : جدي ! قال ماودّه ماوّده
تنهد سطام ونطق غارب مبتسم باستهزاء : يناديك يسكتك ؟ علمني جدي ماسك عليك شيء ؟ يهددك نساعدك علمنا بس ؟