အဆောက်အဦးဖြိုဖျက်ခြင်းအတွက် လျော်ကြေးငွေများကို အလျှင်အမြန်သိမ်းဆည်းနိုင်ရန်အတွက် ဝမ်ဟယ့်ထိုက်က ဆိုင်ရှင်များအားလုံးကို မောင်းထုတ်ရန် ဆုံးဖြတ်ချက် ချခဲ့ရပေမည်။ သူက အဆိုပါဆိုင်ရှင်ကို ပြင်းပြင်းထန်ထန်ဒဏ်ရာရစေရန် လူတစ်ယောက်ကို ရှာခဲ့မည်ဖြစ်ပြီး နောက်ပိုင်းတွင် ချင်ကျိုး၏ ဖခင်ဖြစ်သူ ချင်ဝေ့က ထိုအမှုတွင် ဝမ်ဟယ့်ထိုက် ပါဝင်ပတ််သတ်နေကြောင်း ရှာတွေ့သွားခဲ့ခြင်း ဖြစ်ပေမည်။ ထို့နောက်တွင် ဝမ်ဟယ့်ထိုက်က ဝမ်တရုန်ကိုကြိုးကိုင်ပြီး ချင်ဝေ့ကို ကားဖြင့်တိုက်သတ်ရန် လုပ်လိုက်ခြင်း ဖြစ်လောက်ပေသည်။
"သူတို့လူတွေက သွားရှုပ်ဖို့ မလွယ်ဘူးနော်..."
လျှိုယုံချန် ဆေးလိပ်ကို မီးငြှိမ်းလိုက်ပြီး သူ့အမူအရာတွင် လေးနက်မှုတို့ ထင်ဟပ်နေသည်။လျှိုယုံချန်က ထိုလူများကို သွားရှုပ်၍မလွယ်ဟု ပြောပုံထောက်လျှင် ထိုလူများက အမှန်တကယ် အန္တရာယ်များ၍ ဖြစ်ရပေမည်။
သာမန်လူမိုက်လေးများနှင့် အမှန်တကယ် ရာဇဝတ် ဂိုဏ်းများက အကြီးအကျယ်ကွာခြားကြသည်။ ချင်ကျိုးတွင် လူရမ်းကားညီအစ်ကိုများစွာရှိသော်လည်း မည်သူကမျှ လူသတ်ခြင်း သို့မဟုတ် မီးရှို့ခြင်းကဲ့သို့သော အရာမျိုးကို မလုပ်ရဲကြဘဲ ပြဿနာအသေးစားများသာ ရှာကြပြီး ရဲများရှေ့တွင် လိမ်လိမ်မာမာပြုမူကြသေးသည်။
"ငါ ရေချိုးအိမ်ရဲ့ မန်နေဂျာဖြစ်တုန်းက အဲ့ဒီ့ စိတ်ထားမမှန်တဲ့ ညီအစ်ကိုရဲ့ အဖွဲ့က နေရာတိုင်းမှာ ပိုက်ဆံ လိုက်ကောက်ကြတဲ့လူတွေလေ..."
လျှိုယုံချန်ပြောလိုက်သည်။
"လတ်တလောနှစ်တွေမှာ ရာဇဝတ်ဂိုဏ်းတွေ နှိမ်နှင်းမှုက ပိုပြီးပြင်းထန်လာခဲ့တော့ သူတို့အကြောင်း မကြားဖြစ်တော့ဘူး... သူတို့တွေ ပုန်းနေကြတာပဲဖြစ်ရမယ်...""အဲ့လိုလား?"
ချင်ကျိုး အရက်ခွက်ကို ကောက်ကိုင်ပြီး တစ်ငုံ စုပ်သောက်လိုက်သည်။ဤနှစ်များအတွင်း ယန်းရှီးယွီ၏ စုံစမ်းမှုများ တိုးတက်မှုမရှိသည်မှာ အံ့ဩစရာမဟုတ်တော့ချေ။ ထိုကဲ့သို့သော အဖွဲ့မျိုးကို ဖော်ထုတ်ရန်မှာ အမှန်တကယ်ကို မလွယ်ကူသည့် အလုပ်ဖြစ်ပေသည်။
![](https://img.wattpad.com/cover/356928903-288-k895595.jpg)
YOU ARE READING
Blank Charge (Myanmar Translation)
Mystery / ThrillerLanguage Chinese Author Empty Chrysanthemum 空菊/Kong Ju Year 2022 Status in COO 66 Chapters တရားသူကြီး×ရှေ့နေ လူမိုက်အယောင်ဆောင်×ဝတ်စုံပြည့်နဲ့လူရမ်းကား Topတရားသူကြီး×Bottomရှေ့နေ နှစ်ယောက်လုံးက ကိုင်တွယ်ရလွယ်သူတွေပါ Topက တက္ကသိုလ်တက်ရင်း ကျူတာလုပ်ခဲ...