أعظم من مُوجز الأخبار بعين المغترب

٦

اخر الليل ..

كانت بحضن امها تداعب شعرها ونطقت مرجان : متاكدة مافيك شيء ؟
أبتسمت مَنار : اي يمه بس تعبانه
تنهدت تناولها بابونج : اشربيه يمه زين للاعصاب
ضحكت مَنار : مابي بابونج ابي عصفر
ضحكت مرجان تشوفها تجلس ودخلت لؤلؤة : نوني يا حياتي واحلى خواتي
التفتت لها منار : جت اكيد تبي شيء
ابتسمت لؤلؤة : عندي واجب يبون اكتب عن موضوع وتعرفين كتاباتي مو حلوة تكفين اكتبي لي !
اشارت لها بالايجاب والتفتت لدخول ابوها شايل ليان وبعده ماسّة : عساك مبسوطة ؟
اشارت ليان برأسها وابتسم يجلس وتأملت الجلسة اللي كانت بتفقدها وتغيب عنها ، بلعت ريقها وسمعت عمر يردف : علامها منارتي اظلمت ؟
ابتسمت تلتفت له وتقدمت تجلس بجنب وتحضنه من جنب وقبل رأسها يسمعها : اخسي اظلم وانت ابوي
ابتسم يشوفهم ونطق : اللهم زيدهم عدد وبر و صحة وعافية ولا تحرمني من هالجلسة
ابتسموا يهمسون : امين
دخلت غرفتها وارتمت على السرير وهي تدور لصدفة وعقدت حجاجها : وينها !
مالقيتها وجلست بتفكير ناسيه وين حطتها
تنهدت بتعب واخذت وحده غيرها تحطها في اذنها وتغمض عيونها بتعب ، رفعت جوالها تشوف إشعار الرسايل منه ، عدلت جلستها ماتدري ليه توترت وارتبكت لدرجة انها اخذت تميل شعرها على جنب وتبعد الخصلات المهملة وكأنه امامها مو مجرد رسائل '
فتحتها تشوف صور اخذها من مقر الشرطة ، وابتسمت تشوف تسجيل صوتي ، فتحته تقربه من اذنها وتعض شفايفها وقت سمعت تشغيل سيارة دليل انه سجّلها بسيارة وبدأ كلامه بصوت رجولي بحت بقوله : اختفى النجم هالمرة ..
ابتسمت تسمعه يشرح لها اللي صار ويعلمها بحكاية القضية وختمها بقوله " جهزي مُوجز اخبارك واحذفيني منها " انتهى التسجيل ومقصده مايبي يذكر فيها وابتسمت تعض شفايفها بهدوء لنبرته رزانه و هدوء عجيبب ، وابتسمت تتذكر كلام زوجة يحيى ، مشت للمكتبه تفتح الابتوب تهمس : لا تُخفى الحقائق
وبدأت تكتب وتجمع الصور اللي عطاها وتجهز وترجع تسمع صوته وسرده بصورة مبسطة وتضيف لمساتها وتحكي ماجرى معها وجهزته بكلمات مشوقة وجذابة تشرح الحقائق من غير نقصان ولا تغير .. وابتسمت باتساع بعد ماخلصت ونشرتها في صحيفة مُوجز بإبتسامة وإنتصار و لذاذة اللحظة ..

الصباح ..

ابتسم يقرأ الخبر واللي متأكد ان هي اللي كتبه لان الكلمات العظيمة والمختلفة ماتصدر من اي احد ، واتسع مبسمه لانها تكلمت عن ابوه وذكرته بالخير ومانسيته ورغم انه طلب ان اسمه ما ينذكر لكنها ذكرته وصرحت انه جزء كبير في معرفة الحقيقة ، التفت على دخول انمار اللي نطق : صاير مهتم بالأخبار ؟
ابتسم بهدوء يقفل الابتوب :رايح ؟
اشار رأسه بالإيجاب : اي بيبدأ الاجتماع بعد كم ساعه
تيّار : اجل روح وانا عندي موعد اخلصه والحقك
ابتسم انمار : انتظرك لا تتأخر
وطلع ابتسم تيّار يجري اتصال قبل مايطلع للمريض ..

شركة مُوجز

ابتسمت تشوف تجمع الصحفين عندها وتحمدهم بسلامتها وانه ما صابها شيء بعد ماعرفوا بالحادثة ، ضحكت تشوف يزن بكيكة يتقدم لهم ورفعت يدها تحك حاجبها بتوتر تبتسم بخجل لحظة مانطق : الشيء اللي صار كان اكبر حدث لسنة هذي ارتفاع في كل شيء اسمنا واسمك تصدر القائمات النجاح اللي وصلنا له بفضل الله ثم فضلك
ضحكت بحياء تهمس : تكفون خلاص
ضحكوا ونطق يزن : تبي تطلعي مقابلة تتكلمي عن اللي صار ؟
اشارت رأسها بالرفض : لا ابدًا مابي اطلع ولا اتكلم عن الموضوع نهائي