قفلت والتفتت تشرح لملاذ اللي نطقت : يساتر مئة الف من وين بتجيبينها ! وليه عمي تسلف كل ذا !
تنهدت مَنار بشرود : وقت حرق بيتنا نسيتي ؟ اصلًا البيت اللي حنا فيه كان هديه من صاحب ابوي معرف مين واحتاج ابوي زود لاجل يكمل اللي خرب والظاهر تسلف من كثيير وهذا واحد منهم
سكتت ملاذ بتفكير نطقت : طيب وش عطاك شرشبيل هالمرة ؟
رفعت جوالها توريها تيّار مردفه : شوفي يبيني اراكض ورى حفيد بارق
وسرعان ما اردفت ملاذ : الله ولد منو ذا ؟ عطيني عطيني انا اعرف له
ضحكت مَنار تضربها بخفه واكملت ملاذ بعد ماوقفت : حبيبتي لو بيدي اساعدك بدين تدرين اني حاتم الطائي الله يعلمُ والأيام شاهدة أنّا كرام ولكنّا مفاليسُ ..
ضحكت بشدة مَنار من تعبيرها واكملت ملاذ : بس عاد عندي نقوم ندور انا وانتِ عليه لا ارض ولا سماء تكفيه يتخبى فيها ، قومي قومي ورانا ردح
ضحكت مَنار تحضنها مردفه : مَلاذي
وابتسمت ملاذ تردف : مَنارتي
طلعوا مع بعض متجهين للمستشفى ، وقفوا برا وقت نطقت مَنار : تتوقعي مداوم الحين ؟ الوقت متأخر !
اشارت باكتافها بجهل : عيال النعمه مايداومون ١٢ ساعه تلاقينه يداوم يشيك عليهم و يروح
تنهدت مَنار تراقب معها حتى عدا ساعتين ونطقت : ماجاء خلينا نروح ونرجع بكرا
اشارت رأسها بالايجاب وحركت تسمع مَنار : نامي عندي اليوم تكفيين
رفعت جوالها مردفه : نكلم ماما يارب توافق
ردت ونطقت بمزاح : ماما مَنار بنت عُمر ال ياسين عاوزه تكلمك فاضية ولا ندور موعد ؟
ابتسمت امها هدى ونطقت : اذا مَنار بحد ذاتها مايحتاج مواعيد
ضحكت مَنار اللي كانت تسمعها لانه سبيكر وردت : كيفك خالتي وحشتيني مرة
ابتسمت هدى مردفه : بخير دامكم بخير وش هالغيبه خذاك الشغل منا
ابتسمت وهي تنطق بتوتر : خالتي عادي تنام ملاذ عندي اليوم ؟ احتاجها تساعدني ..
سكتت نورة بتفكير ماودها ترفض طلبها ونطقت : دام مَنار طلبت مانردها
صرخت ملاذ بحماس وابتسمت مَنار تشكرها وقفلت تحضنها : اخيييرًا بهالمناسبة شغلي ذكرى بسرعه
التفتت لها ملاذ تردف : نبي نروق حياتي قولي هيفاء وهبي قولي اليسا ولا نانسي عاوزين دلع
قاطعتها مَنار تردف : اقول حطي ذكرى بس وش عرفك انتِ
بيت الصياد ..
تنهدت مرجان توقف مع لؤلؤة تجمع السفرة والتفتت وقت انفتح الباب : هاي يا احلى خاله بالدنيا
ضحكت مرجان تفتح احضانها : حي الله ملاذ
تقدمت ملاذ تحضنها وحضنت لؤلؤة ورفعت نظرها لعُمر وتقدمت تقبل رأسه : كيفك عمي من زمان عنك
ابتسم لانه يعزها ويغليها من غلاوة مَنار : هلا برابع بناتي وين الغيبه ؟
لتردف من بعده : انشغلت بالشغل يادوب لقيت وقت
ماكان منه الا القول : الله يفتح عليكم ابواب رزقه
تقدمت مبتسمه تدخل غرفة مَنار وارتمت على السرير : افف وحشني سريرك
ضحكت مَنار تشوفها تقلب بالغرفة : الشجرة ذي طبيعية ؟ حلوة مره
وسرعان ماصرخت بصدمه : في سمكه ! تو اشوفها
ضحكت مَنار بفقدان امل منها : كل هالزين توك تلاحظيها !
ابتسمت ملاذ : تهبل الوانها مرة حلوة
ورفعت نظرها على الاصداف اللي كانت كثيره باشكال غريبه وحلوه وحييل : بعدك تجمعي صدف ؟
اشارت رأسها بالايجاب تجلس بجانبها : اي كل مرة يزيد ابوي شايفه احجامهم كيف مختلفه ؟ معرف من وين يجيبهم
اخذت مَنار اكبر وحده فيهم وضعتها باذنها واغمضت عيونها تسمع تيّار امواج البحر وهمست : التيّار ..!
ابتسمت ملاذ تاخذ وحده ثانيه وتنسدح بجانبها في السرير تسمع تيّار الامواج وتضاربها وبسبب كبر الصدفات كان واضح وحييل ونطقت مَنار : الطريقة الوحيدة اللي قادره تخليني اهدأ واصفي بالي
ابتسمت ملاذ مغمضة عيونها : خلينا كذا شوي احتاج افكر معك
اتسع مبسم مَنار ومازالوا مغمضين اعينهم ماسكين الصدف ومستلقين بجانب بعض يفكرون ..
أنت تقرأ
أعظم من مُوجز الأخبار بعين المغترب
Fantasyمن يقول إن النور لاغاب رجع ؟ ومن منّا يضمن مشاوير الطريق ! وحتى الصياد لو قضى ليله سّهر يجمع بين شبّك ومغارات الموج عودّ التيّار ولا رجع وخيب آماله والوعود وباتّ ليله طوله سّهر يتحرى شمس العُمر غاب العُمر وانطفأ قنديل الآمل وانجلت انوار العُمر مابه...
